حوامل مصر اهلا بيكم من تانى تعالوا نكمل .....

[شيمـاء]

بنات الف مليون مبروووووك على الموقع الجديد
كل ده رغي يا بنات
كفايه حرااااااااااام
ههههههههههههههه

صباح الخير يا حوامل وامهات وزوجات وكل الحاجات عاملين اية
مبروك الموضوع الجديد ايوة كدة عايزين نرجع للرغى تانى
قطة : اخبارك اية انهاردة يارب تكونى بخير وجوجو عاملة اية تصدقى من زمان كان نفسى اسألك على اسمها بس ماشاء اللة اسمها جميل ربنا يخليهالك
ليتتل : انتى فين ياقمر طمنينى عليكى
لولو : حظى وحش بدخل وانتى نايمة وانتى بتدخلى وانا محتاسة مع سيف وباباة واللة انا حاسة ان ضغطى على منهم عندى صداع مش راضى يروح شوفتى بئة كويس سيف طلع اكبر من ملك بشهرين وشوية عشان نخطبها بقلب جامد طمنينى عليكى اخبارك اية ؟؟
شيماء عاملة اية ؟؟
أمورة : ربنا معاكى وتولدى طبيعى ان شاء اللة وربنا ييسرلك الخير

ام سيف عامله ايه وحشاني جدا
اخبارك ايه
وسيف عامل ايه
وزوجك يارب تكونو بالف خير
انا الحمد لله احسن بكتير
بس فيه شوية تعب كده واتصلت بالدكتور طلبني اروح له بكره
ربنا يسهل

مبروووووووووووووك يا بنات فتح الموضوع من تانى بس ماشاء الله عليكم كتبتوا كل ده امتى مش ملاحقه اقرا كل حاجه على العموم وحشتوووووووووووووووونى اوى اوى اوى مش هقدر اطول اكتر من كده بعيد عنكم حمايا عندى وحصلت حاجه كده واحنا بنتغدى هحكيلكم كل حاجه لما ينصرف ان شاء الله بسلم عليكم كلكم واحده واحده عشان مش عايزة انسى حد.. هرجعلكم على طول ان شاء الله.. اه نسيت اقولكم ان اختى نجحت فى الثانويه العامه النهارده هى فى تالته ادبى و جابت 86 % .. يلا بقى سلام مؤقتا يا قمراااات

ازيك يا لولو عامله ايه
وحشتيني وملك كمان وحشتني
انا ببعت ليها بوسه كبييييييييييييره
الف مليون مبرووك لاختك يا جميل
عقبال الشهادة الكبيره

لولو اطمني بنتي حالفه ماتنزل
امبارح روحت المول ومشيت يجي اكتر من ساعتين ومانابني الا رجلي ورمت وبتوجعني الي الان

اموره ازيك
عامله ايه يا قمر
والف سلامه عليكي

ازيكم وحشتونى كلكم وخصوصا لولو الجميله اكتر واحده بتسال عليا
انا تمام يا لولو والله لسه راجعه من عند الدكتوره وطمنتنى ان الحمد لله مفيش سكر حمل عندى ودى اكتر حاجه كانت قلقانى انتى عارفه ..بس هى الراس لسه منزلتش الحوض ..ربنا يسهل والميعاد الجاى تكون نزلت ..المهم انتى عامله ايه وبعدين انا شايفه لو الدكتور قالك احملى عادي يبقى احملى ..انا رايى انتى وسيفو كفايه كده عشان ميبقاش فرق السن كبير بينهم وبين اخواتهم ..صلى استخاره كده وبعدين كلموا اجوازكم وشوفوا الموضوع هيمشى ازاى ..يللا باه عاوزين نفرح فيكم قريب يا كسلانين

قطه انا الحمد للة كويسة ولسه ماولدتش لا تقلقلى هههههه

انتى وجوجو كويسين؟؟

ليتل ازيك يا قمر عامله ايه ...حماكى عامل معاكى حاجه تانى؟ ..قولى لى بس وانا اروح ابلغ عنه ان فيزا الزياره بتاعته خلصت وانه قاعد مش رسمى فى البلد ونخلص باه هههههه

ام سيف اية يا جميل ....ازي سيف عامل ايه ...بوسيهولى بوسه كبيره وقولى له دى من منه ...يللا باه فيه عروستين بيتخانوا عليه اهو والاتنين قمرات ملك ومنه

امورة يالة اولدى باه شكلى هاولد قبلك

اميرة اخبارك اية دلوقتى ..لما تعملى تحليل السكر طمنينا
شيماء ام بيدو وير ار يووووووووووو؟

ندى شوفى انا وام عمر وشيماء واميره شله اليكس كلنا اى سؤال احنا فى الخدمه وكلنا اخواتك هنا


ام عموره هتصل بيكى بكره اقولك عملت ايه عند هدى

ازيك يا منال وازي منه
وحشتيني جدا جدا
ايه الاخبار طمنيني عليكي
ربنا معاكي وتقومي لينا بالف سلامه

[om_elbanat2008]

بنات فى برنامج اسمه اوبرا بييجى على mbc4
طبعا الكل عارفه ..كان موضوع الحلقه عن :-

ام استرالية اسمها برسيلا دونستن.. و هذي الام اكتشفت ان عندها موهبة لما ولدت .. الا وهي انها تقدر تعرف البيبي بيقول ايه!! و اختبرت موهبتها على 1000 مولود حول العالم من مختلف الاجناس و الالوان..و في الاخير توصلت الى هذه النتيجة..
كل المواليد من0-3 شهور بمختلف اجناسهم يقولون خمس كلمات متشاركة:

Neh="I'm hungry"
Owh="I'm sleepy"
Heh="I'm experiencing discomfort"
Eair="I have lower gas"
Eh="I need to burp"

Neh = جوعان
Oweh= نعسان
Heh= مب مرتاح - متوتر
Eair= غازات
eh= اتجشأ

هذي الكلمات هي عبارة عن اصوات يطلعها البيبي لما يصيح.. و تقدري تميزيها اكثر في بداية البكاء قبل ما يزيد البكاء و يوصل لمرحلة هيستيرية

لما اولد ان شاء الله هطبق اللغه دى واقولكم ..ده لو الكلام ده بجد كانت كل الامهات ارتاحت من فك الطلاسم بتاعه الولاد فى السن ده

[sefo2]

صباح الخير يا قمرات ماشاء اللة دة احنا عايزين نعمل منتدى لوحدنا مش موضوع بس كويس واللة دى علامة صحية اننا بخير هههههههههه
قطة : عاملة اية انهاردة انتى وجوجو عايزة اقولك ان الشقاوة زمان كانت ولاد وبس دلوقت بئت ولاد وبنات بس مشكلة الولاد لما يكبرو بتقلب برخامة عكس البنات ربنا يخليهالك ومايحرمكيش من شقاوتها
ليتل : الف مبروك لاختك وعقبال ماتفرحى بلى لى وربنا معاكى وحماكى ينصرف ههههههه
لوولوو : واللة وحشانى جدا عاملة اية واية حكاية الجرح دة معقول لسة ملمش كل دة ؟؟؟ طب مدتلكيش علاج لية ولا حاجة ؟ المهم تاخدى بالك من نفسك وماتقفيش ادام السخونية كتير عشان بتأثر فى الجرح اكيد . واللة يالولو فعلا نفسيتى زى الزفت بسبب موضوع الحمل اللى اتأجل دة لسبب بايخ المشكلة ان الولد صعبان عليا انة لوحدة هنا فى مصر كنا عند ماما دايما بيلعب مع ولاد اخواتى وكان بيروح حضانة يلعب 3 مرات فى الاسبوع لكن من ساعة ماجنا وحسة انة بئى عنيف جدا قلت اهو لو فية بيبى تانى حيتلهى معاة بس كلة بأمر اللة معلش طولت بس انتى اللى جبتية لنفسك ههههههههه

[amurra]

باسلام لو تطلع واحده تانيه جدعه تفك طلاسم من 3 شهور ل3 سنين

[amurra]

اموره ازيك
عامله ايه يا قمر
والف سلامه عليكي

الله يسلمك يا شوشو

[sefo2]

أمورة : هيا البنوتة مش بتسمع الكلام من دلوقتى قوليلها انزلى بئة هههههه حاولى تلعبى الرياضة الخاصة بمنطقة الحوض فى الفترة دى احسن من المشى وربنا معاكى وتقومى بالسلامة
شيموو: ازيك يا قمر انا الحمدللة وسيف باعت بوسة لنونو انتى طمنينا عليكى لما تروحى للدكتور
أميرة : اخبارك اية دلوقت والانيميا عاملة اية فيكى
أم عمممممر : انتى فين ؟؟؟ طمنينا عليكى
منونة : ازيك يا حبيبتى عاملة اية ؟ واللة فرحت ان الحمدللة مافيش سكر حمل وربنا يقومك بالسلامة وبوسة منة وصلت عايزة اقولك ان لما يسمع اسم منة يطنطط لان بنت اختى اسمها منة هيا كبيرة عنده 10 سنينعقبال ماتشوفى منة أدها بس سيف بيموت فيها لما تجربى طريقة أوبرا دى ابقى طمنينا ياستى دى اصدها على الاطفال اللى بيتكلمو انجليزمش مصرى ههههه

[amurra]

لولو سلامتك الف سلامه ع الجرح

[sefo2]

بطة : عاملة اية ؟ يابنتى واللة الامساك دة غلط جدا على الحمل تعالى على نفسك شوية كلى فاكهة وجربى اللبن زى ماقلتلك قطة أو اقولك كلى زبادى او هاتى زبادو لبن رايب وبعدين مش معقول مش حتكونى بتاكلى وتقولى عندى امساك ماهو طبيعى هوا فى حاجة اتكلت عشان تتهضم صدقينى انا الامساك دة بهدلنى وخاصة لو ولدتى طبيعى معلش احنا كلنا بننصحك عن تجاربنا وربنا يقويكى
سموحة: دة احنا جران اهو انجليزى وفلسفة هههههه دودو عامل اية ؟ بوسيهولى وقوليلة سيف بيسلم علية ماهى الشقاوة بتحس ببعض ربنا يخليهم ويتشاقو شوفى ياستى انا مع سيف ماستعملتش البووتى انا كنت جبتلة قاعدة التوالت الخاصة بالبيبى وكنت بحاول معاة من سن 6 شهور يعنى لما ابتدى يتعود على القعدة بس طبعا كان مجرد تجربة متعودش غير فى سن سنة ويمكن سنة وكام شهر بس كانت مشكلتى عند النوم لازم يلبس البمبرز لحد سنتين والحمد للة عودتو بس الموضوع عايز ملاحظة وصبر ربنا معاكى
زوجة وأم : ربنا معاكى بس طمنينا عليكى من وقت لتانى

[ورده مصريه]

صباح الخير .. ادونيى فرصة اتكلم ايه بلعتوا راديوا ... بالراحة هيدونا فى المنتدى الكاس عن احسن رغايين فى المنتدى ........

[ورده مصريه]

ازيكم جميعا ..

اهلا منــه .. وحشانى يارب الراس بقى تنزل انا عارفة ايه العصلجة دى ... ههههه ربنا معاكى يارب ويجعلها ولاده سهله بإذن الله .. وعلى فكرة انا شفت حلقة اوبرا دى كانت حلقة جميله اوى مش كانت تيجى من بدرى انا طلع عينى مع البنت .. يلا نعوضها فى الحمل التانى بإذن الله ...احنا ورانا حاجة ....

سيفو... ارحمى شوية .. الكبيورد داب مفيش زراير .. ههههه انتى وحشانا والله سلمى على سيف

ليتل ... ايه اخبار لىلى . بوسيهالى .. وانتى عملتى ايه مع حماكى ربنا معاكى شكلكم ضربتوا بعض .. هههه

امورة ... ازيك عامله ايه ؟

شيما .. هاى ازيك .. مبتسأليش ليه يا عفريته نسيتينى .. ههههه

ام عمر .. انتى مختفيه ليه طمنينا عليكى ..

زوجه وام .. ايه اخبارك ... ؟؟