تكملة لملف السفرة الرمضانية لشهر رمضان يوميا و لجيمع الأطباق

[ابريكه]

تطبيق رائع
تسلم يدياتك ويديات ماما الاء

[بيبي دوح]

نانى يا غالية سفرة تهبل يعطيك الصحة

كيتى دائما مميزة يعنى حضور يومى بالسفرة ماشاء الله

اوووووووووووووووووو ارنوسة من ورانا الصقع ولا شنو

عجبنى والله الحلو يا ارنوسة دزيلى لينك تربحى

[ابريكه]

كل عام وانتم بالف خير احبابنا في ليبيا وخارج ليبيا

[ليبيا قلبى]

السلام عليكم
ياريت تعطنى طريقه الشاورما الدجاج

[FARFORA]

كيف حالكم وكل سنة وانتو طيبين ومبروك عليك البنوتة ياحرة وتتربى في عزكم ان شالله اني غايبة لي فترة مااضني حد فقدني اهي اهي ان شالله غير قاعدين تتفكرو في

[ام السنفور]

السلام عليكم ورحمة الله وبركاته

شنى اخباركم اليوم

مغتربه 2 معليشي راهو انتى تعرفي حنى الليبيات ماشاء الله معبيات الركن فا قداش بنتفكرو وحدة وبعدين لان الموضوع هادا مخصصينه للاكل وبس فا طبيعى ان في اخوات مش حيردو برغم من انهم موجودات زي رونى متلا ام جنى وحتى انى مرات نتابع في الموضوع من بعيد لبعيد بما ان ماعنديش حاجه نحطهالكم وماعنديش سؤال غير نكتر في الردود وخلاص
واااااااااااو كتبت هلبه شورنى خاطري في الهدرزة توا تشوفنى رواد تلزنى بعصا المكنسة هههههه


ليبيا قلبي انتى تبي طريقه حد معين في الشاورما ولا ايي طريقه ؟
بنسبة لطريقتى اعتقد انها هادا الطريقه اللي يديرو فيها الاكتر
ناخد صدر دجاج ونقصه صويبعات طوال ونحطهم في صونيه ونحط معاها بصل مرات نبشر فيه ومرات نقصه مربعات صغيرة ومرات اجنحه ونحط معاهم شوي تومة وممكن تكترى علي حسب رغبتك مرات نزيده في شوى طماطم اخضر مقصوص رقيق
المهم ونبهره بالملح وفلفل الاسود والزعتر وشوي حبهان ونعصر عليهم ليم قارص وحتى الليم نقص منه شرايح ونخليه مع الدجاج وبعدين نقيمهم ونلوحهم
تقدري تزيدى خل انى مانفضلاش لما تكون شاورمة دجاج
تقدري تخلي ياغورت عادى وتخلطيه انى مش ديما ندير في الياغورت لان نحس مايغيرش هلبه في الطعم

المهم وغطيهم وخليهم في التلاجه طبعا كل ماتقعد في التلاجه اكتر تطلع احلى لانه يشرب النكهه الدجاج وتقدري تخليه اقل لاكن البنة قلتلك لما يطول اكتر
خودى قلاية وديري فيها شوي زيت وديري فيها الدجاج اللي جهزتيه والنار تكون حامية وحركى حركى لين تنشف اميته ويتحمر

وعندى طريقه تانية تجى ساندوتشات بس تختلف علي هادى هاديكا بالحليب وفي الكوشة حلوة حتى هى بس تختلف في الطعم علي الطريقة الفوقيه

[mehad]

السلام عليكم
مبروك عليك المولودة اخت حرة وان شاء الله تكون من قسمك.
بارك الله فيك اخت كيتي على اهتمامك بموضوع فورمة السمبوسك بالله عليك لو عرفتي وين يبيعو فيها قوليلي باش نكلم اهلي عليها وتقدري تبلغيني بأرسال رسالة خاصة وشكرا

[العجولة]

كيف حالكن يابنات أنشالله بخير
وكل عام وأنتم بخير العيد في ليبيا يوم السبت ينعاد عليكم يارب
والله ليا فترة عن السفرة واليوم درت فخد الدجاج وحبيت أنزلا ليكن يارب يعجبكم
وهذا الرابط
http://www.lakii.com/vb/showthread.php?t=593989

[حره فوق رأس حر]

السلام عليكم
مبروك عليك المولودة اخت حرة وان شاء الله تكون من قسمك.
بارك الله فيك اخت كيتي على اهتمامك بموضوع فورمة السمبوسك بالله عليك لو عرفتي وين يبيعو فيها قوليلي باش نكلم اهلي عليها وتقدري تبلغيني بأرسال رسالة خاصة وشكرا

الله يبارك فيك يالغاليه ويخليك وان شاءلله من قسمى يااااااارب

وسامحينى كانك متزوجه ربى يخليلك صغويرتك
وكانك بنيه ربى يرزقك بولد الحلال يارب

كيف حالكم وكل سنة وانتو طيبين ومبروك عليك البنوتة ياحرة وتتربى في عزكم ان شالله اني غايبة لي فترة مااضني حد فقدني اهي اهي ان شالله غير قاعدين تتفكرو في

كل سنه وانتى بصحه وسلامه يارب
وربى يبارك فيك ويخليك ياحبيبه
ومكانتك فى القلب ياحبيبه راهو

[ملكة بنقابي~]

السلام عليكم ورحمه الله وبركاته

فطوري اليوم علي السريع راهو مازال مافطرناش

كفته حسن باشا صويبعات الدجاج وخبيزه محشيه سلاطه ورز بالخضره الرز قاعده فوق النار والحلو بسبوستي بطريقه صاحبتي تهبل وكرات جوز الهند للعاليه زنوبه








معليشي مستعجله حتي الصابون طلع