الامهات بتلبسي اولادك ايه؟؟؟؟؟؟؟؟؟؟؟؟؟؟؟؟

[logee 33]

هههههههههه حلوه عنستوا دي مروه
صحيح يا مروه ناويه اروح بورسعيد قبل رمضان اغير جو وطبعا اشتري شوية حاجات..ابقي قوليلي على محلات ممكن الاقي شوزات فيها لجوجو سعرها حلو

ولو عارفه محلات مميزه قوليلي عليها والف شكر

[meroo2006]

ام توتة

لبس توتة جميل اوى ما شاء الله والجيب الجينز والصنادل حلوين اوى.........تتهنى بيهم يا رب...........

مروة

الشنطة والشوز بتوع هنا روعة وانا كمان زى هنا بحب اللون الموف جدا ........
كل سنة والكتاكيت طيبين والاطقم بتاعتهم جميلة اوى

لوجى

حاجة جودى جميلة ورقيقة ودايما اخر شياكة............

[ام توتة 2008]

انا مسحت الباقيين اصللى كنت بحمل صور تانية وخفت ميرضاش يحمل عشان انا عضو جديد ههه يمكن عشان كدة مبقوش يظهرو
هبقى اصورهم تانى وانزلهملكم

[ام توتة 2008]

لوجى الطقم بتاع جوجو رقة اووى وهتبقى امورة فى الموف توتة كمان هتلبس الطقم الموف فى العيد هههه

[ام توتة 2008]

بس طبعا اتلبسو واتغسلو

ده طقم قطن عادى كان بدينار ونص


ده سالوبيت من تاب الويا ب 4 دينار فى التخفيضات


ده توب للسلوبيت للاسف ملقتش التوب بتاع السلوبيت فى نفس المحل كان خلص



ودى شوية باندانات جايلنا هدية صراحة ههههه ببلاش يعنى

ام الجيب الجينز والتى شيرت والجزمة كانو من بى اتش اس
وبرضه كان سعرهم لقطة فى السيل
الجيب ب 3 دينار والتى شيرت 2 دينار والجزمة 3 دينار

ملحوظة : الدينار البحرينى ب 15 مصرى حولو انتو بقى عشان انا بليدة فى الحسااب


الصنادل بقى لقتها فى محل ادوات منزلية مشهور هنا اسمه رامز ههههه بعد ما لفيت محلات الاطفال كلها
والواحد بدينار ونص

[مروة ابراهيم]

بعد ما كتبت رد طويل عريض اتمسح
بصى يا رورو الجزم فيه محلين بروحهم الاول كلرز ده جنب حلوانى العروسه فى شارع 23 يوليو ده ممتاز رنجه 80 و ممكن اقل لو عجبك حاه من بتوع السنه اللى فاتت و بضاعته حلوه و متينه و كمان التانى اسمه نيمو ده و انت ماشيه على رصيف وست جينز و ظهرك لجامع السلام هتلاقيه على ايدك اليمين محل كبير و رائع و حاجته اجنبى فيه كل حاجه للبيبى و لبسه غالى ممكن الفستان يوصل ل 400 جنيه بس انا رحتله الاسبوع اللى فات لقيته عامل تخفيض لحد 50% وعجبنى فستان لهنا هايوصل ل 60 جنيه بس كنت نازله لجزمه المدرسه المره الجايه هاشوف الفستان ده و عندك للبس محل اسمه بينك فلاى فرعين الاتنين فى التلاتينى واحد فى اوله ناحيه المعديه و التانى فى النص ده برضه فى الاوكازيون بتكون اسعاره مقبوله و حاجته اجنبى كمان محل اسمه بوبولى فى النورس بيجيب حاجات انجليزى و فى الاوكازيون بينززل برضه الاسعار و عنده جزم برضه بس ماروحتش من زمان كمان محل فى مرحبا فوق الفار اسمه سباى كيدز ده المانى برضه بس ماروحتلوش عشان بيبقى غالى جدا اول الموسم و دلوقت انا مش محتاجه لبس خروج و لو افتكرت حاجه تانيه هاقولك

[مروة ابراهيم]

روعه على فكره الهدوم بتاعت جودى دى زى العسل

[om belal]

لوجيييييي ماشاء الله هدوووووووووم جودييي شيكك مووووووووت ولله توحفه كل سنه و هي طيبه مقدما هههه عيزه انزل لبس بلال بقه بس عندي ازمه في موزر كير نسيوا يشيلوا البتاع البلستيك البيكون في الهدوم ف عيزه اروح يشيلوه و المشكله انه كان في كارفور المعادي ف ان شاء الله اروح يوم الجمعه و انزلكم اللبس انا بس بشوقم :]

[logee 33]

شكرا يا مرمر على تعبك..واستفدت من ردك كثيير ربنا يسهل واتوفق هناك في حاجات حلوه
انا خلاص الحمد لله الصيف ده جودي عندها هدوم كفايه
ممكن لو لقيت حاجه لقطه قوي اجبها كبيره
بس كلهم قالوا متكتريش الكبير لان مش عارفه جسمها لما تبقى الصيف الجاي سنه ونص باذن الله هتبقى اد ايه
ربنا يسهل في الجزم لان في القاهره غاليه اوي لو حاجه شيك


ميرو شكرا يا حبيبتي
من ذوقك ربنا يخلي الكتاكيت

ام توته
حاجات توته سكر اوي وشيك وشكلك اروبه في الشرا ما شاء الله
متنسيش تنزلي اللبس اللي فات
مبروك على توته وتتهنى بيهم
يارب

ام بلال حصل معايا برضه في مذركير نسيوه في تي شيرت جوجو بس جوزي بدل ما نرجع كارفور شاله بمفك
مبروك على بلال مقدما وكل سنه وهو طيب

[logee 33]

ده طقم جوجو بتاع العيد ان شاء الله
من نكيست بتاع السعوديه ماما كانت في العمره جابته لها
3 تي شيرت مع بعض
و2 شورت مع بعض

وانا جبت لها فستان من مذركير
والشوزات بكره انزلها

ده طقم جوجو وده الصندل الي جبته يليق عليه
بس كبير شويه في العيد ان شاء الله يبقى حلو عليها باذن الله