"عروسات المستقبل تعالوا اقولكم".. جزء ( 8 )

[az-butterfly]

الله يكرمك يا "هنودة " ويا " princess_sarah " وفعلا انا بحبك جدا جدا بالرغم من انى لسه مصادفة المنتدى دة اول امبارح ..وكل البنات هنا ماشاء الله ربنا يحفظهم ويكرمهم

وبجد رفعتوا روحى المعنويه وخليتوا عندى امل وحسيت انى مش لوحدى وان بقا ليا اخيرا اخوات افضفض معاهم .... ربنا يسعدكم كلكم

بصى يا "هنودة " انا مشاكلى كتير وكلها متعلقة بالجلد زى ما قلت

لكن طبعا لو ممشينا الاهم فالمهم

حتلاقى سواد الابط والرقبة والركب اكبر مشاكلى و امنيه حياتى البس جيب قصير وبادى كت فى البيت انا محجبه ..انا كنت كويسه لكن معرفش ايه اللى جراللى بعدها...وانا مكسوفة جدا من اخواتى الولاد ودايما لبسه مقفل فى البيت لغايه اما اتخنقت

واذا كان دة اللى حاصل مع اخواتى يبقى ازاى افكر او احلم بزواج .. مينفعش

لكن عندى امل فى الله انه اكيد دى بشرة خير انى الاقى منتداكم دة وفى لحظة انا فعلا ماكنتش بدور على حاجة متعلقة بيه على النت انا كنت قاعدة وخلاص.. واملى كبير انكم تساعدونى

" ايمان مونى " انى ابتدى افتح السواد دة انتى ايه رايك يا "هنودة "

انا اسفة على الاطاله بس بجد مش مصدقة نفسى انى الاقى اخوات وافضفض معاهم ربنا يكرمكم يارب

[az-butterfly]

ربنا يسعدك يا " pink-heart" بجد والله انا بقيت متفائلة بيكم كلكم وجزاكى الله خيرا انتى وكل بنات المنتدى اللى مش حلاقى زيكم ابدا

[Noura89]

الله يكرمك يا "نورا 89" تنورى اليكس ياجميل ومبروك على النجاح وان شاء الله تبقى دكتورة شاطرة جدا .."اتخصصى جلديه بليز "

تصدقى ان ماما طول النهار تقولى انتى مينفعكيش غير جلدية

[Noura89]

نوده حبيبتى انا عايزة اشتكيلك من شعرى ....خلاااااااااااااااااص زهقت منه وقررت انى اققصه
بصى يا ستى انا طول عمرى شعرى مش ناعم ولا خشن معقول بس كان عندى دايما اول شوية فى شعر( القصة بعنى) دايما خشنة بس دى كنت بلفها ومفيش مشاكل
بعد الثانوية العامة روحت عملت فرد البرمنانت وقعدت سنتين بعمله بس لما عرفت انه بيبوظ الشعر وقفته بقالى سنه وطبعا شعرى اللى طلع جديد وحش جدا بقى خشن وهايش ومفيهوش لمعة خالص
جربت اعمل حمام زيت من زيت الزيتون والجرجير والخروع والتوم عملته 4 مرات كل 10 ايام خلى شعرى طرى شوية بس اضريت انى اوقفه عشان بدأت امتحانات فى الكلية ومن ساعتها اهملت شعرى خالص لمة شهرين الامتحانات بصراحة كنت مزنوقة جدا فى المذاكرة ومش فاضية اعمل اى حاجة طبعا شعرى بقا اوحش من الاول
قوليلى ابدأ بأيه اصل انا خلاص حقصه عشان يمكن لما يطول تانى يتعدل

[ملوكة 12]

ازيكم يابنات عاملين اية يارب تكونو بخير يارب
ملوكة ياقمر مردتيش علية كنت سئلتك لو تعرفي تجبيلي عنوان النجار اللي في دمياط او نمرتة معلش حبيبتي رخمت عليكي في اسلتي

لا يا حبيبتى انتى تسألى زى ما أنتى عايزة أنتى تأمرى
حاضر هسظألهولك فى أقرب فرصة لانه مسافر وهجبلك كمان
العنوان ورقم التليفون

[ملوكة 12]

عزة متقلقيش خالص والله انا كنت زيك كده فى بعض الحاجات
بس فعلا مع هنوودة حبيبتى ومع كل الأخوات اللى هنا هتبقى حاجة تانيه
احنا هنا كلنا أخوااات ....والله بجد انا فرحانه بالروح الجميلة اللى عملتيها بنا يا
هنوودة بجد انتى تستاهلى كل خير ويا رب اشوفك اسعد واحدة فى العالم

[ملوكة 12]

ازيكم ياقمرات ياريت كل واحدة فيكم تعمل نبذة عنها..يعنى اسمهاومنين وسنهاومتجوزة ولالأ؟؟؟؟عشان نقرب من بعض اكتر من غير لخبطة.....يلا مين ها تبدأيا حلوين؟

انا سمر ...بكالريوس علوم وبشتغل فى مجال التحاليل
من القناطر ومخطوبه وفكرة حلوة طبعا زيك

هنوودة وحشتينى جدااا ومستنيه الجديد منك
زكيه فينك بقالى كام يوم مشفتكيش يا رب تكونى بخير

[az-butterfly]

ربنا يخليكى يا " ملوكة" ولا نقول يا سمورة بجد نفسيتى اتحسنت كتير عن الاول وبالرغم انى لسه ما ابتديتش باى حاجة لكن دلوقتى حاسة ان البقع خفت شويه ازاى معرفش ..هى موجودة وكل حاجة بس نظرتى اتغيرت ربنا يجازيكم كل خير

[az-butterfly]

"هنودة " عامله ايه ؟
بصى حبيبى ممكن اعلس عليكى شويه .. الله يكرمك استحملينى ..انا بفكر من تلات ايام لغايه اما دماغى ورمت

ولقيت ان أسلم حل علشان اعرف اخد خطوة ايجابيه انى امشى واحدة واحدة لغايه اما اتعود
لانى كدة مش عارفة ابتدى لانى بفكر فى كل حاجة مع بعضها

يعنى الله يكرمك ممكن تمشى معايا خطوة خطوة .. انا اسفة انى برخم عليكى ..معلش فى الاول بس..اصل لو تعرفى انى لو حتى حطيت مياة ساقعة فى وقت او مكان غلط بتقلب كوارث وانا مش ناقصة عندى كتير ..فبالله عليكى استحملينى شويه

مثلا انا حبتدى افتح منطقة الابط جميل ""البدايه""

1- حعمل سكراب للمنطقة دى "ملح خشن +لمون " ويكون لمون اكتر ويكون السكراب سايل وحفرك الابط مش بعنف علشان المنطقة مش مستحمله ... اوك .. صح؟

2-لسه حعمل سويت للابط علشان اختك مش بتعمل لاسباب كتير وعرفت الطريقة حته صغيرة ونتف .... كدة صح ؟

____!!! طيب دلوقتى بعد السويت ..

3- اغسل الابط بالمياة ولا احط على طول مرطب من غير غسيل .. واحط زيت لوز مر ولا زيت زيتون .. انتى لو رايك احط مرطب انا ححط زيت لوز لان الزيتون بيسودنى

ولا رقم الخطوة رقم 3 مش صح وابتدى الكيناكومب على طول

انا بقول ارطب الاول على اساس ان المنطقه متهيجة من السويت وابتدى العلاج من اليوم التانى ....ايه رايك؟

4- خلطة التفتيح " 1/2 كينا كومب +معلقتن كريم مرطب دوف او لوكس + لمونة واحدة " يدهن مساء ... صح كدة

--------طب ليا اسئلة فى الخلطة دى
.....هو كينا كومب مرهم ولا كريم ..الاتنين موجودين فى الصيدليه والعلبه صفرا كدة والمرهم نفسه مخضر اومصفر والكريم نفسه ابيض ..انهى واحد فيهم؟؟؟

....طب دوف او لوكس مش كريم فيه برفيوم وانتى قلتى بلاش الكريمات البرفيوم فى المناطق الحساسة ...انتى بتحطى انهى فيهم ؟؟؟ واروح اقول للصيدلى كريم دوف او لوكس بس ولا فيه انواع وانتى طالبه نوع معين مثلا فى بالعسل والجلسرين وكدة ؟؟؟

....انتى قلتى استخدام حوالى اسبوعين طب لو طلع اكتر معايا اوقفه ولا ايه؟؟؟


الله يكرمك .. انا اسفة على الرخامة دى .. بالله عليكى ما تتخنقى منى
وبصى الله يعزك .. 1, 2 , 3 ... علشان مسالكيش تانى واوجع دماغك

معلش يا هنودة

[slavotta]

ازيكم يا قمرااات
عزه يا حبيبتى كلنا مليانين بلاوى بس الواحد ساكت هههههه كمان انا اخواتى الاتنين صبيان فلبسه مقفل على طووول
ملوكه انا كان عندى اعتقاد اقرب لليقين ان اسمك ملك كده تضحكى عليا؟؟؟
نورا الف مبروك النجاح عقبال ما تخلصى على خير يا قمر
انا شيماء بكالوريوس صيدله بشتغل فى صيدليه صغنونه انا من دمنهور 22 سنه