ال menuانهاردة ايييييييييييييييييييييييييه

[أم جورى]

صباح الخير عليكم كنت عايزة اعرف طريقة لتدميس الفول لانى بستعمل المعلب وكنت عايزة اكل بنوتى الصغيرة منه
بس لازم اعمله بنفسى انا جبت الدماسة والسخان عايزة الطريقة ان امكن
اما عن المنيو بتاع انهاردة فانا هاعمل ان شاء الله طاجن لسان العصفور باللحم بنسلق اللحم ونحمر لسان العصفور ونكون محضرين تسبيكة بصل وطماطم تتسبك ونحط لسان العصفور عليها وبعدين عالطاجن نقلب وبعدين نبهره كويس ونضيف اللحم والشوربة زى الرز يا دوب نغطيه ويدخل الفرن لحد الوش مايحمر وبالف هنا
انا بعمل جامبه كوسة مطبوخة واول ما بتخلص بضيف النعناع الناشف عليها بتبقى لذيذة اوى وريحتها تحفففففففففففففففففففة

نونو أنا بحب الكوسة موووووووووووت وكمان جربت الطاجن ده بس باللحمة المفرومة فكرتينى بيه والله

بيبأة حلو أوى

الفول سهل أوى انقعيه من بالليل وحطيه فى الدماسة مع شوية عدس صغننين

اصفر طبعا وطماطماية يعنى على كوب ونص فول كدة وزودى ميا سخنة وسيبيه

وكل لما الميا تنقص تزودى شوية ميا دافيه بس كدة

[احلى ماما]

تسلمى يا جوجو عالرد ان شاء الله هجربه واقولك عالنتيجة

[UM FARIDA]

جعاااااااااااااااااااااااااااااااااااااااااااااااا ااااااااااانة

[الاميرة طماطم]

اذيكم يا بنات يا حلوين

احلى ماما.. طريقة الفول زى ما جوجو قالتلك كدة .. بس بعد ما تنقعيه حاولى تنقيه الاول قبل التسويه علشان احيانا بيكون فيه حشرات وعلشان تزودى قيمته الغذائية ممكن تبشرى معاه جزرة

واقلكم على سر للى مستعجل فى عمل الفول .. حطى عليه 1/2 معلقة بيكنج بودر بتخليه يستوى فى ساعتين وطرى زى الزبده

فرى .. اتفضلى عندنا اكلة جديدة انهاردة تعالى نجرب فيكى

اخر اخبار الطبيخ بتاعى ..

انا عملت طاجن الخضار بالفراخ والبشاميل فى الفرن وطلع جميل بس تقريبا البشاميل كانو حبه صغيرين فطلع ناشف شويه المره الجايه احاول اظبطة

وعملت كمان كيكه طبقات القرفة وطلعت .....................................
كاررررررررررررررثه

ناشفة من تحت ونيه من فوق وحاجة بقى ايه تستاهل تترمى من الشباك وطبعا خدتلى بقين تريقة من اسماعيل بيه تتصورا يقولى دى مش اسمها طبقات القرفة دى اسمها ودع اهلك
وادى اخرة تعبى لما قلتلوا طيب دى اخر مرة تشوف كيكة من ايدى


انهاردة بقى المنيو فراخ بطريقة جديدة لما تطلع حلوه ابقى اقولهالكم ومعاها مكرونه

[أم جورى]

جعاااااااااااااااااااااااااااااااااااااااااااااااا ااااااااااانة

اتفضلى يا فرى ياخبر جعانة وانتى عندنا

[أم جورى]

طمطم

بالنسبة للفول أنا سألت على نوعه قاللى انه اسمه فول مقمور بتكون كبيرة

كدة زى الفول المعلب انتى بأة قصدك افتح الفولة يعنى ولا ايه السوس ده من

جوه

كدة غفران هتسوط بالأوى على الكيكة دى سهلة جدا والله بس انتى جربيها تانى

وهتطلع حلوة

الطاجن لازم البشاميل يكون خفيف شوية وكمان يكون كتير يعنى كأنك حطة عصير طماطم

مستنين نتيجة الاختراع

انا كمان انهاردة اخترعتقلت اغير فى البانيه شوية تبلته زى الفراخ كدة بالبصل والملح والفلفل والبهاروسيبته ساعتين فى التلاجة

وسيبته على البوتاجاز ووطيت النار طبعا نزل الميا اللى فيه ولما دخل

فى السوا حطيت على الوش صلصلة ودخلته الفرن من غير اى مادة

دهنية خالص بجد طعمه حلو اوىوممكن يتقدم مع رز ابيض

وفى طريقة تانية برضه نسيت اقولكم عليها

تشيكن رول بتبل البانية بس بمية البصل والتوابل واعمل حشوة من

جبنة رومى وقطع طماطم صغيرة وبقدونس وفلفل وزيتون

وافرد قطعة البانيه واحط الحشوة والفه واقفلها بالاعواد الخشب

كويس من الجنبين

واحطها فى البيض والبقسماط واحمرها وبعد ما تبرد خالص

يا اما اقسمها نصين يا اما تتقطع ترنشات

[ghofran2009]

شفتىىىىىىىىىىىىى
شفتى يا ست جوجو
اهى كيكة الطبقات التحفة بتاعتك باظت من طماطم وقبلها كانت اودى
بصوا هى ما باظتش منى اوى يعنى بس كانت مجزعة شويتين ونيه شويه من النص
واضح ان المشكلة بتكون فى الفرن
ال8 دقائق بتوعك دول يا جوجو ما ينفعوش خالص
وبعدين هو لما بنشغل الشواية بنطفى الفرن من تحت
انا هابقى اعملها تانى ان شاء الله
بس هاقلل السكر شوية واسيبها تستوى كويس
بس بجد هى كان طعمها كويس مش وحش

[ghofran2009]

جوجو يعنى انتى ما حطتيش على البانية بيض وبقسماط والا ايه حطتيه كدة بتتبيلته بس
على فكرة انا ما بقتش بتبل البانية ببصل
باحط ليمون او خل وملح وفلفل وحاجة اسمها السبع توابل بتبقى جميلة اوى

[أم جورى]

ايوة يا غوغو تطفى من تحت لما تشغلى الشواية

بالنسبة للبانيه أيوة من غير وبقسماط لو قصدك على اللى عملته انهاردة

لكن التشيكن رول المحشى ده لازم بيض وبقسماط

[الشذى الفواح]

ازيكو ياحلوين وحشيننىىىىىىىىى موووووووووووت

جوجو انا باجيب علبة كده من اولاد رجب رقائق الميل في واحشيها كريمة او كاستر وعالوش سكر بودرة لانى ماليش ف المربى اوى

بس طعمه حلووووووو اووووى العلبة ب13ج

بصي يافوفاا هى بتولعى الشواية من فوق وتحطى الصينية عالرف بس تعلى الرف فوق وهاتى كرسي وخليكى لازقة للبوتاجاز

وكل تلات دقايق بالزبط بصي عليها واما تلاقيها احمرت بس هاه احمرت مش اسودت واتحرقت تطلعيها ترشي عليها خليط السكر مع القرفة وفوقيها شوية كيكة يادوب تغطى الخليط كده ودخلى تحت الشواية وهكزا دواليب ..ا ا اصدى دواليك لحححححححد ماتخلصي ااخر طبقة كيكة تحطيها تولعى الفرن من تحت بالمرة وسيبيها 10 دقايق بس طبعا تبصي لو من فوق احمرت اطفى الشواية وسيبي الفرن شغال 10 دقايق الجرس رن تطلعيها تختبري بعود خلة او شوكة لقيتيها طالعة نضيفة اطفى لقيتيها فيها حاجة عالشوكة عجين رجعيها وخليكى اعدة يعنى لازم تكونى رايقة كده وهاتزبط ان شاءالله

استنى بئة عيب عليكى انا اولا مالقيتش رسالة منك فاما انك بعتيها لحد تانى او انها لم تصل لاى سبب لكن عيب يافوفاا انا عمري ما هاطنش رسايلك ياجميلة واكيد مش هاطنشك باذن الله لان من يوم ماعرفتك وانتى تعاملك معايا محترم جدا ربنا يبارك ف الصحبة الطيبة دى ياارب

رديت عليكى ياستى هناك اعزرينى فعلا وقتها رديت ومخدتش الى انها ما تبعتتش