بجد يا غالية خلود
صرت أفكر كثير كثير بالدورة ... أخذت حيز كبير من تفكيري
ودخلت زوجي بالموضوع بشكل كبير
مثلا .. بده يعطي قرارا لموضوع معين بناء على الحدس
فإنبسطت كثير على اني فهمت إنه القرارات بناء على الحدس غلط
ولازم تعطي سبب للتفكير بذلك ومش الأمر اعتباطي
وطبعا انا قلت له هيك الاستاذه خلود بتقول
فلما قلت له الاستاذ خلود .. فكر كويس وصار يناقشني بناء على معلومات شو نعطي قرار صح
وكمان طبقت معه أكثر من قرار ولو كان بسيط وقرار مصيري مثل شراء قطعة أرض
بناء على 10 10 10
واللي بتبدأ بسؤال ثم جمع معلومات ثم التطبيق وثم القرار
رائع جدا
وكمان في اتجاه ثاني
بعد ولادتي حاسه الدنيا ملخبطة وكل ما أفكر بشيء
احس الدنيا زي الدوشة مزعجة جداااااااا ومش قادره لمجرد التفكير
ولكن ولله الحمد مسكتي يدي لتقوديني إلى الطريق الصحيح
وربنا يسعدك
لهيك حاولت اعيد ارتب نفسي واعيد انظم نفسي من جديد مع الضيف الجديد
وصرت اكتب اهادف ولو بسيطة ولكن لازم تنجز خلال اليوم
وصرت كثير افكر إنه إحنا بدائرة الراحة بجد انا كأنه الكلام لي
فأنا بأضع نفسي في دائرة الراحة بشكل كبير
بس بيني وبينك (مش انتي قلتي الحوار بيني أنا وبينك وبس )
انه انا بفكر وانا بأكتب شو خططك المستقبلية يا بنت الأحرار
طيب خطط يومية لكِ انتي
طيب اسبوعية لكِ انتي
طيب شهريه لكِ انتي
بحثت وبحثت وبحثت
بجد بجد بجد ماااااااااااا لقيت ولا خطة لي انا
لقيت كثير لأولادي لزوجي لبيتي لعائلتي لأخواتي
بس ما لقيت إلي أنا شخصيا
إممممممممم مش عارفه ليش
؟؟؟؟
ربنا يرضى عنك يا رب يا أستاذه خلود
الروابط المفضلة