ملف لعمليات التلقيح الصناعى و الحقن المجهرى ...تجارب وخبرات

[valeen]

بيرو شكرا حبيبتي على اهتمامك وفعلا انت افادتيني عارفه لما يكون عندي خلفيه بابقى مطمنه اكتر .....اما الدعاء انا دايما بادعيلك انتي وكل أخواتي وما فيش مرة اروح الحرم الا وادعي للجميع ...ان شاء الله ربنا يتملك على خير و يوفقك في كل خطوة

[valeen]

مرحبا يا صبايا كيفكم ان شاء الله يثبت حمل الحوامل ويرزق جميع المحرومات يارب لي صديقه بدها تحمل هي عندها طفلين بس حملتهم عن طريق التلقيح الاصطناعي هي حقن السائل المنوي تبع زوجها في الرحم بدون اي منشطات والحمدالله في الحملين نجحوا الحمل الاول من اول مره والتاني بعد 4 مرات بس لان بدها تحمل بس المشكله ان التامين غير مغطي اي شئ في لاول كان نغطي جزء بس لان ولاشئ وهون العمليه تكلف بلاوي وزوجها ما بده يعملها لانه التامين غير مغطي وطبعل غير مضمون النجاح من اول مره وبعدين بطلع لها حجج ان الوضع الاقتصادي تعبان وما في شغل .... وحجج هو كلامه في صحيح بس الارزاق بيد الله وهي زعلانه منه وما بتعرف شو تعمل معاه

اهلا بيكي حبيبتي .......ربنا يرزق صديقتك ويهدي زوجها على الموضوع على فكرة واضح انها مشكلة منتشرة جدا ....كل الرجاله لازم يعترضوا .....لكن كلمتين حلوين وحوار هادي مع الأستعانة بالصلاة والدعاء ان شاء الله كل الأمور تتيسر.وربنا يعطي كل واحدة ما تتمناه

[valeen]

شكرا ليالي على الأدعية وربنا يتقبل ويجعلها في ميزان حسناتك

[valeen]

ازيكم اخواتى
شكرا فالين عالتحية
وربنا يرزق كل محروم
ودعواتكم بتمام عملية الحقن على خير وربنا يرزقنا الذرية جميعا

حياكي الله حبيبتي وان شاء الله ربنا يتم لك على خير ويوفقك في كل خطوة .....ويرزقنا جميعا بالذرية الصالحة

[valeen]

أم راغب حمدا لله على سلامة اخوكي ويارب يبارك في صحته ويطمنكم عليه

[layali48]

فالين يارب يبارك فيك وييسر لك امولرك يارب

[valeen]

ربنا عنده كتير

أخواتي احبكم في الله ربنا يرزقكم جيمعا بالذرية الطيبة وانا معكم ويبارك لمن رزقه الذرية

شوفوا الكلام اللي هاقواوا دلوقت حصل مع صديقة عزيزة على نفسي أعرفها من اكثر من 20 سنه
هي اتجوزت في سن كبير (وانا كمان اتجوزت في سن كبير لكن هي سبقتني )

زوجها كان مطلق وعنده ولد عايش مع أمه وتقريبا مكتفي بالولد ده .....يعني مش مهم عنده انه يكون عنده أولاد تاني ....غير ان كل امكاناته الماديه مسخرها لتحقيق طموحاته في حياته العملية
هي رضيت بزوجها وكانت دايما تقول

ربنا عنده كتير

بعد زواجها بسنه ربنا رزقها بولد ما شاء الله ربنا يباركلها فيه ....وبعد كده حصل حمل وانتهى في الشهر التاني .....وبعدها حصل حمل وسقطت في الشهر الثالث والدكاتره قالوا انه صعب يحصل حمل ولو حصل صعب يكتمل لكن هي كانت راضية وفي الوقت نفسه عندها امل في الله وبتردد ما تقول

ربنا عنده كتير

حملت مره كمان والحمل وصل لبداية الشهر التاسع ومش قادره اوصفلكم فرحتي بده كانت ازاي وهي كمان كانت فرحانه جدا ...لكن جالها الام شديدة ونقلوها للمستشفى واجرت عملية قيصرية وبعدها غادرت المستشفى لكن بدون ابنها لأنه تحت أجهزه بسبب مشاكل في القلب ومشاكل في الرئة واستمر الحال على كده 11 يوم وتوفى ابنها ولم تشاهده الا مره واحدة .....في حياتي لم ارى صبر واحتساب ورضا بالقضاء زي كده ...أسترجعت وكررت جملتها

ربنا عنده كتير

في الوقت ده كان عقد قراني وطبعا كنت مكسوفة اعزمها نظرا للظروف اللي بتمر بيها لكن هي عزمت نفسها وكلها تفاؤل وكنت سعيدة بوجودها مع اشفاقي لما حدث لها

بعد كده الأطباء أكدوا لها ان الحمل بشكل طبيعي مستحيييييييييييييييييييييييل وطبعا فكرة انها تعمل حقن مجهري او غيره كمان مستحيييييل ..لسببين الأول ان زوجها واضع كل أمكانته المادية في مشروع مصمم انه ينجح .....وكمان مكتفي بالولد اللي من زوجته السابقة وبالولد اللي انجبه منها وعايز يوفر لهم مستوى كويس ...كمان هي استقالت من عملها بعد انجاب ابنها الأول ولا تملك اي دخل تجري به العملية

المهم انا اتجوزت وجيت مكة وفي الصيف اللي فات لما رجعت في اجازة اتصلت بيها وعرفت ان هي استسلمت لذلك ورضيت بابنها الوحيد لكن قالتلي انا واثقة ان ربنا هيديني لأن

ربنا عنده كتير

من فتره أخويا اتصل بيا وكان عايز يستفسر عن حاجه واللي ممكن يفيده فيها أخو صديقتي وهو مش عارف يتصل بيه فقالي اتصلي انت بيها واسأليها على أخوها .....لما اتصلت وردت عليا قالتلي خبر جميل جداااااااااااااااااااا

قالتلي ربنا رزقني بعمر والله لا تتصوروا مدى فرحتي انا وزوجي بالخبر .....ولم لا انها ارادة ربنا نعم رزقها بطفل ما شاء الله معافي بعد ان كان الأمر مستحيل ..........هو مستحيل عند البشر لكن ارادة ربنا اقوى من اي شيء ......

هي دايما عندها يقين وربنا لم يحرمها .....يارب ترزقنا جميعا بالزرية الطيبة

ربنا عنده كتير

[PoliteGirl]

ازيك بولايت جيرل
عاملة اية يارب تكونى بخير ويرزقك ربى الذرية الصالحة على فكرة انا قرأت شوية فى مشكلتك وحبيت اقولك انى تقريبا مريت بنفس تعسف زوجك وما كنش قدامى الا ربنا ودعيتة والحمد لله وربنا يتم الموضوع على خير
وما يمنعش ان فية شوية تقلبات كل شوية بس الحمد لله لينا اذنين
هههههههههههههههههه
وربنا يسعدك ويرزقنا جميعا الذرية الصالحة

اهلا بيرو

ازيك عاملة ايه ؟ انا الحمد لله بخير

واضح ان الرجالة كلهم صنف واحد ... ربنا يهديهم ويسخرهم لينا يارب

ايوة طبعا الحمد لله انا لينا اذنين نسمع من واحدة ونطلع من التانية ههههههه

ربنا يكمل عمليتك على خير يا بيرو ويرزقنى ويرزقك الذرية الصالحة ان شاء الله

مرحبا يا صبايا كيفكم ان شاء الله يثبت حمل الحوامل ويرزق جميع المحرومات يارب لي صديقه بدها تحمل هي عندها طفلين بس حملتهم عن طريق التلقيح الاصطناعي هي حقن السائل المنوي تبع زوجها في الرحم بدون اي منشطات والحمدالله في الحملين نجحوا الحمل الاول من اول مره والتاني بعد 4 مرات بس لان بدها تحمل بس المشكله ان التامين غير مغطي اي شئ في لاول كان نغطي جزء بس لان ولاشئ وهون العمليه تكلف بلاوي وزوجها ما بده يعملها لانه التامين غير مغطي وطبعل غير مضمون النجاح من اول مره وبعدين بطلع لها حجج ان الوضع الاقتصادي تعبان وما في شغل .... وحجج هو كلامه في صحيح بس الارزاق بيد الله وهي زعلانه منه وما بتعرف شو تعمل معاه

ايه موضوع الأزواج ... كلهم فجأة اعلنوا حالة من العصيان على زوجاتهم

ربنا يهدى خلقة يارب

قوليلها تصلى وتدعى كتييير وان شاء الله ربنا يكتب لها اللى فيه االخير

ازيكم اخواتى
شكرا فالين عالتحية
وربنا يرزق كل محروم
ودعواتكم بتمام عملية الحقن على خير وربنا يرزقنا الذرية جميعا

ربنا يا حبيبتى يتمم عمليتك على خير ويكرمنى ويكرمك ويكرم كل اخواتنا بالذرية الصالحة يارب العالمين

[PoliteGirl]

فالين

قصة صحبتك دى مؤثرة جدا ... مفيش تعليق عليها غير

سبحان الله العاطى الوهاب الذى اذا اراد شئ قال له كن فيكون

ربنا يبارك لنا فى اولادنا ويبارك لها فى اولادها اللهم امين

[اريج زهرة]

ازيك فالين
ربنا يرزقنا جميعا الذرية الصالحة كما رزق صاحبتك ويبارك فى ذريتها
وشكرا عالقصة والعبرة الجميلة وجزاكى الله خير
وشكرا لكى بولايت جيرل لانك اسم على مسمى
وربنا يرزقنا جميعا
بصراحة انا حابة ان كل ما أشارك ادعى ليا وللجميع لعل ربى يكرمنا بالاستجابة