السلام عليكم
دي اول مشاركه ليا هنا واللي شجعني علي كده اني محتاجه رأيك جدا يا مدام ام فري وشجعني اني اشترك اني تصفحت مواضيعك فحسيت انك انشاء الله هتنقذيني
انا عندي 25 سنه وانشاء الله فرحي بعد شهور وعايزه اختار لون العفش انا شوفت موضوع حضرتك وعرفت الفرق بين المودرن والاستيل وعفشي انشاء الله هيكون اوضة نوم وانتريه وصفره واوضة صغيره عايزه اعمل فيها سرير لاني من الزقازيق وهتجوز في المنصوره يعني ممكن حد ييجي يبات عندي وكده
فعايزه لها افكار المهم انا دلوقت عايزه الوان العفش لاوضة النوم وللصفره الوان الخشب
اللي بشوفه البني والاحمر البني والنبيتي والزيتي بس انا بحب التغيير مش بحب الحاجه التقليديه
مع العلم ان الشقه بيج وانشاء الله ناويه اغير شوية الوان بسيطه في الاوض وبقترح ان الانتريه يكون فيه حيطه اورانج غامق اللي هو بين الاورانج وبين الخوخي
اتمني تديلي نصايحك في اختيار لون العفش بسرعه ارجوكي
شكرا مقدما وجزاكم الله خير علي اراءكم
كتبت بواسطة برضه زملكاويه
الروابط المفضلة