|
للبحث في شبكة لكِ النسائية:
|
النجم الفضي
هنووووووووده القمر موضوع البرفيوووووووم تحفه وفيه افكاااااااار تجنننننن
ده انا فعلا كانت وحشتنى مواضيعك.......تسلمى ياااااااارب ياقمرايه انتى
البرفيوم بقى معظم اللى عندى خطيبى هو اللى بيجيبهولى هديه......احسن عشان يختاره هو ويكون عاجبه واكييييد بيعجبنى انا كمان ههههههههههه
وهج العطاء
"
الســلام عليكــم ..
حبيبتى هنودهـ انا متابعاكـــى من فترة مش طويله اوى ..
وبجد معجبه جدا بيكى .. و بمعلوماتك اللى بتفيدينا بيها ..
جزاكـ الله خيرا يا حبيبتى عليها يارب ..
بصى يا حبيبتى .. انتى كنتى قبل كده فـ جزء من الاجزاء قلتى ان معاكى لينك فيه طريقة وضع مكياج العين بالاضافه للفات الطرح ..
ياريت يا قمر بعد اذنك تبعتيهولى ضرورى ..لانى بصراحه مش بعرف احط ميك اب !
"
_ _ _ دخول متقطع _ _ _
النجم الفضي
كتبت بواسطة nnnnn_nora
نور ازيك يا جميلة
ماسك حلوة للبشرة العادية وانا مجربهم بنفسى
اللبن مع النشا
العسل مع اللبن
بياض بيضة مع زيت زيتون
زبادى مع فيتامين هــ او حتى زبادى لوحده
اختارى اى ماسك منهم او اعملى مرتين فى الاسبوع حاجات منهم
وصفة للهالات عندك عسل بيتحط تحت العين نص ساعة
او زيت اللوز المر مع جنين القمح ويتحط تحت العين قبل النوم
طريقة شد الجسم مفيش احسن من رياضة عن تجربة سيبك من الوصفات وكلام ده العبى تمارين فى البيت حتشد الجسم وتشيل اى سليوليت
النجم الفضي
كريم دوف نتيجته مؤقته يعنى بتبقى حلو فى الاول بعد ما توقفيه يرجع تانى يعتبر مش عملى
طريقة باديكر ومانيكير شوفى اللينك ه
http://www.lakii.com/vb/showthread.php?t=178082
عضو نشيط
هنودة وحشتينى قوى ...موضوع البرفيوم رائع جدا قد اية انتى رومانسية ورقيقة...استفدت كتير من كلامك...معلش عاوزة اسم وسعر حمام كريم حلو يطرى شعرى اصلة هايش قوى...
النجم الفضي
اهلا يا امولة ازيك ياجميل ؟؟؟ الله يبارك فيكى وتسلمى على كل كلمة جميلة قولتيها
بسبوستى الحمد لله ان موضوع عجبك
وحلو ان خطيبك اللى يجيب البرفيوم عشان تريحى دماغك وهو يختار اللى يحبه براافو
النجم الفضي
اهلا يا انجيل ياقمر منورة الموضوع ومنورنا كلنا
ميرسى على كل كلمة قولتيها ... حاضر من عنيا حابعتلك اللينكات بس لما بعتلك قالى انك عاملة خاصية انك مش تستقبلى اى رسالة خاصة.؟؟؟؟؟ واى حاجة محتاجها احنا كلنا هنا معاكى
آخر مرة عدل بواسطة هنودة هنانيدو : 25-10-2009 في 08:06 PM
النجم الفضي
رنا حبيبة قلبى وحشتنيى عاملة ايه واولادك الحلوين ؟؟؟
فى حمام كريم بوناويل بجنين القمح بيطرى الشعر وحلو اوى هو رخيص علبة صغيرة منه ب 5 ونص
جربى ده وان شاء الله يعجبك
عضو
السلام عليكم
ازيكم يا احلى بنات
عاملين ايه ؟؟؟؟ كلكم وحشتونى اوى؟؟؟
ازيك يا " نودة " عامله ايه
يارب تكونى بالف خير ...موضوع البرفيوم تحفة جدا وجاااااااااااااامد جزاكى الله خيرا
بجد كنت عايزة اسالك عنهم وانتى قلتى كل حاجة
شاملة بجد...
بس هو ايه فيكتوريا سيكرت...انا مش عارفة عنها حاجة
النجم الفضي
القمرات المنورين ازيكم ؟؟؟
تعالوا نكمل موضوع البرفيوم بس نهاردة نتكلم عن تعطير :::
الاماكن حساسة
تعطير الفم
تعطير الشعر
طبا دول اكيد اماكن مختلفة عن الجسم يعنى اكيد بردو ان الحاجات مستخدمة لتعطيرهم مش زى طرق تعطير الجسم
تعالوا نبتدى بالمنطقة حساسة
طبعا كلنا عارفين انها منطقة حساسة من الصعب انك تحطى عليها اى حاجة وخلاص لانها ممكن تعمل مشاكل زى التهابات واسمرار وافرازت بس مش معنى كدا انها ملهاش طرق تعطير هى ليها طبعا وكمان حاجة صحية ومذكورة فى السنة
طبعا الطريقة الصحيحة هو مسك ....
فى حاجة اسمها مسك الطهارة هو مخصص للمنطقة حساسة واواقات مش بنلاقى مسك الطهارة ممكن يتعمل طريقة تانية ..
لنك تجيبى مسك مكعبات ويتبشر ويتحط فى ماء ورد كانه بيتنقع وتحطى القطنة فيه وتمسحى بيه المنطقة من برا .....
انا بستخدم طريقة ديه وحلوة ومريحة بتخلى ريحة حلوة جدا وماء الورد بيشد المنطقة وبيفتح لونها كمان مش مضرة ....
بسمع ان مسك طهارة هو اللى مخصص لكدا وانه افضل من مسك عادى بس لو مفيش عندك مسك طهارة ممكن تعملى طريقة ديه
كمان فى منتجات مخصصة لتعطير منطقة زى سبراى ومناديل معطرة وغسولات وديودرانت وفى ماركات متخصصة فى كدا زى fem fresh بس بحس انها مش حاجة صحية رغم انها شركات متخصصة فى حاجات ديه بس بردو بحس انها حاجة كميكل ممكن تضر على مدى البعيد بس عامة ماركة fem fresh من ماركات مشهورة بتنزل سبراى للمنطقة ومناديل مبيللة وغسول وديودرانت
كمان استخدام الغسول زى سيتيال او اى غسول بيخلى ريحة منطقة معقمة وريحتها حلوة
نيجى لتعطير الفم
طبعا الفم من حاجات اللى بيظهر فيها الريحة بسرعة وكنا اتكلمنا قبل كدا عن الفم ورائحته
الاسنان ورائحة الفم
http://lakii.com/vb/showthread.php?t=574142&page=11
كمان فى كذا طريقة سهلة للفم
طبعا الاساس المعجون لانك بتشيلى اى بكتريا تعمل ريحة وحشة وطبعا كلنا منعودين نغسل اسنانا فى الصبح وقبل النوم
فى كمان سبراى معطر للفم بريحة النعناع وفرواله وبرتقال من ماركات زى dental care او اى ماركة تانية بيترش جوا الفم رشة خفيفة تخلى ريحة النفس والفم حلوة وبشكل سريع
طبعا فى غسول للفم زى مضمضة بالنعناع
بس الاسبراى سهل وعملى سريع يعنى لو انتى صاحية من النوم او بعد الظهر جالك ضيوف فجاة او اكلتى حاجة وريحتها مش حلوة بسرعة تحطى اسبراى
اخر حاجة تعطير الشعر
فى طبعا معطرات الشعر بتبقى بنفس ريحة برفيوم من اى ماركة برفيوم زى شانيل ولانكوم وتقريبا كل ماركات منزلة معطرات شعر وفى من اوريفليم من جيوردانى
فى كمان معطرات الشعر بالبخور وحاجات شرقية
بردو نفس كلام انه اكيد حاجة كيمائية بتتحط على الشعر ممكن يكون لها تاثير سمعت انها بتضر الشعر وتخليه الشعر يبقى فى لون ابيض ...
عامة لو انتى مش عايزة تستخدمى معطرات انتى ممكن تعملى حاجة بسيطة اتك الكريم او سيروم اللى بتسخدميه يكون اصلا ريحته حلوة وكدا يبقى شعرك لوحدة ريحته حلوة
او ممكن تحطى على ايدك نقطة من اى زيت عطرى مفهوش اى كحول يعنى زيت الورد او المسك او الفواكه او لافندر ويتمسح بيه على الشعر بشكل خفيف مجرد نقطة حتلاقى ريحة الشعر حلوة جدا ومن غير ضرر
انا بعمل الطريقة ديه لما اكون بستخدم ماسك للشعر ريحته مش حلوة فعلا بيضيع اى ريحة وحشة
يمكن ديه طرق سهلة للتعطير وخفيفة يارب تعجبكم
أعضاء قرؤوا هذا الموضوع: 0
الروابط المفضلة