تعالوا نفيد ونستفيد ( 2 ) ملف متجدد

[adam_mh]

انتي تامري بيييرو
انا هكلمك بكره نفتح ياهوووو وارغي معاكي واقولك علي المفيد
http://www.fisher-price.com/fp.aspx?...0&e=activities
خدي الموقع ده لملوكه
وكمان سيفه عشان هقولك علي افكار حلوه تعمليها منه

[miama]

نونا معلش قومت شويه

اه النهارده كان في عروض كتيره على الصلصه والفول والرز والشاي والزيت كمان
بالنسبه لحاجات رمضان الياميش وكده دي نزل من اسبوعين وموجوده دلوقتي

[tasha]

طيب روحو مشتل بس محترم واسئلوا عن حاجة اسمها مليسيون حيديكو زجاجة في ب عشرة وفي ب 30 حطي 2ونص غطى في زجاجة جلانس ملمع الزجاج فاضية طبعا وحطي الباقي مية ورجي حيبقى شبه اللبن كدة رشي كل الاركان وكل حتة بيكون فيها نمل او اى حشرات هوي الحجرة او المكان اللي رشتيه وابقى قابليني لو نمله هوبت ناحية بيتك او اى حشرة كمان لو انتي عارفة جحر معين في حشرلات حطي المليسيون ده سك في حقنة واديله في الجحر
والي يجرب يدعيلي

طب اللى معندوش الحاجات ديه يعمل ايه ,ده خراب ديار الشركه لوحدها هتاخد٨٠٠ دولار غير حاجات اشتريتها ب ٢٠٠,ربنا المعين

[tasha]

تقولوا تحفة اجى علطول

فرح فى ميكروويف فى الأوت ليت انا سألت قاللى عندهم دايو ال50 لتر ب850

والعيب ان فيه نقرة بسيطة

وقاللى ان فى كذا سعة عندهم

تاشا


هى أمريكا فيها حشرات برضه

ربنا يكون فى عونك أنا أكتر حاجة مزهقانى النمل بس مش بديله فرصه

برش فليت للنمل حلو أوى مش بيخلى أى حاجة

وكمان ممكن تعملى اسفنجة مبلولة وعليها سكر طبعا لو فى نمل هيتلم عليها

امسك حرامى بأة

وبعدين حاولوا ان مزانق المطبخ تكون نضيفة لأن ممكن يكون حاجة

بتقع منك وانتى مش واخدة بالك بتعمل نمل طبعا

وكل يوم امسحوا الرخام بتاع المطبخ بديتول وميا وكلور بنسب

متساوية حلو أوى بجد

اه يا ام جوري تخيلى امريكا فيها جميع انواع الحشرات,انا كنت اسمع عن البق ده فى مصر لكن شفته هنا

[sohila215]

أنا عضوة جديدة يارب تقبلونى وسطكم دى أول مشاركة ليا اشتركت مخصوص عشان اشكركم جميعاً وجزاكم الله كل خير لانى استفدت كثييييير وياريت تستمروا فى الفكرة الحلوة لانها بتساعد كثير أنا مثلاً من المنصورة لكن بحب أشترى معظم احتياجاتى من القاهرة لكن لا تتخيلوا التوهان والتعب ومرة تخيب ومرة تصيب لان طبعا معرفتنا محدودة ولكن يعنى اهو بنعرف وتعلم واللى مساعدنى شوية انى كنت فى جامعة القاهرة عشان كدة ياريت لما تتكلموا على محل معين ممكن تكتبوا عنوانه . كمان أنا آخر حاجة اشترتها الشهر اللى فات بوتوجاز مسطح بليت ان غاز 4 شعلة - اريستون - من الاسواق الحرة فى طلعت حرب وفى نفس اليوم جبت شفاط - جليم من محل قريب منه بشوية يا ترى ايه رأيكم فى الأنواع دى وان شاء الله الشهر القادم أول ما نعرف نيجى القاهرة لسه الفرن عايزها فرن كهربا ويكون سعره معقول وكويس لكن ربنا يستر من فاتورة الكهربا وفكرت فى الفرن انه يكون غاز لكن لقيته غالى بحوالى 5 الاف ماركة جليم ياريت تفيدونى لو فى فرن غاز ارخص شوية وشكرا كمان مرة على الاستفادة الكبييييييرة وكمان عجبتنى فكرة الاوتليت جدا وياريت تكتبوا عنوان اى اوت ليت تعرفوه .وشكراااااااااااااااااا

[UM FARIDA]

طب اللى معندوش الحاجات ديه يعمل ايه ,ده خراب ديار الشركه لوحدها هتاخد٨٠٠ دولار غير حاجات اشتريتها ب ٢٠٠,ربنا المعين

تاشا خلي حد من اهلك يبعتهولك مع حد او دي اتش ال

[UM FARIDA]

مساء الخير عليكم

طمطم عاوزة افهم يعنى الميكرويف لو 50 لتر مثلا وفيه فرن وشواية

كدة اسوى الأكل فيه عادى ويبقى زى الفرن العادية

جزاكى الله خيرا يا فرى انا هجيبة ان شاء الله علشان النمل وعلشان الروف كمان

انا جبت ازازة صغيرة قبل كدة ب8 ج وكان لونه زى اللبن مش عارفة هو ده ولا لأ

وبمناسبة كارفور بأة مين جرب شاى حلو

انا جربت تويننجز وايرل جرى بس معجبونيش ورجعت لليبتون تانى

هو بيبقى لونه اصفر كده زى فيروز ولما تحطيه على المية وترجيه بيبقى زى اللبن

[UM FARIDA]

ما شاء الله عليكو كلكو طلعتو عارفين السر طيب

[UM FARIDA]

اهلا بيكي يا سهيلة

[nashwa1]

تاشا
بصى فى مره قريت عن الموضوع ده اعتقد انك تشيلى المراتب وتتعرض للشمس لازم وترشى السرير الخشب برش للحشرات وبعد كده تجيبى كلور وتخففيه شويه بالميه وحطيه فى بخاخ ورشى الخشب كله بتاع السرير ولو فى اى خشب تانى فى الاوضه وبعد كده فكى اكياس المرتبه واغسليها على درجة حراره عاليه
وان شاء الله متلاقيش حاجه بس الرش لازم كل اسبوع لمدة 3 شهور
انا قريت الكلام ده وناس ردوا على الموضوع انهم استفادوا يا رب تستفادى
وانا سمعت ان امريكيا اكتر بلد فيها الحشره دى على فكره