ازيك يا هنوده تسلمى على المعلومات دى بس كنت عاوزه حل للرؤؤس السودا مش عارفه حلها ايه برغم كل اسبوع بعمل حمام بخار
للبحث في شبكة لكِ النسائية:
|
ازيك يا هنوده تسلمى على المعلومات دى بس كنت عاوزه حل للرؤؤس السودا مش عارفه حلها ايه برغم كل اسبوع بعمل حمام بخار
نودى .. الف مبروك يا جميل ع الجزء الجديد .. ويارب ان شاء الله يكون ناجح زى اللى قبله
حبيت امسى عليكى ياقمر ومنتظراكى دايما ف مواضيعك اللى بتتكلمى عنها
ازيك يا جميل ؟؟ بصى حبيبى انا كان عندى روؤس السودا ظهرت عندى فجاة والحمد لله قلت دلوقتى خالص كنت بعمل حمام بخار فى البيت مرة فى الاسبوع واوقات مرتين وبعد ما اخلصه اعمل سكرب للوجه ملح + ليمون واركز على الانف وانشف وشى واجيب فوطة و اضغط بصبعى السبابة على الرؤس واحدة واحدة
فعلا مع كذا مرة قلت وقربت تنتهى عندى اتبقى كام واحدة مش حاسيبها كمان ممكن تجيبى غسول كلين اند كلير للرؤس السوداء بستخدمة بقطنة وامسح بيه الانف يعنى مرة فى الاسبوع مجرد بس نوع من تطهير منطقة من دهون لان الرؤس السودا اصلا سببها ان مسام كانت مفتوحة بقى فيها دهون وامتلت بيها ولما اتاكسدت الدهون اتحولت للون الاسود ..
كمان هاتى غسول مناسب لبشرتك عشان الصيف كتر الدهون والعرق والشمس والتراب بيزود انا بستخدم غسول نيفيا ميلك للبشرة العادية حلو وخفيف وان شاء الله حتروح الرؤس بس استمرى على طريقة ديه
هنودة الف مبرووووووووك على الجزء الخامس ويارب يجازيكى كل خير على المجهود الرائع والنصائح الجميله اللى بتقوليهالنا
انتى بجد المفروض تاخدى جايزة احسن موضوع اتعمل على مستوى المنتديات كلها دى اقل حاجه تستاهليها بجد
انا فى حاجه مضايقانى وياريت الاقيلها حل عندك انا بحس ان عندى فى رجلى ساق اتخن من ساق بس ماما واختى بيقولولى مش انها مش باينه بس انا متضايقه منها ياترى دى ممكن تتحل بالرياضه ولو ممكن قوليلى ياهنودة على تمارين دى شكل حلو للساق
أزيك يا هنووودة ليه تداخل بسيط فى الموضوع ده انا النهاردة بالصدفة دخلت
محل كبير فى وسط البلد ولقيت حاجة اسمها nose strips لازاله الرؤؤس السوداء من على الأنف بصفة خاصة هى عبارة عن حاجة حوالى 3سم بتتحط على الانف
هى كانت من شركة أولاى ممكن تستخدميها .....وكمان بجد غسول كلين اند كلير
جميل جدااا عن تجربة بس انا النهاردة لقيت واحد من نفس الشركة مكتوب عليها غسول للتقشير اليومى جربتيه ده يا هنووودة انا عايزة اجربه بدل اللى انا كنت بستخدمه عامة هجربه واقولك عليه وحاجة تانية ايه رأيك فى مزيل المكياج بتاع
جونسون ولا اجيب من أوريفليم واسفة طولت عليكى
ازيك يا هنوده
عندى كام سؤال
بالنسبه للمنطقة الحساسه انا الحمد لله اتعودت انى استخدم السويت بس بعدها بيوم بحس زى ميكون مكان الشعر بارز مش عارفه ليه وكمان لونها غامق ايه ممكن يفتح لونها؟؟ انا بلاقى خلطات ختيره بس محتاره بينها يا ريت تقوليلى ايه احسن حاجه
تانى حاجه منطقة الابط برده لونها غامق وجربت الليمون بس معملش حاجه والدكتور ادانى كريم برده محسيتش ان فيى فرق
اخر حاجه وشى اللى مش عارفاله حل كل الكريمات المرطبه بتخليه زى ميكون مزيت ومفيش غسول نافع معايا جربت جونسون وكلين اند كلير ونيوتروجينيا وكلهم بينشفوا بشرتى جدا
فى الفترة اللى فاتت بدات اشرب ميه كتير فوشى اتحسن شويه من نحيه الاشف بس برضه محتاج حاجه ترطبه
معلش يا حبيبتى طولت عليكى
هنوووووووودى ازيك حبيبى وحشانى كتير ما شاءالله عليكى يا نودى دايما يارب تكونى متميزة بكلامك الجميل وحسن خلقك الى باين من اهتمامك بالى حواليكى وكتر خيرك بجد انك مستمرة معانا ومستحمله كل الاسئلة دى ربنا يجعله فى ميزان حسناتك ...بس انا زعلانة يانودى عشان انتى مش حطيتى فى موضوع الرياضة تمارين للارداف زى ماحطيتى للبطن عارفة انك مشغولة لكن احنادايما طمعانين فى كرمك ياجميل... وعندى يانودة مشكلة مجننانى وهى شعرى اه من شعرى هو عادى لاناعم حرير ولاخشن سلك وسط الحمد لله بس فى الشتا حاجة وفى الصيف حاجة تانية خالص فى الشتا يادوب اغسله واحط زيت بس وخلاص من غير حمامك كريم ولازيت ولا اى حاجة ولفه بيبقى الحمدلله 100 :100 لكن الصيف بعيد عنك مهما اعمله حمام زيت كريم الفه مفيش فايدة وعلى طول هايش ومقصف واللف مش بينفع مش بيجيب نتيجة ولونه بهتان ومجعد ومن قدام مقصف كتييييييييير وانا بستعمل بانتين باللبن وزيت زيتون ومش عارف اعمل ايه جننى والله عملى عقدة كانى فى الصيف واحدة غيرالى فى الشتا يارب الاقى عندك حل ياقمر ومتزهقيش منى ؟؟؟؟؟؟؟
معلش يانودى سؤال كمان طمع بئه بصراحة انتى جوبتينى عليه قبل كده لكن معلش عشان خاطرى استحملى غبائى واهو كله بثوابه سكرب ملح+ليمون انا جبت ملح وبصراحة ناعم بتاع الاكل معرفش صح ولا غلط وحطيت عليه ليمون اكتر من الملح بس المح مش رضى يدوب يعنى فى ملح مش سائل مايه وبعدين غسلت ايدى وجيت اعمله حسيت ان ايدى احمرت شويه وحرقتنى شوية فقلت لا اسال اهل العلم احسن ولو هو لازم يبقى سائل خالص احط عادى ويتشربه الجسم وافرك ولا ايه هوسؤال عامل زى الى فى الروضة لكن انتى عسل وهتجوبينى
الروابط المفضلة