للبحث في شبكة لكِ النسائية:
|
شكرا يا روينا على الكلام الجميل ده
لكن انت برضه بتعملي حاجات تانية حلوة جدا
يعطيك العافية
يسلمو الله يعطيكيالعوافي
تسلم ايدج
السلام عليكم ورحمة الله وبركاته
ما شاء الله لاقوة الا بالله
شغل رائع و مرتب وعن خبرة بجد
ربنا يبارك لك فى صحتك
ممكن لى بعض الستفسارات بعد اذنك
أنا أعرف ان الشادر بتتدوب فى لبن سخن عشان تفور وكمان عشان نتأكد انها طازة
يعنى مثلا انت بتحطيها بودرة زى ما هىّ
ونفسى أعرف ايه فائدة البيكنج بودر مع النشادر
وكمان لو أنا حبيت أضيف نكهة البرتقال أستعمل البشر فقط مع الدقيق أو البيض بدلا من الفانيليا من غير ما أضيف عصير البرتقال .
وبعدين أنا عندى المفرمة بالكهرباء وبصراحة بتعذبنى ولو انها بتنجز معايا وخصوصا ان البيت كله بيبقى نايم وأنا قاعدة سهرانة أصلى بأحب الهدوء بس المفرمة صوتها مزعج وكمان مع 3أو 4كيلو الواحد بيكون استوى
وجزاك الله خيرا وكل عام وأنتم بخير لكل المناسبات
الله يعافيكي يا سندس
وشكرا لمرورك
شكرا كرموشة لزيارتك موضوعي
تسلمي يا قمر
علشان تتأكدي ان النشادر طازة فعلا ضعي حبة صغيرين في ماء سخن أو لبن
لكن لما تحبي تستعمليها في البسكويت ما تحطيهاش في لبن سخن
يا اما تستعمليها بودرة زى ما هي بخلطها مع الدقيق او ممكن تدوبيها في لبن بس مش سخن لبن عادي
بس الأسهل انك تحطيها على الدقيق على طول
اما البيكنج بودر هو مش مهم قوي لكن انا احيانا باضع ملعقة واحدة بس لأنها بتنعم البسكويت شوية
ولكن ممكن الإستغناء عنها تماما
ولو حبيتي تستعملي بشر برتقال ممكن طبعا وانا احيانا فعلا باعمل كدة
ويفضل تستعملي كمية وفيرة لأن النشادر مش بتظهر ريحته قوي يعني ممكن تبشري كيلو برتقال
أو يوسفي كمان( وبعد ما تبشري البرتقال ممكن تعمليه مربى)
ولو العجينة احتاجت ميه ممكن تضعي عصير برتقال
لأن العجينة أحيانا بتاخد شوية ميه أو لبن وأحيانا لأ وده بيتوقف على نوع الدقيق
انا برضه مفرمتي كهرباء وفعلا بتعمل صوت وباكون عايزة أبدأ شغل من الفجر علشان اخلص بدري لكن مش باقدر والمطبخ بتاعي على منور يعني البيت كله حيصحى
واهلا وسهلا بك وانا تحت امرك في أى استفسار
دائما مبدعه حبيبتي الله يحفظك يا رب
مشكوره على الوصفه الجميله
ستسعدني زيارتكن لمدونتي الخاصه
Good Cooks
وتواصلكن على صفحة الفيس بوك
https://www.facebook.com/pages/Good-...61877277163093
السلام عليكم
لكل متتبعي صفحتي من المتكلمين العربيه
نظرا لعدة طلبات وردت من المتابعين للصفحه
من الان فصاعدا
سوف يتم ادراج نسخه عربيه للوصفه بجانب النسخه الانجليزيه وذلك على موقعي الخاص www.goodcooks.wordpress.com
بحيت تكون بنفس الموضوع
بارك الله فيكم
وشكرا جزيلا لاستمراركم بالدعم
السلام عليكم ورحمة الله وبركاته
جزاك الله خيرا على الافادة والتفصيل والرد السريع
بالنسبة للنشادر عندى كتير منها بس من رمضان
ممكن تنفع والا يكون دخلها رطوبة
وكمان لو معنديش علبة صفيح للتخزين تنفع البلاستيك أو الكرتون ؟
فيه حاجة قرأتها فى بعض رددودك على موضوع الخميرة البرية ( الخاص بشهيرة )
انك تطحنى جزء من الحمص وتدوبيه فى جزء من اللبن الساخن ونتركه لمدة يوم وبعدين نبدأنشتغل بيه بدلا من الخميرة صح كدة
طيب الحمص ده حمص طبيخ طبعا والا حمص الشام ؟
والمقدار مثلا 2 م ك على كوب لبن هو الواحد ممكن يبيت أى حاجة تبقى خميرة أو شبهها
وبصراحة أنا عملت أو حاولت أعمل خميرة بس بعصير البرتقال ( بأخترع )
طبعا رميتها لأنها فشلت بس فعلا كانت ريحتها خميرة خالص لكن ماطلعتش فقاقيع
أشكرك جدا وسامحينى على الاطالة
الروابط المفضلة