افكارك حلوة ياغالية في طرح المواضيع المفيدة ونقاشها
بالنسبة لي انا عانيت خاصة مع ابنتي الصغيرة والى الان اعاني معها بالرغم من انه عمرها خمس سنوات
لكن قلت لها اللي ياكل يفيد نفسه
في سن صغير انا اكون منظمة وقت الاكل كل يوم نفس الموعد ونفس الروتين لان الطفل في السنتين الاولى من عمره يحب الروتين ولو تغير يتعب ويعمل له قلق فلذلك نجد اطفال كثيرين نومهم متقلب واكلهم غير متوازن لانه ليس لهم نظام في حياتهم .
هذه اهم نقطة لازم تخلوها في بالكم
بجانب الاعراض اللي يتعرض لها الاطفال من مرض وتسنين وخلافه.
عشان كدة ما احط في بالي انه طفلي اكل ولا لا
لاني اعرف لما مابيناموا كويس اكلهم يقل
ولما اكلهم يقل نومهم يكون قليل
وعلى طول ترتفع الحرارة ويمرضوا
خاصة لما اكون مسافرة النظام يتغير عليهم فاكون مرتبة نفسي لهذه الاعراض حتى لا أفاجأ بها .
الاطفال في بداية حياتهم يحبوا التجربة خاصة بعد اتمامهم عمر الاربع اشهر نجدهم لما يشوفوا كاس ماء يفرحوا وكانه لهم
لما يشوفوا طبق نفس الشي
خلينا نعلمهم من الصغر على طعم الاشياء وعلى التذوق
حتى يتعلم انه يذوق مش يرفض الاكل من البداية .
مرة قرات انه على الام وقت الاكل لما تاكل من الاكل تعمل هذه الطر يقة
تتلذذ بالاكل وتقول ياسلام طعمه حلو ولذيذ وتعمل حركات في فمها كانه اعلان
الطفل ذكي وحيحاول يجرب ويتعلم يجرب
وحيفرح لما يلاقي فعلا انه الاكل لذيذ وانه فوت على نفسه فرصة التذوق.
انا صرت لما اطبخ وبنتي الصغير تجي المطبخ احاول اعمل نفسي اذوق الطبخة امامها
فهي صارت تسال ايش بتاكلي
اقول لها اذوق الاكل اشوف طعم ولا لأ
بالأمس اول مرة اطبخ فيها فريك في البيت وسالتني ايش عملت على الغذا
قلت لها فريك ولذييييذ
وقلت لها انه اكلة جديدة
فقالت خليني اذوق
واعطيتها
فعجبتها وطلبت ثاني قلت لها خلاص في الغذا
وفعلا من يوم جلست على لاسفرة قالت لابوها : ماما عملت لنا غذا جديد اليوم ومرة لذيذ.
فيه فكرة دائما اعملها للاطفال
الى سن السنتين
اجلسهم على دواليب المطبخ واحط تحت تصرفهم ملاعق اطباق ملونة
واي شي يعجبهم فوق الدواليب واجلس اطعميهم وهم يلعبوا
الطفل حيخاف يتحرك كثير حتى لا يسقط من على الدواليب
وهنا انا انتهز الفرصة اخلص الاكل بسرعة وتنتهي المهمة.
اتمنى اني اكون قد افدتكم
لي كم يوم اقول خليني ادخل اقول لهم على افكاري
واقول في نفسي بلاش ده انت عجوزة وهم شباب اطفالهم صغيرين خليهم يستفيدوا من اللي في نفس سنهم.
الروابط المفضلة