دوانية كويتيات وسوالفنا وين رحتي ؟ وين جيتي ؟ شنو شريتي ؟؟؟؟؟؟؟؟؟؟؟ وشنو جديدك ؟

[شهدQ]

سسسسسسسلام يابنات شلونكم نورتينا ياأوميجا تو ماحلوت الدوانيه <<<<<<<

عروستنا الحلوه كمثري شلونها اليوم؟

ماقلتيلنا ماكس فاكتر اي رقم جربتي وانا اسمع بزين الاتات بس مااعرف احد جربه او بالأصح مايقولون بالخش والدس ,,,,,, تعرفين خبرك غيرة حريم الله يسامحهم ومادري هل له فرع بالكويت وابي طريقة استخدامه ؟؟؟؟؟؟


اوميجا بعمل بنصيحتك وبوديهم البحر اهو فعلا بوشنيتر ,,,,,, والكل قالي وديهم يحرقه حراق يقولون ,,,
كمثري انشاء الله تزورينا مع المعرس بس قوليلنا قبل ماتجين نسويلك جدول سياحي شغل عدل مدل

صدوفه اليوم ماسمعنا حسك عساك بخيررررر ترى القعده من غيرك موحلوه عسى المانع خير !!!
بيوتي وينك نبي نسمع صوتك يالغاليه ؟؟؟؟؟؟؟

[كمثرى]

حبيتي شهد أنا استخدم ماكس فاكتر رقم واحد هذا حق البودرة والكريم أظنه نفس الرقم لأن يعطيني نفس اللون
أما بالنسبة حق زين الأتات في فرع بالكويت والبحرين (حق أخت أوميجا) بس لازم اشوفين قناة هي أو NBNعلشان تاخذين الرقم اهو البرنامج يحطونه الصبح في NBNكأنه الساعة 10أو 11 أما هي يحطونه بالليل مادري عاد كم الساعة 9 أو 10
وكريم ثلالي المفعول الي كرتونه أزرق وأخضر لأن في أثنين منه يحطونه بالليل أنا أحطه من بعد صلاة العشاء لين الفجر عقب أحط الكريم الثاني المرمم لين الظهر وذا شفتي بشرتج مقشرة هذاأكيد راح تتقشر حطي المرمم لين حزة الكريم الأول.
ويه تعبت من الكتابة واذا عندج استفسار أسألي لاتستحين

[شهدQ]

مشكوره كمثري حبيبتي كفيتي ووفيتي نكمل باكر رايحه انام ببببببببببببببببببببببباي تصبحون على خير

[أوميجا]

السلام عليكم، أشدعوه يا حافظ ساعة على ما تفتحون لي الباب هذا وأنا بعد يايبه قدوعي معاي ، شخباركم بنات أنشاء الله طيبين..


شهود أشلونج فديتج شخبارج وأشلون اليهال أنشاء الله أحسن مثل ما قلت لج عليج بالبحر ولا عليج من حد من سياحه ولعبه حق اليهال ومنها علاج ، وحتى شجرة النيم عيوني هم تسوي شغل وايد، أتزين شخبار أسواقكم قولي لي حريني شوي خل أتحرك وأطير لكم طيران وشوفي مو بس كمثرى تصيرين لها دليل سياحي وأنا وين رحت(أشتغلت الغيره والنحاسه) خهخهخهخهخهخهخه، الله يا هي جوله بتصير صج فظيعه

كمثرى فديتج شخبارج يا العروس أنشاء الله تمام، أنا ويني أنا هني في هالمنتدى الزين اللي الصراحه ما حصلت مثله دخلت منتديات وشفت لكن مثل لك ما لقيت (دعايه قويه) خهخهخه، لا والله جد هالمنتدى والبنات اللي فيه روعه روعه متعاونين والمحبه بينهم شي واضح ومو معقول الله يديمها نعمه ولا يفلها هالحزمه (مثل بحريني شكراًً)، المهم انتي الحين عروس تقولين باتابع المسلسل أي مسلسل يا شيخه حلاتج دواره في الأسواق وتلاحقين أغراضج ملاحق مب قاعده تابعين المسلسلات والله قلب بارد ، شكلج مخلصه كل شي علشان جذي ولا على بالج.
صج ترى حنة رامز فظيعه أنا جربتها والوالده بعد تمدح فيها وايد ( عاد أمي غرامها رامز كل يوم طاقه الوجه وين رايحه يا مره باروح رامز، ألوو وينج يمه أنا في رامز) أشوه أنه بعد مو يم البيت جان المره عششت هناك ، وحتى الحلاوة بعد تمام وفيه عنده حمام زيت حق الشعر واواو فظيييييع هم جربته وعنده عدة الحمام المغربي كامله الليفة والكريم والطين والحريم اللي عندهم صالونات ضبه عليه هم اللي يخلصون هالشغلات والله.

ماكس فاكتر ما عرف الأرقام باتأكد وباقولكم لأنهم في البيت وأنا الحين بالدوام وخبركم ما شيلهم معاي ، بغيت أقولكم عن بخاخ عجيييييييييييب عجيييييييب عجيييييييييييب حق الوجه أسمه (O2 star) هو بخاخ أوكسجين تستخدمينه في أي وقت خاصة ألحين بالحر يسوي شغل نسبة الأوكسجين فيه 700% يقلل التجاعيد ويأخرها يرطب البشرة وينعمها وتقرين تستخدمينه عقب المكياج يعني رشه جذي تثبت المكياج روحو أشتروه مب غالي (خمس دنانير بحريني) للعلبة هي لونها أخضر والمغطاة لونها أبيض وأي استفسار أنا حاضره في أي وقت

كمثرى أكييد الليلة باتبع قناة هي علشان أعرف وين بالضبط يبيعون منتجات زين الأتات لأني بصراحة من زمان أسمع عنه بس معرف وين يبيعونه، أنزين وين أحصله في الدوحة ؟؟، عندي أهل هناك ( في الريان) باقولهم علشان يدزونه لي؟؟ خبريني الشيخه

طيوووف وينج اليوم لا حس ولا خبر أكيييد مشغولة؟؟ تعالي لا تفوتج القعده


ألحين باخليكم وباروح أسوي قهوة وبارجع القعدة مب حلوة بدونها

[طيـــف]

صباح الخير
مشغوله وبس
حااااايصه
المهم

بدي اخبركم
زين الاتات رائع رائع رائع
انا جربته
وكريم ثلاثي اللي جبيته عجييييييييييب خلي وجهك مرايا

شهوده زين الاتات موجود بالكويت اشياءه رائعه
كانو صديقاتي يجيبوه من الخبر والرياض وبيروت

وعندي رقمه هون بالكويت عنده خدمه توصل
اما مكانه
بجانب دوار البدع بالسالميه...بجانب زهور البدع اعتقد
لو بدك بعطيكي رقمهم ويصفو لك هم افضل



ام عيسى صباحك فل

شو شفتي هون اي وجهه من طيف؟؟
حبيبتي زين الاتات في له فرع عنكم بالبحرين جديد فتح

هو زين الاتات اول ماطلع في الطائف والرياض الخبر ولبنان
وهلاء لله الحمد انتشر بكل مكان
منتجاته كلها رائعه رائعه رائعه

اامممممممممممممممممم لو فضيت برجع لكم ياقلبي

شهوده كنت بدي اسالك على كريم ماكس فاكتور .. جد حلو؟!!! مابعرف ماعجبني الا السيتك بس
حسيت الباقي خفيف

وين ممكن القي ماركه مكياجي بالكويت؟


امممممممممم صحيح شوفتو ياصبايا عرض استي لودر للمكياج والهديه الشنطه
روووووووووووووووووووووووووووعه
مستنيه المعاش واروح اشتري يهيهيهيهيهيهيهي..............

اممممممممممممم انفال انا سمعت نصحيتك في كريولان وطلعت روعه
رح اتوكل على الله واشتري كريم شارمل

بس صحيح سعره21؟ والله شي صراحه؟!


ام عيسى حبيبتي بتعرفي انا مش كتير بحب التنانير الجنيز
بس هبو على بالي بشوف الكل عم يلبسهم قلت يلا يابنت
ولا انا مابحبهم كتير او لو فكرت البسهم بالشتا فقط

[أوميجا]

[COLOR=Green]ويه نسيت أقولكم تباركون لي على التوقيع الجديد اللي جاني هدية من أختي شمالية ، والله ما قصرت عساها سالمه أنشاء الله


عاد باركو لي أشفيكم ( صج متخرعه) خهخهخهخ

[/COLOR]

[أوميجا]

راعية الديوانية وينج؟؟؟ أشفيج شهود عسا ما شر أنشاء الله اليهال يكونون بخير بس؟؟، طمنينا عليكم


هلا طيوف شخبارج، أنا شفت الوجه الجمالي لطيووفا المكياج العطور والحركات هناك ما عندنا إلا الريجيم وبس أما هني تحلى السوالف هاذي هي سوالفنا اللي ما تخلص، على فكرة طيوف عندج فكرة وين محل زين الأتات في البحرين؟؟ يعني أقول يمكن رفيجتج البحرينية تعرف في وين ينباع؟، أو حتى الرياض لأني نازلة الرياض بأول يوليو بأذن الله فأقدر آخذه من هناك
شنو سالفة كريم كريولان وشارمل هذيل؟؟ لهدرجة زينيين أحصلهم في البحرين؟؟..

أنا الجينز أحبه في كل وقت صيف شتا لأنه مريح وتلبسين عليه أي شي ومن الزود عندي 3 جاكيتات جينز بتفاصيل مختلفة وتنورتين وآبغي بعد زود لكن صعبة أحصلهم وإذا حصلت تصير المشكلة في المقاس .
أنشاء الله إذا نزلت كويت أنزين أنزين أنزين (عاد قولو آمين ما تبوني آييي) أشتري لي

كمثرى توني كنت ألحين بقسم الأطباق الرئيسية وتذكرتج، الأخت أحاسيس مرهفة منزلة ملف وصفات حق العرايس علشان بعدين لا تقولين حق أبو الشباب معرف ما أقدر كل شي موجود ما شاء الله والخوات ما يقصرون بعد كل شي تبغينه تحصلينه حلويات سلطات شوربات معجنات اللي تبغين، روحي هناك وطبعي هالوصفات الزينة وسوي لج ملف مثلي أنا أنزييييييين لا تفشلينا مع ولد الناس بعدين يقول أهلها ما علموها ( اللهم أني قد بلغت اللهم فأشهد)

أما أنا أمس سويت فطاير سبانخ طلعت شي شي شي رهيييييب ( أشفيج ما صدقتي ) والله والله جد بنات ما أمزح

عاد وينكم تعبت يدي وأنا أكتب ردوا والله

[شهدQ]

يابنات ابروح بيت اهلي اذا جيت باكر نكمل حديثنا صرلي شهر عن الوالده اليوم بروح ابيت عندها والجهال اليوم الحمدلله اشوا من قبل ,,,ببببببببببببببببببببببببببباي ,,,,,,,,,,,

[كمثرى]

الله يقطع سوالفج ياأوميجا عساج دوم اضحكينا
حبيبتي زين الأتات عندنا في شارع النصر نفس مكان ليلتي لتجهيز الأفراح وقدامه صالون السد وعيادات لأسنان
ومشكورة حبيتي علشان قلتيلي عن وصفات الأكل ألحين بروح أطبعه وتفنن جدام الريل
وييييييه بروح أصلي المغرب وارجع لكم اذا شفت النت فاضي محد قاعد عليه

[انفال]

يا هلااااا يا اوميجا والله يسلمك ويعافيك..يااارب...

طيوفتنا الغاليه....كريولان ما يعلى عليه ابدااااا بصرااااحه..والحمدلله اللي عجبك...
بس انا أقولك شارمل ..سوي عليه(قطيه) يعني شوفي معاك كم وحده تشترونه وتتقاسمونه..لأن كميته كبيره وسعره مرتفع..
بس رووعه خاصه للعشيات والعزايم...حلووو
وما عليك أمر يا طيوف ياريت تعطيني رقم زين الأتات......تدرين اليوم مرتني خبيرة تجميل في البيت ..وشريت من عندها ماسك بالفكس (كريم) رهيييب بصراحه من جد من أول استخدام حسيت بفرق..سعره خمس دنانير..وتستخدمينه مره بالأسبوع وهو موحد للون البشره ومنعم...ماركته فرنسيه وكل منتجاتها يدخل في تركيبها المواد الطبيعيه أكثر من الكيميائي..