ال menuانهاردة ايييييييييييييييييييييييييه

[UM GOUDY]

عايزة اعرف طريقة الحجازية بالقرفة

[bent masr]

انا امبرح عملت ملوخية ورز وشوربة لسان عصفور وسلاطة بطريقة بنوتة
هايييييييييييلة
وفعلا البصل مالوش اي طعم يدايق
مش باين اصلااااااااااااااا
واول مرة اكل سلطة خضرا كدة
جزاك الله خيرا يا بنوتة
طبعا المنيو دة كل الناس بتعمله
انا بعمله عادي
بتبل الفراخ كويس وبسلقها
وبعد اما اشيل الريم
بحط البصلة مبشورة وطماطم مبشورة بحبهم كدة
وورق لورا وحبهان

وبسيبها تتسلق
اطلعها
واعمل من الشوربة الملوخية
واللسان عصفور
الملوخية بحطها في الشوربة وتغلي غلوتني
واعمل التوم مع الكسبرة على جنب في المطحنة
اخد شوية من قبل ما يتحمروا احطهم على الملوخية والشوربة
وبعدين احمر الباقي في زيدة واطشهاااااااااااااا
وبسسسسسسسسسسس

بالهنا و الشفا يا فروحة
الحمدلله ان السلاطة عجبتك

[n3omy]

شفتىىىىىىىىىىىىى
شفتى يا ست جوجو
اهى كيكة الطبقات التحفة بتاعتك باظت من طماطم وقبلها كانت اودى
بصوا هى ما باظتش منى اوى يعنى بس كانت مجزعة شويتين ونيه شويه من النص
واضح ان المشكلة بتكون فى الفرن
ال8 دقائق بتوعك دول يا جوجو ما ينفعوش خالص
وبعدين هو لما بنشغل الشواية بنطفى الفرن من تحت
انا هابقى اعملها تانى ان شاء الله
بس هاقلل السكر شوية واسيبها تستوى كويس
بس بجد هى كان طعمها كويس مش وحش

انا كمان باظت معايا وحرمت اعمل كيك بقيت اعمل المثلجات اضمن
بسكوت علي كريم شانية وكدة
مش اضمن

[ام رفيدة وجويري]

السلام عليكم حبيبتي n3omy
بصراحه انا مريت بتجارب كتير هابطه للكيك الي ان توصلت للحل واحببت ان افيدك به

اولا اذا كنت هتعملي الكيك اسفنجيه فاتبعي الخطوات الاتيه
طبعا المقادير انت عرفاها(10 بيضات او 8 او 6 حسب المتاح +ملعقه صغيره فانليا+كوب سكر مطحون +كوب دقيق مضاف اليه ملعقه كبيره بيكنج بودر (ونص ملعقه صغيره بيكربونات الصودا وممكن تستغني عنها بس طالما عندك حطي منها ياقمر) بس كدا
الطريقه الصحيحه
تجيبي اناء وتضعي البيض شرط ان يكون البيض في درجه حراره الغرفه يعني لو كان في التلاجه طلعيه
هتضربي البيض مع الفانيليا بالمضرب الكهربي مده قليله
الي ان يمتزج
ثم تضعي كوب السكر المطحون وتضربي من غير زهق اضربي الي ان تحسي اك حصلت علي عجينه الكيك وانك مش محتاجه الدقيق
شفت هتضربي لحد اييييييييه؟
لحد مايصبح خليط البيض والسكر كريمي والصبر مفتاح الفرج متستعجليش وكل حاجه هتبئي كويسه
ثم تضعي الدقيق المضاف اليه البيكنج بودر وبيكربونات الصودا شويه شويه وتقلبي براحه عشان الهوا اللي تعبتي فيه ده ميخرجش
اتفقنا كدا
تجيبي الصنيه دهنيها زيت وترشي شويه دقيق بسيطه
ثم تقربي ايدك من الصنيه اوي وتصبي العجين بتاع الكيك ببطئ شديد

ملحوظه مهمه((((اول متيجي تضربي ابيض مع السكر تكوني مجهزه الفرن ومولعاها اتفقنا كدا ياقمر))
لما تبئي صنيه الكيك جاهزه تضعي الصنيه في الفرن علي درجه 180
ولا تفتحي عليها ابدا قبل 20 دقيقه
هتلاقيه ان شاء استوت من تحت
شغلي الشوايه بس اوع تمشي من جنبها لان الشوايه بتحمر الوجه علي وجه
واختبري النضج بسكين
فاذا لم يخرج شئ مع طرف السكين
فاطفئي الفرن وافتح باب الفرن واتركي الصنيه بداخله والباب مفتوح
ثم بعد قليل اخرجيها من الفرن
واحصلي علي احلي كيك مرتفع
ووداها لهبوط الكيك
وده الدليل


اما لو عاوزه تعملي كيك عادي
فاليكي الطريقه لتحصلي ان شاء الله علي كيك مرتفع ايضا



اولا مقادير الكيك
(1ونصف كوب دقيق منخول مضاف اليه 1ونصف ملعقه بيكنج بودر+تلاث ارباع كوب سكر عادي بس انا طحنته عشان مايتعبنيش+نصف كوب زيت او زبد+تلت ارباع كوب لبن+4 بيضه +ملعقه صغيره فانيليا)


الطريقه تضربي البيض شويه مع الفانيليا ثم تضعي السكر ثم الزيت ثم اللبن في الخلاط او المضرب الكهربي
ثم تضعي الدقيق المضاف اليه الفانيليا
وتدهني صنيه زيت وترشيها بقليل من الدقيق وتضعي الكيك وتقربي ايدك من الصنيه وتصبي العجين بهدوءوتضعيه بفرن درجه حرارته 180 ولا تفتحي عليه قبل 20 دقيقه اذا محتاج تشغلي الشويه لتحمري وجه الكيك واذا م شمحتاج يبئي تقفلي كمان عشر دقايق وطبعا بتختبري النضج بالسكينه
كدا تبئي خلصتي من الكيك
تفتحي باب الفرن عليه شويه ثم تخرجيه يبرد ولو مستعجله تضعيه في التلاجه شويه لحد ماتعملي التزيين

انتظر تطبيقك وتوريني ياقلبي
احلي كيكه من ايدك الحلوين
يارب اكون قدرت افيدك

[ام رفيدة وجويري]

كيفكم ياطباخات انا اليوم محتاجة لمساعدتكم عن جد انا بدي اساوي صينية جلاش باللحمة

المفرومة هاستخدم الفيلو باستري هو قريب من الجلاش ياريت تعطوني الطريقة بالتفصيل

الممل جدا وتقولولي هل اقسم الجلالاش قبل ماادخله على الفرن واصب عليه الحليب والبيض

ولامااقسموش واصب عليه الحليب وادخلو عالفرن والتقسيم يكون بعد مايطلع من الفرن


سامحوني انا مابشترك معكم كتير او مابرد كتير عالمواضيع بصفة عامة لاني لااملك كيبورد

عربي وبجيبو عن طريق النت فبتكون الكتابة صعبة شوي

حبيبه قلبي الجميله
ولا يهمك ياقمر
انا هقولك علي طريقتي ويارب تعجبك
انا بجيب الجلاش واحضر الصنيه ادهنها سمن
ثم اضع طبقه طبقه حت ياحصل علي جلاش مساو وجميل
واضع بين كل كام طبقه كدا قليل من السمن يعني لحسه كدا هههههههههه

وعندما انتهي من نصف الكميه اضع الحمه المفروم
وهكذا افعل في النصف التاني من الكميه مثل النصف الاول
واكون جهزه بيضه مع شويه لبن صغيره والملح الفلفل الاسمر
وومكن تستغني عن اللبن خالص

نعم ياحبيبه قلبي انت باين عليك شاطره وبتضحكي علينا
صح تقسمي الجلاش قبل مايدخل الفرن
وتدخليه يستوي طبعا مبيخدش وقت خالص
وبالف هنا وشفا
ويارب اكون قدرت افيدك

[ام رفيدة وجويري]

اما بالنسبه للمنيو النهرده
فهي بانيه وارز وسلطه تبولا[/IMG]

وبالف هنا وشفا ياقمرات

[فرح1983]

السلام عليكم يا حلويييييييييين
وحشتوني جدااااااااا جدااااااااااااااااااا
بصوا بقى انا عملت امبارح حاجة ظريفة
عملت مكرونة اسباجتي باللحمة المفرومة كنت كتبتها قبل كدة
وعملت كمان حاجة تاني
اول مرة كانت بس طلعت جميلة كنت شفتها في فتافيت

جبت دبابيس فراخ
ونقعتها في التتبيلة اللي كنت كتبت عليها قبل كدة
وهي
زبادي وتوم وبهرارت فراخ وليومن ومسطردة وكاتشاب وملح وفلفل اسود وتوم بودرة وبصل بودرة لو عندك
وحطيت فيها الدبابيس بعد اما خرمتها بطرف السكين عشان التتبيلة تتشربه
وسبتها طول الليل
بعد كدة في طبق غويط
حطيت دقيق وشوية نشا وشوية فيجتار وشوية بقسماط وبهارات فراخ وممكن كورن فليكس مطحون بس مش مسكر وممكن دقيق درة كمان للقرمشة
وجبت الدبوس غمسنه كويس بالزبادي وبعدين غطيتها بالدقيق
ورجعتها تاني في الزيادي وبعين للدقيق تاني عشان تبقى طبقة كويسة
وبعدين قليته في زيت غزير
يحمر ويبقى لونه حلو
حطيته في صينية ودخلته الفرن يكمل سواه لانه كدةمن جوة ما استواش كويس
لما يدخل هيستوي من جوة ويبقى طري ولذيذ
ومن برة مقرمششششش يميييييييييي
زي الكنتاكي
واحلى وانظففففففف
وبطاطس
وكول سلو

طريقة الكول سلو
تجيبيكرنب سلطة تغليه وتبشريه او تقطعيه او في الكبة بس من غير ما يتهري
وجزر مبشور
وعلى جنب تعملي الدريسنج
مايونيز ورشة ملح وشوية سكر بودرة وشوية لبن ساقعين او زبادي وتقلبيهم كويسسسسس وتدوقي يبقى مسكر شوية او زي ما تحبي
وتحطيها على الكرنب والجزر وتقلبي
والله باذن الله زي الجاهز واحسنننننن
والف هنا وشفا

[أم جورى]

الله الله يا فرح حلوة أوى بس يارب تطلع زى كنتاكى كدة علشان اقضى على موضوع الديليفرى ده خالص

أم رفيدة تسلم ايديكى يا قمر مشاركة جميلة منك

جودى

انا واحدة صاحبتى قالتلى على طريقتها قبل كدة بس عمرى ماجربتها هحاول ابحثلك عليها

نعومى

ليه كدة بس طيب جربيها مرة كمان واعملى الخطوات بالظبط

غفران باظت منها مرة والمرة التانية طلعت حلوة اوى ما تيأسيش

[أم جورى]

أم روفيدة أكيد انتى عارفة القوانين واللوائح احنا عاوزين الطريقة

وبعدين تقولى تبولا وتمشى كدة ما ينفعش يا قمر الطريقة الطريقة

[nanosa311]

ننوسة احنا منقدرش على زعلك وسامحينى انى انشغلت وماردتش

ده انا حتى بجد عجبتنى طريقتك فى الفراخ لأنى بسلقها علطول من غير

التشويح وقلت هجربها

ماتزعليش وانتى خلاص معتمدة كشيف فى المنيو

بانتظار وصفاتك القادمة

ماتزعليش يا ننوسا والله بجد
انا المية كانت عندي قاطعة بعيد عنك
وكنت مخنووووووووووووقة
ربنا يسهلها وما تقطعش تاني في الحر دة

هقرا الوصفات بتاعتك
وارجعلك تاني يا قمر

ولا يهمكم يا حلوين

المياة جت يا فرح ولا لسة ؟