ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الثاني ^^

[العجولة]

أرنوسه مشاءالله رووووووووووعه خلاص هذي ليا اليوم خاطري فيها

[التا ئبه لله]

السلا م عليكم كيف خالك يا نوسه تى صحيتى على التوصيح على االعموم تشبه التر ا يفل هلبه ان شاء الله مطرح ما يسرى يمرى هههه يتسبه لفطور ى اليوم بريانى على طريقة فتا فيت او شربة عدس او كفتة اللحم اوكفتة دجاج ليا محسوب اوخيتك ما تا كلش فى اللحم او مبطن او بريك بعجينة الباف وسلاطه عربيه وسلاطه مشويه تقدرى تقولى فطور زمنى هههه والله ايوم بس زمنى لانى تعبانه شويه وانتى يا حلوه شن فطوركم

[hananlibya]

السلام عليكم و رحمة الله و باركاته

و الله لو نقوللكم تضحكوا عليا هالرد نكتب فيه من الصبح خخخخخخخخخخخ لاني غايبة كم يوم و ماشاء الله الردود نقراء فيها بالتفصيص الممل و نرد علي كل وحدة من الرد 20 اتخيلوا هههههه

lola بارك الله فيك اختي و صحة فطوركم

اروى انا لله و ان اليه راجعون بارك الله فيك اللي بلغتينا و هذا يعني انك متابعة معنا بصمت الله يحفظك ياغالية

ماما الاء ماشاء الله جردينا شكلها يسفها الله يحفظك
و طريقة البيتسا الجديدة تعرفي مش عادية نوع من التغيير روووووووووعة
و هناك من يشد يصور حويجة و ايديه مبلولات خخخخخخخخخخخخخخ
و الكنتاكي اندير فيه بالكورن فلكس مع خلطة بهارات و فلفل حااااار بس توة نشوف طريقتك ياقمررررر
حتى اني اول مرة نسمع بالمرقد ههههه شورني اني و كيتي راقدين في العسل هههه
و الف صحة الكانلوني الاخضر يااخضر خخخخخ
و اه علي مخدة الباشا يالاء اتهبل تسلم ايديك دكرتيني بالسنه اللي فاتت طلعت موضة بين البنات هههههههههههه
و بارك الله فيك على شهادتك في اكلاتي ياغزالة و الله شيء يفرح كلامك

اريناس بارك الله فيك عالرد و ان شاء الله حنجربها الفركسي قرريبا

بريكة بارك الله فيك على انك طمنتينا علي ميمي وصليلها سلامي و باركيلها و ان شاء الله تتربى في عزها و الف صحة فطوركم
و بصراحة فطورك يقول تعالوا كولووووني العصبان ماشاء الله اخ ياقلبي مانديرش فيه في رمضان ابعتيلي حصيصتي
و البرياني شكله خفيف امممممم شن هالقصة جوعتيني
ماشاء الله شكل الصوينية تنادي من بعيد يعطيك الصحة

ميلا ماشاء الله فطور يفتح النفس الشعيرية امممممم الف صحة و الحمد لله انه عجباتك الاضرف و الله شهادة نعتز بيها حبيبة الف صحة
و ماشاء الله خبزة الكسكاس تجي في الخاطر و الكتابة على الصور تشتغليها على اي برنامج صور

ام سومة بانتظار الصوررررررر
ماشاء الله سفرة تهبل ربي يزيد و يبارك الف صحة و الحق الضروف ماشاء الله نويزكات الحق
و اللي عجبني الملفوف اممممممم

ام سارة و لايهمك زيدي دقيق علي مسئوليتي و انشاء الله مايصير الا كل خير
و بالنسبة للكلير حبيبتي ماجاكش منفخ يمكن خطاء بطريقة الخبز لانه يبي لابد يقعد بالفرن فترة لاباس بيها و لما يطيب ما اطلعيشي من الفرن لا بالعكس طفي الفرن و خليه ليين يبرد تقريبا
و بالنسبة للكريم كراميل ممكن خرب منك لانه يبي حليب الحكة المركز يجي احسن و شاد بعضه افضل من انك تستعملي حليب الباكوات يكون خفيف
و ماشاء الله الفطاير عجبتني هلبة تسلم ايديك
ماشاء الله صواني تهبل ربي يديمك من نعيمه و ربي يحفظلك عزوزتك

هندة بارك الله فيك ياغالية و الله كلامك بيخجلني و البركة فيكم كلكم ماشاء الله عليكم ترفعوا الراس و بالنسبة للكباب انتظري تطبيقي بس مش توة لانني درته الايام اللي فاتت بطريقتي خلي نفوت شوية ايامات و نعاوده بطريقتك

ام السنفور ههههههه ضحكتيني صار كله كبير في كبير عندكم ياساتر الزتون كيف كبره زعمة هههههه غير ماتقوليش حجم الدلاع خخخخخخخخخخخخ
صار العيلة كلهم جربوه بلح الشام خخخخ الف صحة
ماشاء الله سفرة عامرة ياحبيبة اه من البكبوكي خااااطري فيه بس الشنبير مايفضلاش في رمضان

عود قرفة بارك الله فيك حبيبة و صحيتي على الكلام الحلو زيك

ست الكل بارك الله فيك على التوضيح و طاجين البطاطا كان انقولك قدااااش ليا عليه دكرتيني فيه بس اني خلطة البطاطا نحطلها في بيض باش تتماسك

queen of ice ماشاء الله حلوات حاجات و مبروك علينا انضمامك معنا منورة الف صحة

اريناس بارك الله فيك ياغالية و الف صحة عليكم القزلامة ماشاء الله طالعة نويزكة
بسم الله ماشاء الله عزومة مفتخرة الف صحة حبيبة و ان شاء الله ليكم الاجر جميعا

غيدونا يعطيك الصحة و الهني خلاص عاودي القزلامة و بوريك الاضرف ههههههههه وحدة تمشي في بضاعتها
و ماشاء الله شن طاجين الزعتر توة نشوف الرابط

كيتي ماشاء الله سفر عامرة حبيبة بصراحة حشوة البوريك ماخليتي شيء الا و حطيتيه يعطيك الصحة بتهبليني بنجربها و ربي يستر مفرقعااااات هههههه اني غالبا الحشو اتكون باختصاص يعني لو بالبيض و الجبنة منفردة بروحها و لو بالتن بروحها و لو بالدجاج بروحها طبعا مع الهريسة و الزيتون بس كله مع بعضه هدي صقع حنجربها و ربي يستر هههههههههه لو سمعتي انفجار اعرفيه عندي خخخخخخخخخ
و الصفيحة خدت قلبي شن هالجو لالالالا مانقدرش عليه و لا الجوزة شكله مش عاااادي هدي في المقرر العملي ان شاء الله
و شن هالجوزة اممممم ماشاء الله شكلها بجد رائع بس اللفة اللي من على الاطراف مازال مافهمتهاش كويس هل انلفها زس السويسرول يعني على جهة وحدة من الطرفين و الا كيف لانني شفت رابط حبيبة زوجها القيت بالصورة كأنه في طرفيت عجينة مش واحد
ماشاء الله بلح الشام شكله قنين غير طويل شوية صح خخخخخخخخخ
بالنسبة انه ماجاكش مقرمش عرفتي السبب انك عسلتيه بشرلب سخون و هو سخون مستعجلة حضرتك ههههه
بس نصيحة لكل البنات العسل طيبوه بكمية كبيرة و قيموه للطواري يعني مش لازم اطيبي شربات في كل ما تبي اديري حاجة معسلة
طيبيه و قيميه في فازو بالدولاب يقعد ياسلام

حبيبة زوجها ماشاء الله حويجاتك نازكة تسلم ايديك و يعطيك ربي ماتتمني
و الكب كيك قريب يطلع من الشاشة
ماشاء الله المسخن طالع قنين الف صحة
و بارك الله فيك على طريقة الكبوس شكله واااو

النرجس الغالي هلا فيك غاليتي ديمة منورة ياحبيبة المبلبل بالليبي يعني فلفل احمر و حاررررر هههههههه
و بالنسبة للصور اللي اختفوا تقدري تقري الشرح و اسفة هدا موقع التحميل

نوسة تسلم الايادي اطباق راااائعة
و الاضرف هههه ماعادش اضرف صارلها تحوررررررررررر خخخخخخخخ

ام ياسمين تسلم الايادي علي قولت الكبة امس كنت بنديرها بس مالحقتش و بسبوسة قبل اللوز بصدق من زمان اندور في طريقتها خلاص انتظري اتصااااال زي هداكا الاتصال خخخخخخخخخخخخخخخخخخ و الف صحة عليك البايلا تقصدي صح؟

ام عبد المعز بارك الله فيك و نورتينا

التائبة لله مرحبتين بيك و شوية شوية توة تتعلمي تنزيل الصور و نشوفوا الابداعات و بالنسبة للقوارب ياحبيبة يمكن لانني نسيت نكتب انها تعجن بالزهر او العطر و الله مشكلة توة نحاول نعدلها بالموضوع

العجولة ماشاء الله سفرة عامرة حبيبة ابدعتي بالفعل
و الاضرف ماشاء الله طالعين حلوات
و شن هدا اللي بعود الاسنان؟؟؟اها امبطن جو و الله المبطن هدا سميه لفات المبطن خخخخخ بس بجد طريقة جديدة و شكلها روعه تسلم الايادي

ام عرفة و الله الحال من بعضه حتى حني ماهناك هديكا الماكلة و لما اندير حويجة تقعد ماتتكلش نقول غير تعب بس اللي يفضل و خاصة من المعجنات انحطه بالفريز لاوقات الازمات هههههه

RANNA تسلم ايدك و تقدري تشاركي بالوصف مافيش مشكلة المهم الافادة

ئطة ناعمة سفرة عامبرة ماشاء الله بس لو تصغري الصور حتى نتمكن من شوفتها كويس

ام شدى بالنسبة للضولمة المحشي اني اندير فيه بالفرن الحق يجيك حبة حبة و حلو ستفي خضرتك المحشية و صبي عليهم صلصة الطماطم المحلولة بالميةو فيها الملح و الفلفل و الحرارات و حطي عليهم كاشيك سمن او زيت اللي تبيه و غلفيه بالسلفر و خليه 30 ساعه و بعدين ارفعي السلفر باش يتحمر متاع ربع ساعة و الف صحة

mermeid ماشاء الله سفرة عامرة و شكلها فظيع ربي يبارك فطيرة الكاروهات شكلها حلوة ان شاء الله حتى اني انجربها

[hananlibya]

ماما الاء ماشاء الله الفركسيه بتخليني انديره شكلك خخخخخ
تعرفي المفرش زي متاع اختي كان مانعرفك قلت هي خخخخخخخخخخخخ
و علي سيرة الخبزة عندي راجل يعدي بيها الشربة خخخخخ و اني نعدي بالمعجنات

ام عبد المعز ماشاء الله طريقة الورقة الجلاش حلوة و تحسيها خفيفة

ناني ماشاء الله فطيرة الجلاش شكلها يم يم يم تسلم الايادي

ام ليانة منورة يالغالية مش عارفة عن اي ردود بتحكي بس انتي ادرى باللي هو صح

اريناس هدي ماعادش محلبية غيريلها اسمها خخخخخ و الله كل شيء طالع من ايدك حلو و روعه بارك الله فيك

[أمـ ساره]

السلام عليكم ورحمة الله وبركاته

صحة شربتكم وخياتي

اليوم فطروري

شربة عالعادة وعملت كفتة دجاج فرمت الدجاج مع شوية معدنوس وفلفل حلو وزيتون

وجبنة مبشورة شكلتهم ثم غمستها في البيض والخبز المرحي وعلى القلي طول

وجربت طريقة حبيبة زوجها الله يبارك فيها في الكراوسان

روووووووووووووووووووووووووووووعه

ماشاء الله يجنن حتى سلفي وعزوزتي عجبهم هلبة هلبة

وعملت من نفس العجينة بيتزا طلعت رووووعه

وبوريك بالدحي اممممممممممممم يجنن اول مرة نديره

لكن البركة في وخياتي علموني طريقة سهلة جداً جداَ

وعزوزتي دارت رز بالخلطة خاطرها فيه اليوم


وطبعا للأسف ما لحقت نصور كل شيء يادوب صورة حاجتين

هذا الكراوسان من الفرن



وهذا البوريك اول طرفين درتهم




وسلامتكم

[أمـ ساره]

اهلين وخيتي حنان ليبيا وصحيتي على كلامك الطيب


القزلامة ان شاء الله نجربها مرة ثانية وتنجح معاي خلاص تعلمتها

اما الكلير والله تبعت التعليمات حرفياً وحولت نثقبه من الجناب باش يجي كويس وخليته بالفرن بعد ما طاب شوي لكن ان شاء الله المرات الجاية يجيني احسن

اما الكريم كراميل فمشكلتي في الحليب المكثف مش عارفة وين نلقاه بالضبط واني استعملت حليب الحكة متاع جودي لكن ما جاني كويس
والمرة الجاية ان شاء الله نجربه بالحليب البودرة


ومدام عندي خوات زيكم أكيد ان شاء الله نتعلم وننجح

[التا ئبه لله]

السلام عليكم كيف حالك اختى حنونه كلهم ردايتى عليهم الاانى اهى هىاهى ما عليش مسماحتك ممكن طلب هو كيتى كفت او وفت بخصوص عجينة القوارب كلها اتهسهست بالحشو زعمك ايش السبب العجينه زى عجينى الغريبه و الحلو االقزلامه ما فيهاش بيكنج بودر ما تعجنش لانى خاطرى فيها الله يعطيك ما تتمنى اوخيتى

[حبيبة زوجها2009]

صحة فطوركم يابنات
حنان ليبيا ربى يحفظك ويعطيك الصحة مانسيتى حد من البنات سلم عويناتها يارب
كيتى وينك ياعسل
ابريكة صفايح تهبل تسلم ايدك ياحبيبة
اريناس ماشا ءالله عليك منورة
وكل البنات ماشاء الله منورات

[ام السنفور]

السلام عليكم ورحمة الله وبركاته

صحة شريبتكم وكيف حال كل الحلوات الحبوبات المشتركات في الملف وكيف حال كل الزائرات اللي يتفرجو علينا ومايبوش يشتركو معانا ونشوفو سفيراتهم ونستفيدو من وصفاتهم

بنزلكم صور فطوري اول امس فطرت بروحى الشنبير مهناش رفع فطورة في محافض المهم
فطوري كان رز ابيض وامبطن وخبزة كسكاس والحلو كان قزلامة الله يرزق حنان ان شاء الله بما تتمنى يارب لان شبه اعتمدتها وننصح الكل يجربها

المهم هادى صفيرتي قبل المغرب نحسها شوية هههههههه فجعانه بس يادوب كليت فمين وخلاص





وهادى قهيوتى مش عارف خطرت عليا رونى الحلوة تحب القهوة زي حالاتى وينك يارونى كان تتفرجي علينا خشي سطربي واطلعي




توا هادا فطوري اول امس واستنونى جايتكم بفطور امس واليوم

[اريناس]

حنان الله يسلمك ع الكلام الطيب

وشفتى تطبيقى فى القزلامه امتااعك --- شوفيه وقوليلى رايك بصرررررررررررررراحه

حبيبه زوجهاا الله يسلمك هذاا قليل من ما عندكم يااسمحه

شن وين فطورك اليوم وراهو كل مره نخش نرجى فى سفيرات

ام ---سنفور شن هااا غياب موش ببلاش -------- تعالى ريفناع طالتك


ههههههههههههههههه شكلك فى فم الباب كانتى

صحه فطورك ------ تبيسى يااخذ الخااطر ويشبع الجيعان كيف حالتى تواااااا****************