"عروسات المستقبل تعالوا اقولكم".. جزء ( 11 )

[ايمان مونى]

السلام عليكم

ازيكم يا بنات ازيك يا هنودة يا قمر عاملة ايه وحشتونى كلكم

هنودة كنت عاوزة اسالك على حاجة انتى مرة قولتى ان هرمونات الجسم بتتغير بعد الجواز وان الجسم بيزيد لوحده والجملة دى رعبتنى

انا طولى 156 ووزنى 50 كيلو وده متهيالى كويس يعنى انا شايفة نفسى مش تخينة ومش رفيعة حلو كدة بس انا خايفة اوى اتخن بعد الجواز

لان كلهم بيقولولى كدة وكلمتك خوفتنى اكتر وانا جسمى من اللى يقبل الزيادة لانى كنت اتخن من كدة وخسيت

انا الحمد لله بحافظ على اكلى ومابتقلش فيه وكمان بعمل رياضة كل يوم وساعات 3 مرات فى الاسبوع فكنت عاوزة اقولك يعنى هو انا مش هقدر افضل رفيعة بعد الجواز

خطيبى مش بيحب التخان وانا كمان مش بحب التخن خالص وعاوزة افضل على جسمى ده وانا عارفة انه غصب عنى هتخن بالحمل والولادة بس مش اكتر من 10 كيلو بالكتير وده انا سامعاه من دكتور وغير كدة يبقى انا اللى باكل كتير

انا خايفة اوى يا هنودة لما اتجوز اتخن وماقدرش اخس تانى انا عاوزة افضل طول عمرى بوزنى ده قوليلى الكلام ده ممكن ولا لا

ميويا
وحشتينى جدا جدا والمجموعة دى فكرة حلوة اوى انا كنت هعملها بس انتى سبقتينى وانتى جيتى بقى للخبيرة لانى مشتركة فى مجموعات كتيرة وممكن افيدك بصى يا حبيبتى انتى تعمليها عامة عشان الكل يقدر يشترك لكن لو عملتيها بدعوة يبقى ماحدش هيقدر يشترك فيها غير اللى بعتيله الدعوة

ولو اى مشاكل قابلتم قوليلى انا اعملها وبعدين انقلك ملكيتها عشان تبقى باسمك انتى مش انا
اوك يا قمر

[روزي روز]

ازيكو يااحلي بنات
وحشتوني من فتره مدخلتش المنتدي بس لظروف خارجه عن ارادتي
وكنت عاوزه اسال عن حاجه بس محدش يضحك عليا اوك ؟

كنت عاوزه اعرف انواع المكياج واستخداماته بمعني انا اعرف الروج والكحل والايشادو والمسكاره بس وعاوزه اعرف اكتر عن الميكب لاني اكتشفت ان خطيبي بيعرف اكتر مني في الحاجات ديه في حاجات انا معرفهاش وبصراحه كنت اقرا كلامكم وساعات مش بعرف ايه اللي بتتكلموا عنه ؟

وعاوزه اعرف ايه هي البيبي ليس؟

معلش لو كنت طولت عليكم بس انا مبتداه في الميكب ويادوب علي ادي لاني عمري ماحطيت ميكب الا في يوم خطوبتي بس

[روزي روز]

معلش لو هتقل عليكو اكتر بس عاوزه الميكب بالصور لو تقدروا

[هنودة هنانيدو]

هنووودة الف مليون مبروك على الجزء الجديد ويا رب دايما
من نجاح لنجاح وتقدم مستمر ...كلامك فعلا صح وحكايه الجروب دى
ممتازة زى صحبتها
هنوودتى انتى عارفة انى باستخدم مجموعة اوبتمالس من اوريفليم بس انا كان
عاجبنى الغسول بتاع شجرة الشاى الاخضر بردو من اوريفليم ينفع استخدمه بدل
الغسول بتاع اوبتمالس ولا لازم استخدم المجموعة على بعضها عشان تجيب نتيجة افضل
كمان حاجة عايزة اسم كريم عين يكون كويس ويا ريت يكون من اوريفليم واسفة على التعب

ملوكة ياقمر وحشتينى
اوبتمالس حلوة فعلا ولو عايزة تجربى غسول الشاى الاخضر جربيه مفيش مشكلة لو حسيتى انك مش مرتاحة معه ارجعى تانى اوبتمالس

كريم العين اسمه ايكولاجين من اوريفليم على شكل انبوبة صغيرة لونها ابيض هو بينزل ب 35 تقريبا وانتى بتاخدية بالعرض بيبقى اقل

ده انا جربته وطلع حلو هو خفيف على العين وبينفع لو صاحية من النوم شكل العين منتفخة او كدا بيخليها شكلها احسن اما من ناحية الهالات هو ملهوش تاثير قوى هو تغذية وبيدى شكل صحى للعين ينفع كمان تحت الميكب

[هنودة هنانيدو]

ازيكم ياقمرت عاملين ايه وحشنى كتير
الف مبروك ياهنودة على الجزء الجديد وربنا يبارك فيكى ويعينك على فعل الخير ويجعله فى ميزان حسناتك
وعندك حق يا هنودة فى ملحوظاتك وان شاء الله نلتزم بيها وانا معاكم فى فكرة ميويا لان احنا العلاقة بينا بات اكتر من سؤال وجواب وخصوصا ان الواحد حالته النفسية بتتغير فى اليوم 100 مرة وبيحتاج حد يتكلم معاها زى انادلوقتى داخل عليه دور كابة متعرفيش ليه ربنا مع ان انا النهاردة الحمد لله نزلت وخلصت حاجات المطبخ كلها وكنت مبسوطة لكن الحمد لله معلش طولت برده ادعولى يا بنات ربنا يكرمكم ا

سموحة مبروك على المطبخ عقبال كل الحاجات شدى حيلك عايزينك عروسة زى القمر ويارب اكلمك قريب مش عارفين نتقابل مع بعض خالص

[هنودة هنانيدو]

الف مبروك ياهنوده على الجزء 11 ومبروك علينا كلنا
وانا معاكى ياهنوده فى كلامك ومش فى اى حاجه تزعل فى كده

ريمان وسموحه ربنا ييسرلكوا الاحوال يارب ونفرح بيكوا وكل العروسات القمرات

وفكرة ميويا حلوة اوى

الله يبارك فيكى يا بينك وان شاء الله نعمل فكرة ميويا وننطلق بالكلام

[هنودة هنانيدو]

السلام عليكم
ازيك يا هنوووده يا حبيبتى بقى كده كنتى سايبانا تايهين بين اركان المنتدى
وحشانا وربنا والف مبرووووووك على الجزء الجديد 11 وعقبال ال100
وكلامك مايزعلش وان شاء الله نلتزم بيه

ازيكم يا بنات كلكوا وحشنى
ريمى وسموحة وبينك وسارة ومونى وميويا ونورا وزكية وعزة وروز وملووووكة وبسبوسة وبسكوتة وناهد وحسبى ربى يارب مكونش نسيت حد ... سامحونى
وربنا معاكى يا سموحة انتى وريمى

هنووووودة
انا بشررررتى بايظة خالص
اولا انا اعتقد ان بشرتى جافة لانها بتقشر كتير مش فى الشتا بس لاء وممكن كمان فى الصيف
وزهقت منها خالص بحاول ارطبها على اد مابقدر بس ممكن يومين تبقى كويسة وعشرين لاء وبتبان كمان لما احط ميكب بتبقى مقشرة كده مع انى مابحطش ميكب على طول يعنى فى الخروجات بالليل بس ومابتبقاش كتير انتى فهمانى
احترت فيها بجد لاء واللى زاد انه طلعتى حبتين مكورة كده تحت الجلد .....

انا بعمل سكرب عشان التقشير ده عبارة عن زيت زيتون وسكر وبفرك بيه وشى
بس مابغسلش وشى على طول بغسله بعد ساعتين كده لانى سمعت انه زيت الزيتون مع الميه بيسمر الجلد ..... معرفش اللى بعمله ده صح ولا غلط
ياريت تقوليلى اتعامل مع بشرتى دى ازاى بقيت اتكسف منها ساعات وانا قاعدة مع خطيبى والله
معلش طولت عليكى ربنا يجازيكى كل خير وييسر امورك انتى وكل البنات

حبيبة ياقمر متتضايقش ان شاء الله بشرتك حتبقى حلوة وجميلة زيك
طبعا كدا مادول بشرتك بتقشر تكون جافة هى البشرة جافة محتاجة ترطيب عالطول
والترطيب داخلى وخارجى
يعنى داخلى شرب ماء كتير واكل الفاكهة والخضار انا عارفة انه كلام عالطول بقوله بس والله هو الاساس يعنى لو بتحطى اغلى كريمات ومفيش ماء وفاكهة بتاكليها ولا حيبقى فى فايدة

ترطيب خارجى طبعا بالماسكات والكريمات

حتلاقى فى رابط ده ماسكات للبشة الجافة اعملى مرتين فى الاسبوع اى ماسك ترتاحى ليه

ماسكات للبشرة من نانيس سليم
http://lakii.com/vb/showthread.php?t=578639&page=12

لما تعملى سكرب اغسليه يا حبيبة مينفعش تسبيه مدة طويلة على بشرتك او استبدلى الزيتون بسكرب تانى

كمان كريمات البشرة الجافة من اولاى ونيفيا حلوين هاتى منهم ودايما قبل ما تانمى رطبى بشرتك بيهم

لما تستخدمى ميكب هاتى ماركة حلوة تكون فيها نسبة ماء يعنى كريمات الاساس للبشرة الجافة بتبقى فيها نسبة زيوت وماء عشان ترطب والميكب مش يجف ولايقشر

ده موضوع بردو عن الروتين اليومى حيفيد بشرتك

الروتين اليومى للبشرة
http://lakii.com/vb/showthread.php?t=585548

شوية شوية بشرتك حتحسن

[هنودة هنانيدو]

السلام عليكم كيفكم بنات اللسته اللي فوق تجنن ويارب يجي اليوم اللي اتحط بيها
هنودة الف مبروك على الجزء الجديد وكلامك مابيه اي شي يزعل بالعكس وفكرة ميويا حلوة تخلينا نقرب من بعض اكثر والله نفسي اقرب منكم واعرفكم كلكم ياورود
انا حاستفيد من اللسته اللي كتبتيها لمسك بقائمة المشتريات ان شاء الله وكنت حسال نفس السؤال لكن الاخت مسكــ سبقتني

سؤالي حاليا عن الليمون والملح لتفتيح المنطقة الحساسة استعملهم ازاي لانه عندي هذه المنطقة بيها سواد شوي
وسؤالي الثاني انا لما اسشور شعري بالبداية يكون جميل جدا واعمله زي ماانا عايزة لكن بعدها يبدا مو ينفش وانما تتخربط الطريقة اللي عاملة بيها شعري مع العلم اني استخدم المثبتات لكن يرجع ينام وحتى لو كنت لافاه بالرولات نفس الشي
سؤالي الثالث معليش حبيبتي استحمليني هل يوجد بديل للحمام المغربي لاني مش لاقياه عندنا
وعندي اسئلة كثير بس متخربطة وناسية والله دخت بصراحة من هوسة التحضيرات مع العلم اني باقيلي كم شهر بس دايخة من الان
سلامي لاحلة هنودة واحلى بنات

روز ياقمراية ازيك
الليمون والملح دول سكرب يعنى تقشير بيشيل خلايا ميتة بتجيبى ملح وتحطى عليه عصير الليمونة وتغسلى منطقة وتحطى عليهم الملح والليمون حيبقى زى سائل وفى حبيبات الملح وتفركى بيه منطقة براحة وتغسليها بالماء وتنشفيها وتحطى كريم مرطب زى جليوسليد

الاستشوار اوقات بعده الشعر ينشف بسبب الرطوبة واواقات طبعا كتر مثبتات غلط يعنى بتاثر وتنشف الشعر انتى بعد ما تعملى استشوار حطى نقظة بسيطة من سيروم او كريم شعر وامسحى بيه على كل الشعر مجرد حاجة بسيطة كدا بيبقى شعرك طرى ومش ماشف

الحمام المغربى هدف منه تقشير الجسم وتشيلى كل خلايا ميتة منه وتوحيد لون الجسم ممكن تعملى ماسكات تقشير زى ملح مع الليمون

او وصفة الرز مطحون + حليب + ماء ورد + جلسرين

[هنودة هنانيدو]

الف مبروك يا هنوده على الجزء الجديد

وربنا ما يحرمنا منك ابدا يا سكر

واهلا بكل العروسات القمرات اخواتى اللى هنا

كنت سألتك يا هنوده عن الشعر الهايش ياريت تقوليلى اتعامل معاه ازاى

جربت حمامات الكريم ومش بتعمل معايا نتيجه

كنت هعمله فرد على الفرح بس انتى والبنات خوفتونى منه مش عارفه بصراحه اعمل ايه

وكمان بشرتى من الشمس من عند الطرحه فيها خط اسمر كده فاصل

بستعمل كريمات ومسكات وشى بيبقى حلو وكل حاجة لكن الخط ده بيفضل زى ماهو

*****

ريمى السكرة فى فرع من ارويفليم فى ميدان السفير ده اللى انا عرفاه

اهلا يا هوبى ياقمر

الشعر الهايش مشكلتنا كلنا هو فى الصيف بيبقى اكتر عشان الرطوبة والحر
لو انتى شعرك مناسب معه الزيوت اعملى وصفة ديه انا مجربها بقالى 3 استبيع وفعلا الحمد لله تحفة قللت الهيشان

30 جرام زيت الشبت + 30 جرام زيت زيتون + 30 جرام زيت لوز + 10 جرام زيت العنبر تخلطيهم مع بعض وتعملى بيهم حمام زيت

وحاولى تلفى شعرك زى طاقية او دوامة ده بيقرد للشعر وبيهدى الهيشان
كمان فى كريمات بتطرى الشعر بس بتكون تقيلة يعنى زى جولديز وبالمرز دول بيطروا اطراف الشعر خاصة جولديز ده مخصص كمان لاطراف الشعر والهيشان

بالنسبة للشمس الخط ده طبعا بسبب الطرحة انتى اعملى ماسك النشا مع اللبن مرتين فى الاسبوع فعلا بيجيب نتيجة وبيشيل الاسمرار وكدا كدا بعد الصيف ما بيخلص البشرة بترجع تانى لونها الطبيعى

[هنودة هنانيدو]

حبيبة ده موضوع للبشة الجافة حتلاقى فى حاجات حلوة مناسبة اعمليها

خبير الأعشاب الطبيعية التجميلية حسام المراغي خلال برنامج "صباحك سكر زيادة" على قناة Otv

وقدم مجموعة من الإرشادات لأصحاب البشرة الجافة وكيفية التعامل معها أهمها :
1 – شرب الماء قدر المستطاع بكمية كبيرة .
2 – الوضوء بماء فاتر ، لأن الماء الساخن يلهب البشرة ويسرق ترطيبها ، أما البارد لا يستطيع إذابة الدهون بصورة جيدة.

– الاستحمام يجب أن يكون بالماء الفاتر ، أما في حالة استحالة ذلك والتعود على الاستحمام بالماء الساخن يجب الحرص على تقليل فترة الاستحمام قدر الإمكان والابتعاد عن الصابون لأنها من أكثر المستحضرات التي تسحب الدهون من البشرة وتزيد من جفافها.
ويمكن استبدال الصابون بالترمس المطحون أو الشوفان المطحون لعمل صنفرة طبيعية بدون أن يلحق بالبشرة أي ضرر بها

5 – إذا كانت بشرتك شديدة الجفاف يفضل استخدام أقراص الأوميجا 3 الخاصة بزيت السمك ،وتشعرين بالفرق من أسبوع إلى 6 أسابيع .
6 – أثناء استخدام السشوار يجب مراعاة ألا يسلط الهواء الساخن على الوجه أثناء التصفيف ، لأنها من أكثر العادات التى تدمر البشرة وتزيد من جفافها ولا تلتفت إليها بعض البنات.

7 – تفادي الاسكراب القاسي على البشرة واختاري الرقيق والناعم منه .
8 – يجب المداومة على استخدام مرطب للبشرة باستمرار واستخدام لوشن أثناء الاستحمام للجسم أو استبداله بزيت لوز حلو مع نقطة من زيت الجوجوبا

قناع الموز
- قومي بتنظيف البشرة والرقبة جيداً، ثم اهرسي ثمرة الموزة جيداً، واستعملي منها مقدار 1 ملعقة شاي " حوالي 20 جرام ".
- اخلطيها مع ملعقة أكل من العسل، ثم ضعي الخليط على الوجه، واسترخي حوالي 20 دقيقة، ومن ثم قومي بإزالته بالماء الفاتر

قناع العسل لتغذية البشرة

المكونات
- ملعقة عسل نحل .
- ملعقة حليب طازج .
- مسحوق قرصين خميرة .

الطريقة
- امزجي المكونات جيداً و اصنعي بها دهان و يتم طلاء بشرة الوجه و العنق بفرشاة مع مراعاة الإبتعاد عن منطقة العينين الحساسة و يترك القناع على الوجه لمدة 15 دقيقة على الأقل و بعدها يمكن غسل الوجه بالماء الفاتر عدة مرات.