السلام عليكم
حياكن الله
صفحتي اليوم أسميها
الجميلة الغبية و العجوز المزواج
في الفترة التي كنت قيها ادارية وفي أحد الاعوام وعندما كنت أقوم بتسجيل طالبات الصف الاول المستجدات وكان لدينا تعليمات بعمل مقابلة بسيطة مع الطالبات قبل تسجيلهن ( علما أن المقابلة لا تقدم وتؤخر يحضرون امر بالتسجيل )
المهم في أحد الايام جاءتني في الصباح فتاة شابة لا تتعدى 22 سنة تقريبا في زينة من أحمر ورسم عينين وبيدها ملفان وبعد التحية قالت لي اريد أن أسجل بناتنا قلت لها أختي لابد من حضور الطالبة معاك للمقابلة وأن تحضري الأوراق الرسمية مثل ( بطاقة العائلة الأصلية لوالد البنت وصور منها وشهادة الميلاد وصورمنها 000
قالت لي : ما أحضرت الوثائق الاصلية والبنات مش معايا
قلت فيه وقت لآخر الدوام ممكن تذهبين وتحضرين المطلوب 0 انت كم بنت بتسجلين؟؟
قالت لالا ما يمديني أنا ذاهبة للكلية لأنني طالبة وانا أسجل بنات اخواتي 0 بنتين
قلت طيب بكرة انتظرك
اليوم الثاني حضرة عجوز تقارب 60او 65 سنة معها بنتين احداهما 8 سنوات والاخرى 9 سنوات وقالت ودي يا بنيتي تسجلين البنتين
قلت : هاتي الاوراق وعندما أخذت بطاقة العائلة الا هي عبارة عن
ثلاث صفحات مليئة بأسماء أفراد عائلته لرجل يقلرب 75 عاما
تعجبت وقلت : ما شاء الله يا خالة كل هؤلاء أسرة واحدة
قالت : ايه يا بنيتي شاينا متزوج ثلاث الحين وعنده عيال كثير وهذا غير اللي صار لهم بطاقات من العيال اللي كبروا وتزوجوا
قلت : الله يحفظهم ويبارك بهم
وانا أقلب الاوراق قلت بعد ما لاحظت ان عمر البنات كبير
ليه يا خالة البنات متأخرات عن المدرسة ؟!
قالت : والله يا بنتي احنا أهل بادية وكنت بالديرة والبنت ما رضيت تروح للمدرسة والبنت الثانية بنت خويتي ( ضرتها )بعد ما رضيت بالمدرسة ولكن من العام الماضي ولما جينا هنا بناتي الكبار قالوا لازم نسجلهن بالمدرسة والله يخليك سجليهن
المهم سألت البنات كم سؤال لاحظت انهن منطويات وخجولات كثير ويالله يتكلمن
المهم اعطيت لها أوراق الفحوصات الطبية وبيانات لازمة وأخذت أشرح لها كيف تتمم باقي الاجراءات وقلت يا ريت لو أن احدى بناتك جات معك كان شرحت لها أسهل
قالت والله يابنيتي بغيت ها القشرة اللي جاتكم أمس تجي معي بس عيت ؟
قلت مين ؟؟
قالت خويتي اللي جاتكم أمس ورديتوها ؟
قلت : هي مش بنتك ؟؟!!
قالت : لالالالالالالالالالالايا عمري هذا العروس الجديدة اللي كاشخ فيها شايبنا
قلت : بالله عليك هذه زوجت رجلك !!!!!!!
قالت : والله يابنيتي انها العروس وهو تركنا انا وخويتي في بيت شعبي ومعنا ها البنات والعيال واستأجر شقة وش زينها لها البنت الجديدة ولا يخلينا نروح لمه ولا نكلمه عندها وهو بعد ما يجينا الا بالأسبوع مرة وان صدف وتجمعنا تلاقين هالبنية رافعة خشمها علينا ولا تحاكينا ولا تقدرنا ودايم تقول اننا عجايز بدويات مانفهم شئ وهوبعد يساعدها بها الكلام !!!
قلت لها بعد ثوان من الاندهاش : شوفي يا خالة ان قالت لكم ها الكلام مرة ثانية والا تكبرت عليكم قولي لها
على ايش تتكبرين وانت ما خذتي الا فضلة رجلنا احنا أخذنا شبابه وقوتة وجماله ونشاطه وانت ياعمري ما بقى لك الا ماتشوفين وبعد احنا نشاركك به
ما شفت ها العجوز الا تقفز من الكرسي أمامي وتأتي الى خلف المكتب بجانبي
وتقول والله انك تستاهلين حبة رأس يا معلمة انت علمتيني وش أقول وحبت رأسي
وتركتني وهي تدعولي وانا في أشد العجب والتعجب
هل يعقل أن تقبل فتاة جامعية متعلمة وجميلة بمثل هذا الرجل !! ولماذ؟؟
اما الرجل نفسه فحسابه عند الله ان كان ما قالته زوجته صحيح
وسلامتكم
الروابط المفضلة