فكره سهله تساعدك في ترتيب الحجرات ** امال رفقي ***

[omosama78@]

جزاكى الله خيرا اختى امال انا عضوة جديدة واول مرة ادخل بس كنت بقرلك من زمان وربنا يبارك مجهودك ويعطكى الصحة والعافية

[ebtesam24]

السلام عليكم
شكرا على الموضوع القيم
وانا بعد اذنكم ممكن اضيف معلومه بالنسبه لعطر الحمام ممكن نجيب نفتالين و نكسره و نحط عليه فانليا يا سلام رائحه فى الحمام جميله و شكرا و نتمنى من مدام امال متابعه الموضوع الشيق

[الفن الراقي]

موضوع راااااااااااائع

جزاك الله كل خير

[مملكه سبأ]

[gabygab2000]

برافووووووووووووو عليكي ربنا يحفظك و يبارك لك

[ذارفة دموع]

[منار وبس]

عيوني

مشكوووووره فتحت نفسي لترتيب بعد ما كنت احس ترتيبه يدووووووووووخ

[امال رفقي]

السلام عليكم
شرط من شروط نجاح التنظيم والترتيب
انك بتعمليه بحب
ومع تنظيم المجهود هتكوني باذن الله شاطره ويضرب بيكي المثل في النظام والترتيب

ان شاء الله حضروا نفسكم معايا هنرتب النيش وادراجه

وماذا نضع في النيش وازاي نلمع النيش فانتظروني

[امال رفقي]

(( طريقه ترتيب النيش ))

اهلا بيكم ياعرايس المنتدي طريقة ترتيب نيش السفرة
طبعا كل عروسة بتفرش النيش بتاعها بتبقى محتارة تفرشه ازاي؟

ازاي مايبقاش تقليدي؟

انا هديلكم شوية نصايح يارب تفيدكم

بس الاول اعرفو النيش لان اكيد في كتير من الاخوات مايعرفوش يعني ايه نيش
لان الاسامي بتختلف من بلد لبلد
النيش ده عبارة عن دولاب ب2 ضلفه او 4 ضلفه حسب حجمه
بيبقى الوش بتاعه زجاج والجوانب زجاج والظهر خشب
لكن فيه مرايه عشان يعكس الضوء
وده بيترص فيه طقم الصيني واطقم الشاي والقهوة والكاسات ....وهكذا
ودي صورته

نبدأ بقى طريقه فرشه
بسم الله
اولا طبعا لازم تفرشي بالمفارش اللي تبع مفرش السفرة
بيكون في مفارش مربعة صغيرة بتحطيه ويكون نازل منه جزء على شكل مثلث وطبعا بيكون المثلث ده مطرز
بتفرشيه في الوش وفي الجوانب كمان عشان تدي شكل جميل
ودي صورة للتوضيح طبعا

ثانيا ترتيب الاطقم
حاولي وانتي بتشتري الاطقم متجبيش الوان كتير
يعني بلاش يبقى النيش عبارة عن كرنفال الوان عشان ميزغللش العين
وكمان هتلاقي صعوبه في تنسيقة خصوصا لو المفرش لونه مش لايق مع الطقم
يعني حاولي يبقى الاطقم على قد ماتقدري لون واحد او لونين بالكتير
يعني لو ذهبي يبقى الكاسات فيها خطوط او رسومات دهبي وممكن يكون طقم الشاي على لون عسلي يعني حاولي يبقى الالوان ماشيه مع بعض وطبعا المفارش تكون ذهبي فاتح او بيج
ولو عايزة تكون حاجتك على فضي يبقى دي سهله بالنسبالك ممكن تحطي لون تاني زي الاحمر او الاخضر او الازرق وده هيديكي انعكاس جميل جدا
زي النيش ده عبارة عن لونين فضي وابيض مع احمر.

طريقة الترتيب بقى طبعا الكاسات واطقم الشربات بيبقوا لوحدهم وترصيهم بشكل جميل لكن بلاش تبالغي وتكتري في الحاجه عشان جمال الاطقم هتروح

وطبعا طقم الشاي بترص كله وبيكون البراد في النص وحواليه الفناجين وبيكون وراه سيرفيس مدور او بيضاوي زي ماتحبي ويكون واقف وراه يعني ساند على خلفيه النيش وممكن كمان تحطي حواليهم فناجين القوة اللي تبع طقم الصيني طبعا عشان يبقو شكل واحد.

واطقم الخشاف بيكون الطبق الكبير في النص وبيتحط جواه الاطباق الصغيرة بشكل مرتب وجميل.
وطبعا بيكون عندك طقم صواني للتقديم بتكون غير اللي بتستخدميها في المطبخ
ودي بتحطيها في الخلف زي السيرفيس كده اللي اتكلمت عنه من شويه.

اما بالنسبه لشنطه الملاعق فليكي حريه الاختيار .
ياما بتفتحيها وتحطيها زي ماهي .
ياما وده الافضل انك تشيلي الملاعق منها وتضعيها في ادراج البوفيه .
طبعا الملاعق بتبقى محطوطه في حاجه كده جوة الشنطه وبتكون لكل واحده مكان مخصص فانتي بتشيليها بيها عشان شكل الملاعق ميبوظش
بالنسبه بقى لباقي طقم الصيني فدول بيترصوا في البوفيه ولو ماعندكيش بوفيه فبترصيهم في النيش من تحت خالص بيكون في مكان متداري
طبعا لان ماينفعش ان الاطباق تبان في النيش

ولو عندك اي اطقم زياده من الكاسات او الشربات او قهوة والنيش اتملا خلاص

فممكن ترصيه جوة البوفيه زي مانتي عايزة .
وممكن تحطي شويه اكسسوارات حوالين الاطقم لكن بلاش تكتري عشان مفيش احلي من البساطه

[امال رفقي]

موديلات النيش الكلاسيك :-

السفرة الكلاسيك بتكون بحجم كبير تحتاج مساحة كبيرة لضخامة القطع الخاصة بها
ونيش السفرة الكلاسيك بيكون 4 درف

2 من الدرف بحجم كبير

نيش السفرة المودرن
فى السفرة المودرن النيش يكون بحجم صغير

والكثير من السفرة المودرن لا تحتوى على نيش بل تحتوى على ارفف تقوم بنفس الغرض لانها صممت للمساحات الصغيرة

ممكن نيش صغير

احدث حاجة فى السفرة المودرن النيش الكامل للمساحات الكبيرة

نبدء تنظيم النيش مع بعض

عند ترتيب النيش نحتاج الاتى

مفارش النيش

مفارش صغيرة توضع عليها الاشياء اشكالها عديدة منها الكروشية
و القماش المطرز
والأورجنزةالمطرزالموضة)

و السرمة:-
يجب الا تكون ناعمة فتسقط الاشياء
يمنع المفارش الحرير والستان

يجب ان يكون لون المفارش يناسب لوم النيش

ظبطى عدد المفارش على عدد الارفف لو الرف عريض ضعى 3مفارش وعلي حسب كمان حجم المفرش