و الله إني نزلت 5 كيلو بأسبوع و4 أيام! شاركيني

[Sara_85]

هلا فراولة حبيبتي ...

بالنسبة لهريجيم مكتوب إنه الكميات مفتوحة فأنا اليوم شربت وايد من الشوربة ... عادي و لا في غلط ؟؟؟؟


و بالنسبة لباتجر أفكر اتغدا سمك ( بس هل هم يقصدون سمك مشوي ) ؟؟؟


و انا و الله بعد كنت أفكر أشرب خلطة الزنجبيل و الكمون و الليمون المذكورة في الريجيم

بس قشر القهوة وين نحصله ؟؟؟؟؟؟؟


و كيف نسوي الخلطة هذي ؟؟

وشو أحسن وقت تنشرب فيه و كم مرة في اليوم ؟؟؟ <<<<<<<<<<< تسأل وايد


حبيبتي ... إنشالله ما بتأخر عليج فالرد ... ترى توني مخلصة دراسة و الساعة 1 فالليل و نعسانة ... بس قلت ما برقد إلا بعد ما أشوف فراولة شو طرشت ؟؟؟؟؟؟



مع حبي
سارة

[Sara_85]

حبيبتي غوريلا ... الريجيم لازم تلتزمين فيه بحذافيره ...


الله يهديج ما حصلتي إلا البطاطا ؟؟؟؟ يم يم يم و الكفتة يم يم يم


أنا أعرف و مقدرة ظروفج بما إنج متزوجة و عندج عيال الله يخليهم لج ...


بس مهما لخبطتي و خربتي فالريجيم ... حاولي على كثر ما تقدرين تكملين ..


و بالنسبة لج أنا أفضل إنج تبدئين لمده أسوبعين تخفيف أكل ما هر ريجيم .. و انتي بروحج بعد أسبوعين بتشوفين وزنج نزل و بتتبعين اريجيم المركب بحذافيره ... و أنا مشيت على هالطريقة ...

فاسمعي مني غوريلا ... و ابدئي تخفيف يعني افطري و اتغدي بس لا تتعشي ...

قللي الكميات ...


انسي الحلويات ...


النشويات أكثر من نصف صحن عادي لا تاكلين


بدل الخبز الأبيض أسمر


بدل كامل الدسم خالي الدسم ...


اتبعي هالنظام لمدة أسبوعين و بعدين حولي على الريجيم المركب

و بصراحة ما أنصحج بالسهر ... لأنه مثل ما قلتي يجوع ... و يقلل عملية الحرق فالجسم بعد ...


حبيبتي ... أنا قلتلج فكرتي ... إذا بتمشين عليها ... خبريني ..

و حياج الله ويانا حبيبتي


مع حبي
سارة

[Sara_85]

هلا حبيبتي شامخة الراس ...


نورتينا الغالية


لا تقوليلي خاطري أضعف


قوليلي أنا نويت من اليوم أضعف و اتغير و أستوي أحلى ...


حبيبتي الريجيم موجود فصفحة رقم 15 من الموضوع و اسمه الريجيم المركب ...


و أنا أنصحج فيه لأني أنا و حبيبة قلبي فراولة ماشيين عليه بحذافيره و نزلنا خلال أسوبعين و الحمد لله 9 كيلو "" ما شالله "" أنصحج تتبعينه و تشاركينا ...

و احنا كلنا بنشجع بعض ...


حتى لو ما تدخلين كل يوم ... يكفينا إنج كل ما تدخلين تقوليلنا أخبارج مع الريجيم ...


و الله يوفقج الغالية

مع حبي
سارة

[Sara_85]

غلا نجد ترى ما نسيتج ... ؟؟؟


بعدني أترياج



مع حبي
سارة

[Sara_85]

هلا إيمان حبيبتي


بونجورين


نورتينا و الله



مع حبي
سارة

[[ٍٍkh].]

هلا سارونة .
بالنسبة للشوربة بالعافية وين ما يسري يمري عادي سارونة مسموح بالرجيم مثل ما قلتي كميات مفتوحة .
شوفي سارونة والله يمدحون الكمون واليمون .
انا اليوم الصبح اسولف مع امي اقول يمدحون قشر القهوة والكمون .
جات الساعة 6 كذا لقيت امي جايبتهم لي <_ فاجاتني .
تقول جابتهم من العطار حتى العطار كان يمدحهم .
انا سويتهم كلهم بقرشة كبيرة وحطيتهم بالثلاجة بس ادفيهم واشربهم احسن من كل يوم اسويهم .
كمون ناعم 6 ملاعق + عصير ليمون ((4 ليمونات )).حطيتهم بعلبة تسع 6 قلاسات .واضافة 6 قلاسات ماي
وتشربينه دافي على الريق وقبل النوم . وممكن تضيفين لة باكيت شاي اخضر عشان يخفف الحموضة
________________________________

بالنسبة لقشر القهوة . تاخذينة من العطار اكيد . وتحمصينة وتطحنينة .
وتاخذين 6 ملاعق . وملعقة زنجبيل وتغلينهم لمدة ساعة . وتحطين 8 قلاسات ماي . عشان الماي راح يتبخر . وتبردينة وتحطينة بعلبة تسع 6 قلاسات ماي .
________________________________
تقدرين تسوينة كل يوم طازج بس الطريقة الي انا اسويتها احسن .
اذا بتسوينه كل يوم تكون مو 6 ملاعق ملعقة وحدة .
طبعا سارونة بالنسبة للكمون على الريق وقبل النوم .
اما بالنسبة لقشر القهوة . تقدرين على الريق او بعد كل وجبة.
بالنسبة للسمك اية اكيد مشوي . ولاتحطين قطرة زيت ولااااا قطرة سارنة
حطية بالفرن وضيفي لة ماي مثل طريقتنا بالاومليت . عشان ما يحترق .
سارونة سوي لج اومليت بهالاسبوع حلو طعمة مع الفطر( عش الغراب )
مع حبي فراولة معسبة .

[ام سبرينا]

مين جربت الحبوب شيتوكال

[[ٍٍkh].]

هلا ام سبرينا
انا عن نفسي لا ما جربتة .
فراولة معسبة

[Sara_85]

هلا فراولة حبيبتي ... انشالله من باتجر بسوي الخلطات هاي كلها و بشد حيلي هالأيام في الرياضة ... و بحاول أمشي أكثر و أكثر ...


حبيبتي إنشالله بجرب الأومليت ...

بنالسبة لي اليوم

على الريق: خل التفاح بالماء
الفطور: عصير أناناس
الغداء: حبة أناناس
العشاء: سلطة يونانية



فراولة السمك نستخدم أي نوع سمك ؟؟؟ حتى الهامور ؟؟؟؟


و بالنسبة لطاجن الخضراوات كي سويتيه فديتج ؟؟؟؟؟


و كا عام و انتي بخير على السنة الهجرية الجديدة


مع حبي
سارة

[[ٍٍkh].]

هلا وغلا سارونة . وانتي بخير وبسحة وسلامة .
بالنسبة . للسمك شرايج تستخدمين .(( السمك الموجود في الشوربة ))
بالنسبة لطاجن الخضروات سارونة انا كل يوم احط لج جدولي انا للحين ما سويتة بس كنت ناوية اسويها بس كنسلتة لاني ماكنت جوعانة .
بس على ما اعتقد . بيض وحدة مسلوقة . معها خضار يكون طماط وخيار وخس <_ يعتبر نوع من انواع الخضار .

انا بالنسبة لجدولي اليوم تمام .
15 يوم للرجيمـ 17- 1- 2007 ((ثاني يوم _الأسبوع االثالث ))
على الريق . خل تفاح +خلطة كمون وليمون وشاي اخضر.
الريوق عصير كوكتيل (اناناس + فراولة + برتقال +كيوي +تفاح ))
الغداء عصير اناناس
العشاء سلطة يونانية
بعد كل وجبة حبة من حبوب الانا ناس .


بالنسبة لباجر .
17 يوم للرجيمـ 19- 1- 2007 ((ثالث يوم _الأسبوع االثالث ))
على الريق . خل تفاح +خلطة كمون وليمون وشاي اخضر.
الريوق . فراولة . <_ بدال الكوكتيل مابي كوكتيل .
الغداء. عصير اناناس <_ ما اشتهي غداء.
العشاء. دجاج بكريمة النعناع .
بعد كل وجبة حبة من حبوب الانا ناس .

وطبعا سارونة انا امشي يوميا ساعة . <_ تعودت على المشي .
بالنسبة لخلطة الليمون اول ما اقعد من النوم وقبل ما انام .
قشر القهوة بعد العشاء . قلاسين <_ سارونة يمدحونهم .
واكثر من شرب الماي .
بالنسبة لكريمة النعناع .
كريمة النعناع
-----------------------------
المطلوب: ثلاثة ارباع كيلو لبن بدون دسم، 5 بيضات، ملعقة نعناعطازج مفروم.
الطريقة: يغلى اللبن مع النعناع، يضرب البيض فى إناء منفصل ويضافإليه اللبن المغلى مع التقليب بعناية ، يوضع الإناء داخل فرن شديد الحرارة لمدة 45دقيقة بعد ذلك توضع الكريمة فى مكان جيد التهوية حتى تبرد، نترك الكريمة فى الثلاجةبعض الوقت ثم تقدم باردة ..
طبعا بستخدم بيضة وحدة فقط .
مع حبي . فراولة معسبة .