موضوع كتير مهم جدا شكرا ليكى اختنا قمر على طرحه وعلى طريقة الطرح المميزه
بصراحه الموضوع ده مش عامل لى اى مشاكل ولا عمرى شلت همه
مش عارفه حاسه ان الموضوع كله ممكن يكون مفهوش اى مشكله لو وجد الحب الحقيقى بين الزوجين
يعنى انا مثلا من قبل سنه مكنتش فى اى مشاكل مع زوجى وعمرنا ما فكرنا فى فلوسى وفلوسك لا والله كان بيخاف عليا وبيساعدنى فى عمل البيت
فلوسنا بنضعها مع بعض ونأخذ منها وقت ما نحب
اذا كل واحد فينا مامن التانى على حياته وشرفه وبيته واسمه فكيف نخون بعض على مال ليس له اى قيمه
اول حاجه والد زوجى نصحه بها قبل الزواج هو الا يخبر زوجته عن مرتبه او معاه كام او اى حاجه وشوية كلام مثل ذلك
واول حاجه نصحنى بها المقربون من اهلى الى تقدرى تحوشيه حوشيه دا الرجاله ملهاش امان وكلام مثل ذلك
المهم علشان مش اطول عليكم حسيت انى داخله معركه مش جواز المهم تزوجت انا وزوجى عن قصة حب كبيره والحمد لله بعد الزواج بحوالى شهرين قلت له كل ما سمعته من نصائح من اصدقائى وهو قال لى ما سمعه من نصائح من اصدقائه وفضلنا نضحك المهم
قلنا هنعمل ايه ؟؟
قال لى انا مش عايز اعيش مع زوجتى وانا مخبى عنها حاجه او خايف اعرفها حاجه اذا كنت انا مأمنك على اسمى وشرفى مش هنأمن بعض على شوية فلوس المهم انا كنت مدرسه وهو محاسب
كل حاجه مع بعض محدش مدارى حاجه عن التانى والحمد لله محدش فينا بخيل كان هوه مره يبقه مسؤل عن المصروف ويدير الشهر وانا مره ولما كانت الميزانيه تخرب نجلس مع بعض ونشوف الخلل فين ونحاول اصلاحه
عارفين الفتره دى تقريبا مكنش فى اى مشكله بتحصل بينا بسبب الفلوس والمصاريف زى ما كنت بسمع من البعض والسبب فى كده صراحتنا لبعض وحبنا ايضا
فهو عامل اساسى فى الموضوع واهم حاجه الثقه وان الزوجه تكون على قدر المسؤليه وان تعرف انها امينه على فلوس زوجها وكل ما يمتلكه
ولا يحق لها التصرف فى شيئ الا بعد الرجوع له من هنا تكتسب الزوجه ثقة زوجها من ناحية المال الذى هو مشكلة المشاكل الان
يمكن الان علاقتى متوتره انا وزوجى بسبب مشكله كنت عرضتها هنا وهى الحمد لله خلصت بس انا لسه متاثره منها نفسيا شويه والحمد لله على كل شيئ
انفاق الزوجه على البيت هى التى تقرره لانه ليس فرضا عليها وان قررت ان تساعد زوجها من اجل زوجها وبيتها بسبب ظروف الحياه فلا عيب فى ذلك ويجب ان تفعله بحب ويجب ان يقدر الزوج ذلك لانها تقوم بشيئ زائد على واجبها
السر هنا يكمن فى حب بعضهما لبعض وتقدير كل منهما للثانى وان يتقوا الله فى بعض
المرأه تستطيع ان تنحت فى الصخر اذا وجدت الحب والتقدير والحنان
الروابط المفضلة