ركن الاكلات المصرية...

[meshmesh_2005]

ايه يا جماعة الحلاوة ديه ....ديه ولا حلاوة الرشيدي الميزان
والله انا خلاص شوية كده وهاجمعكم كلكم عندي ولا حتي في اي مكان قريب علشان اشوف الركن اللي زي العسل ده .... وبعدين ايه بقي عندنا كل التخصصات ...هندسة وقانون .....يعني هنبني وهندافع .... انا بقي تربية قسم انجليزي يعني في الخددمة انتوا بس قولوا يا مدارس وانا هابقي ازاكر لكم .....
مريومة يااحلي مريومة...انا فعلا مكنتش اعرف طحين يعني ايه ولما ترد عليا كنت مكسوفة قوي لانها طلعت حاجة سهلة قوي ووقتها قلت مش هسال تاني ...علي فكرة طريقة البشاميل عندك جميلة انا كده مقتنعة بيها..انا اصلا من مشجعي فريق الجبنة الرومي..وبخصوص الشئالغريب الي طلع اعشاب كويس انه مش ضروري ربنا يحميكي يا مريومة وصدقيني طلعت مي تلقائيا من غير ما افكر

[meshmesh_2005]

بنبونة يا احلي سكرة
انتي منورة الركن بوصفاتك كل وصفة احلي من اختها ..حد يقدر يقول علي دروسك ولا سنانك صعبة احنا نقدر بردك نقول كده..كل الحكاية ان اختك خايبة فهمت غلط شوية ..لكن بعد كده فهمت يبقي العيب مش من المعلم لكن من المتعلم(معلشي بقي خريجة تربية) ...عارفة يا بنبونة انتي تستاهلي جايزة خليتي مريومة تستغني عن اسمها الصعب وتظهر باللحقيقة
بنبونة ربنا يخليكي لينا وتمدينا بكل الاكل الجديد وبالسكر كمان ......اصل انا ماما مفتشةتموين يعني مسؤلة عنه احنا في الخدمة
بس انا مش سمعت عن مرقة النيل ديه حد يقول لنا عليها

[meshmesh_2005]

عبير شدي حيلك معانا عاوزين احلي اطباق رمضان داخل واختك عايزةتعلم الطبخ انا خلاص خلصت دراسة قوليلي موضوع البقسماط ده كويس بينفع؟؟

[meshmesh_2005]

شوفوا يا جماعة احنا كده عملنا رز كويس قوي وعملنا مكرونة بالشاميل ....فلو مفيش حد مجهز اكله ما يبقي ياريت نعمل اللحمة العادية المسلوقة معلش هي اكيد سهلة بس بردك نشوف افكار جيدية مستنياكم كلكم

[فى فى]

السلام عليكم ورحمة الله وبركاته انا عضوه جديده هنا فى المنتدى و انا سعيده جدا بوجودى معكم و سعيده اكتر بالركن المصرى لانى اخيرا لقيت بنات مصريات زى العسل ممكن اتكلم معاهم انا مصريه زيكو لاكن مقيمه فى السعوديه و انتو دمكم خفيف قوى و طريقتكم لذيذه فى الكلام و انا نفسى اتعرف عليكو و ممكن اسالكو سؤال انا نفسى اعمل ممبار بس انا ماعرفش اغسله ازاى و لا اعرف احشيه و لو حد فيكو يعرف ياريت يقولى على الطريقه و شكرا جزيلا لكم يا بنات مصر يا حلوييييييييين

[meshmesh_2005]

السلام عليكم ورحمة الله
اهلا بيكي يا في في زيدتي ركننا نور ...بصراحة البنات مش مقصرين في حاجة وانشاءالله اكيد هتلاقي كل الي انتي عايزاة هنا...انا برحب بيكي مرة تانية وديه اخر مرة عارفة ليه بقي؟؟؟علشان انتي هتوعديني بعد كده انك هتبقي عضوة معانا هنا فيالركن يعني مش هتغيبي عننا صح؟؟ بالنسبة لردودنا صدقيني لوقلتلك انها بتبقي ردود تلقائية ومش بتكلف ابدا ...طالعة من القلب عشلان كده يتوصل بسرعة
بالنسبة يا ستي للمبار ....انا هاقولك علي قد ما اناعارة وعندك اختنا مريومة وبنبونة وعبير كلهم اكيد هتلاقي عندهم الي انتيعايزة انا هنا بس بانظم المرور (هههههههههه) لا يعني مش كده بس لكن باحاول اقول الي اعرفه ولو تحبي بكرة انشاءالله هسالك ماما
المهم يا ستي ...بتجيبي الممبار احنا بنجيب نص كيلو مش كتير بيطلع قولي مثلا ست او سبع حلقات ........بتقلبيه ...يعني بتخلي اللي جوا برة والي برة جوا زي ما تكوني مثلا جايبة تيشرت وتجيبيه علي وشة او ضهرة(اناباقول لك بالتفصيل المهم اهو لحسن يكون عقبالماالكلام يقعد للصبح يكون خلص منه حاجة ولا وقع منه شوية في السكة) وتمسكي السكينة وهاقو للك لفظ مصري اصيل (سامحيني بس للاسف مش لاقيه كلمه تسعفني تكون لغة عريبة تساوي المعني ....تكحتيه بالسكينة بس بالرح يعني مش تقطعيه...) اني بس بتحاولي لو فيه دهن زيادة تشيله بيكون في جنب الممبار وبعد كده بتشيلي سائل لزج كده شوية بالسكينة وبعد كده وده الي ماما بتعمله بنغسله بصابون من غير ريحة صابون سايل منغير ريحة بنغسلة وبنشطفه بالمية علشان يبقي نوعا ما كويس ومش يجيب اي امراض....وبعد كده يا في في بنعمل ايه ؟؟؟ استني هافتكر لك
اه ..........بنحشيه بالخلطة (اللي هي رز + طماطم معصورة ووحبيين او حباة طماطم مبشورة بالمبشرة+ بقدونس وشبت +معلقين زيت +طبعا ملح وكمون وشطة ) لما بنتحشية بتسلقيه شوية وبعد كده بتحمرية وبيطلع جميل قوي وخصوصا لوحامي شوية
اتمني اني اكون فيدتك ولو بنسبة بسيطة..وانشاءالله بكرة الكل هيفيدك ..يارب ترجعي مصر بالسلامة انشاءالله

[فى فى]

حبيبتى مشمشه انا سعيده بالتعرف عليكى جدا و على الاخوات المصريات فى هذا الركن و ان شاء الله دى مش حتكون اخر مره دى البدايه و انتى دمك زى العسل و السكر بالنسبه لطريقه الممبار انا حجربها و حقولك النتيجه و ربنا يسهل و تطلع حلوه بس طبعا مش حتطلع زى اللى مامتك بتعملها تسلم ايديها

[assoula]

انا كمان من مصر ولاحظت انكوا ماعنكوش اكل مسبك عشان كده انا شاطرة اوى اوى فى المسبك

طاجن البامية باالحم الضانى
1/2 ك بامية رومى اوى بلدى او كيس بامية مجمدة
4 حبات طماطم فى الخلاط
3 ملاعق صغيرة ملح
فلفل اسود
ثوم
بصلة مفرومة
زبدة 3ملعقة كبيرة
لحم ضانى او كندوز
الطريقة
يحمر البصلة فى الزبدة الى ان تصبح بيضاء ثم يضاف اليها اللحم الى ان يتغير لونه ىدون ان يحمر
ثم تضاف الطماطم المصفاة وكل شوية تضعى ماء ساخن الى ان يتم نضج اللحم
بعد ذلك نضع البامية والملح الى ان تنضج ثم نهرس 3 فصوص ثوم ونضع عليهم الفلفل الاسود ونضعها على البامية وبعد 3 دقائق نغلق النار

على فكرة اللى حاتعمل الطريقة دى حاتدعيلى لانها بتخلى البامية تجنن
وانا كمان مع الطماطم بحط قرن فلفل اخضر حار عشان تكون حامية
وبالهنا والشفا

[جريحه الحب]

السلام عليكم ورحمه الله وبركاته

ايـــــــــه الحلاوده دى كلها يا بنات
مفيش جبنه ؟
مشمووووووشه ازيك يا قمرى الله يسعدك يا غاليه وتبقى استاذه بس انا خلاص تطمن عليكى من وصفه الممبار وخصوصا موضوع غسله بالصابون وشويه كلوركس عشان البياض الناصع ضمنت والحمد لله غسيل معده فى القصر العينى هههههههههه امزح لاتزعلين
بنبــــــــونه يا سكر انتى راح اجرب السكر الغامق ان ئشاء الله واقولك

والغاليه فى فى حياكى معنا بالركن يا قلبوو وان شاء الله تفينا وتستفيدى معنا كمان
اسمعى بالنسبه لطريقه مشمشه فى الممبار هى صحيحه بس انا رايئ انك تصبرى عليه فى موضوع الغسيل لانه يحتاج مجهود وجربى تغسليه مره بالملح الخشن او العادى وتتركيه 10 دقائق بعدين تشطفيه وترجعى تغسليه بالخل وتتركيه 10 دقائق وتشطفى واخر مره تغسليه بالخل وعصير الليمون وتتركيه شويه واظن راح يكون تخلص من كل اللزوجه الى فيه والريحه

فـــــــــــى فـــــــــى بماانك مقيمه بالمملكه ابى اسالك عن الجريش اكيد سمعتى عنه تعتقدى موجود فى مصر منه

ضيفتنا assoula نورتى يا غاليه الركن وتسلم ايدك على الباميه لاتقلقى راح تلاقى كل الاصناف المسبكه والنى فى نى كمان بس احنا ماشين خطوه خطوه يعنى نخلص من اطباق الارز ندخل فى صنف غيره لحد مانجمع كل الوصفات الخاصه فيه

[جريحه الحب]

يا بنات اصحوا بقـئه كفايه نوم
قاعده اطبخ لوحدى طيب اوريكم
اليوم نبغى نقفل موضوع الارز لانه طول معانا شويه اذا حد عنده اى وصفه للارز يضيفها عشان نبداء فى صنف اخر خلاص رمضان قرب