ركن الاكلات المصرية...

[بنبونة]

صباح الخير يا مشمشة
بقى معقولة تبقى بنت النيل وما تعرفيش شربته ؟؟؟


فى فى العزيزة أهلا بك منوره اللمة
و إن شاء الله الممبار يعجبك بس لازم نذوق علشان نعرف نحكم صح
و كمان نعرف البنات بتشرح صح و لا ..........
أكيد طبعا دول أساتذة و مشمشة إللى بتقول مش بتعرف تعمل أرز
طلعت خبيرة خطيرة

مريومة الجميلة خلاص اليوم آخر وصفة أرز عندى
واضح إنكم زهقتوا عموما مش هطول عليكم

[بنبونة]

أرز بالطـــــــماطــــــــم

المقادير :
1 كوب أرز / 1,5 كوب ماء مغلى / ½ كوب عصير طماطم / 2 ملعقة سمن / ملح /فلفل
الطريقة :
·يقدح السمن و يضاف إليه عصير الطماطم و يقلب على نار هادئة لمدة 5 دقائق
·يضاف مقدار الماء و يتبل بالملح
·يضاف الأرز المغسول و يستكمل مثل الأرز الأبيض العادى ( المفلفل )

الأرز بالكـــــــــارى

الطريقة :·تضاف ملقة كبيرة كارى إلى السمن و تقلب معها حتى يقدح السمن
·يضاف الأرز و يستكمل مثل الأرز الأبيض العادى

الأرز بالقرفــــة و الخضروات

المقادير :
مقدار من الأرز الأبيض الناضج ( الأرز المفلفل ) / 1 ملعقه كبيرة قرفة ناعمة / ¼ ك بسلة مسلوقة / 1 جزرة مقطعة مكعبات و مسلوقة ..

الطريقة :
يوضع فوق الأرز الناضج القرفة و الخضار و تقلب جيدا حتى يختلط الأرز بالقرفة و الخضار و يوضع فى قالب كيك و يقلب فى طبق التقديم و يجمل الطبق بترنشات الجزر
و بعض حبات البسلة المسلوقة و يقدم ...

الأرز بالبشــــامــــــيل

المقادير :
مثل المقادير السابقة بدون قرفة / لحمة عصاج / كوب بشاميل / بيض لدهان الوجه

الطريقة :
·تجهز صينية فرن أو طبق بايركس و يدهن بملعقة سمن
·تضاف الحمة العصاج إلى الأرز المخلوط بالخضار و تقلب ثم يوضع الأرز فى الصينية
·يصب البشاميل فوق الأرز و يفرد على السطح جيدا و يدهن الوجة بقليل من البيض المضروب مع الفلفل الأسود.
·تدخل الصينية الفرن و تترك حتى يحمر سطحها و تقدم ...

أرز الســمك البــنى

المقادير :
مقدار من أرز/ بصلة متوسطة و مفرية / زيت / ملح / فلفل أسود / كمون /فصين ثوم مفري

الطريقة :
·يقدح الزيت و يضاف إليه البصل المفرى و يحمر به حتى يصبح لونه بنى غامق
·يضاف الأرز و التوابل و الثوم و يقلب مع البصلة جيدا .
·يضاف الماء و يترك حتى يصل لدرجة الغليان ثم تهدأ النار و يترك حتى ينضج .
·يرفع من فوق النار و يغرف و يقدم ...

[جريحه الحب]

صباح الخير يااحلى بنبونه

تسلم الايادى يا عسل على الاطباق
واختارى الصنف الجديد يا قلبى عشان نجمع وصفاته انا معاكى اون لاين فى اى حاجه

[بنبونة]

أعتقد بذلك يكون الأرز تمام و أى إستفسار أنا تحت أمركن
و يا بنات لو عايزين حاجة معينة أنا تحت أمركم و لو مش عايزينها
بالتفصيل الزائد قولوا علشان أنا بأسرح و بأكتب كل اللى عندى
يعنى ممكن أدخر شويه لو فيه إطالة
ولكم تحياتى

[بنبونة]

صباح الفل يا مريومة
تحبى ندخل على إيه
مشمشة طالبه اللحمة المسلوقه
سأكتبها غدا إن شاء الله أو بالليل حسب التساهيل
وكل سنة و أنتم طيبين اليوم أول شعبان يعن بعد بكرة رمضان
هأجهز لكم كام طبق من فطائر و صوانى و اللذى منه
و بمناسبة الصوانى أنا كنت كاتبة صينية السمك بالليمون هنا
http://www.lakii.com/vb/showthread.p...E1%ED%E3%E6%E4

شفوها يمكن تعجبكن

[جريحه الحب]

بنبونه يا قمر انا بجهز باقى المكرونه عشان نكون خلصنا
راح انزل المكرونه بالتونه والمكرونه بصوص بولونيزوالزيتون والمكرونه بالكارى
والمكرونه باللحمه المكعبات تجنن وشوفى انتى اذا عندك زياده لانى مش متذكره غيرهم الان

[جريحه الحب]

بنبونه يا قمر انا شفت صنيه السمك ورديت عليكى فيها كمان وبصراحه تسلم ايدك وان ان شاء الله المغرب انزل الوصفات الى قولتها لكى مع الكشرى طبعا عشان خلاص ندخل على الصعب شوى وهو اطباق الخضار ويا حلووووووووه كل سنه وانتى طيبه اليوم اول شعبان بس بعد بكره مش اول رمضان هههههههههه اصحى

[بنبونة]

شوفى يا مريومة فى مكرونة بالجلاش
و مكرونة مفلفلة وكذلك بالخضار بتكون جميلة جدا
ومكرونة بالكريمة البيضاء و الجبنة
تحبوا أكتب لكم إيه فيهم

[جريحه الحب]

تووكلى على الله يا قمر وهاتى الى عندك ومنك نستفيد يا اطعم بنبونه

[meshmesh_2005]

صباح الخير يا احلي بنات واحلي شلة
عندكم حق انا نمت كتير قوي قوي انهاردة ....صايمة بقي وقلت لو صحيت بدري شوية هاجوع بدري فقلت نديها نوم ....
assoula انتي فعلا عسولة ....ده انا كنت شوية كده وحسيت ان الشاشة هتطلع لي طبق بامية سخن من اللي كنتي بتعملية وبم انك شاطرة قوي قوي في المسبك يبقي لازم تطلعي زكاة شطارتك وتعلمي كل الركن الجميل ده المسبك بتاعك واناحاسة فعلا ان طريقتك جميلة قوي ...وخصوصا موضوع الفلفل اكيد هيبقي جميل ...عايزة بس اسالك علي طريقة للبامية لما يجي وقتها بس مختلفة شوية ...عايزة اسلق اللحمة لوحدها واخد شوربتها اعمل بيها البامية ؟؟ياتري ينفع ؟؟؟ اصل الحاجة بتاعتنا مش بترضي بتقول لا لازم اللحمة تبقي لونها احمر من جراء الحرب ...لا لا اقصد الصلصة ...وانابقي بحب اللحمة محمرة مش بحبها في الصلة فدوري لينا كده بشطارتك وقولي