|
للبحث في شبكة لكِ النسائية:
|
عضو نشيط
السلام عليكم
صحة فطوركم جميعاً
اليوم عمتك ميلا عندها عطلة
درت مجموعة من الملصوقة
ودرت خبزة التنور لام سوما تهبل يابنات جربوها
ام سوما مافيش داعي للتصوير تسلم ايديك ياربي
ودرت فطاير الغيرة لسمراء العرب يهبلوا
ودرت كاروهات ام سوما ثاني مرة
ودرت الظرف لحنونة
ودرت بوريك الدحي جي طيب بالمرة اول مره انديره
ودرت بيتزاء واختي درات محشي براك وعصبان
فطاير الغيرة قصيتها بعد النضج
وهذ خبزة التنور لام سوما
وهذ السفرة من بعيد
عضو نشيط
السلام عليكم ورحمة الله وبركاته
صحة فطوركم وخياتي
ماشاء الله ابداع مستمر ولذيذ
كيتي صحة فطوركم وخيتي ونيالك والله لاهية بالصلاة والعبادة
والله اني اليومين الي فاتوا لاهين بحوايج العيد وأكثر شيء لصغار أختي
هي حامل مسكينة وتاعبة ما تقدر تطلع في هالزحمة والدوشة
ادعولها ربي يتتم حملها على خير وتنوض سالمة يارب
ام سومة ماشاء الله عليك وخيتي وعلى ايدياتك
ربي يباركلك في بنتك وباين عليها فالحة زي أمها ماشاء الله
ربي يخليكم لبعض يارب
ميلا وخيتي ماشاء الله على الابداع كل يوم سفرة عامرة
ومليانة بالخير ربي يدومه عليكم يارب
ويباركلك في ايدياتك ويحفظك ويعطيك ما تتمني
أهلين وخيتي بريكة ليك مدة غاطسة ان شاء الله خير يارب
ماشاء الله عليك وخيتي فرجانية
بديت تفكري للعيد بالله كان لقيتي حاجة جديدة قوليلنا
ومرحبتين بيك معانا
وباقي الأخوات والله مخليين مكانكم واستاحشنا سفركم
وصحة شربتكم كلكم
عضو نشيط
أما فطورنا اليوم فكان متلخبط شوي
وما لحقت نصور حتى حاجة
اليوم جونا خالاتي الـ2 وخالي فطروا عندنا
والفطور كان
طبعا التمر بالبسيسة ضروري في حوش بوي
بيتزا وشربة وبوريك الملصوقة << وخيتكم فرحانة تعلماته >> حشيته باللحم المفروم
وطيبته في الكوشة
ومحشي فلفل وكوسة بالبخار مش في المرقة
وسمك متبل مشوي في الفرن
ورز أبيض بالبطاطا المقلية والبازيلا
ودرنا قهوة بيضاء بعد الفطور
بعدين قهوة عربية مع بسبوسة
وعجنت اني وخالتي الدبلة ان شاء الله بعد شوي نلفها ونقليها
وسلامتكم
النجم الذهبي
السلام عليكم يا بنات
صحة فطوركم
ميلا .... تو نجيبلك يا حبوبة طريقة السمبوسة .. غير المذكرة مش بحداي تبي تاكسي باش نوصلها خخخخخخخ
ابريكه ... بارك الله فيك على الطريقة الحلوة و باين عليها تهبل تهبل ما شاء الله
و نراجي في تصويرها يا حبوبة
و ربنا يتقبل منك يا رب
و يرزقك الله و يرزقنا الذرية الصالحة عن قريب
أم سومة ... مشكورة على الرابط الحلو يا حبوبة
و يا عيني على الكسكسي اللي بخبط و معاه المرقد
صار قلتيلي للسبيتار طول هههههههههههههه
اكيد مادامه امبلبل شن تتوقعي .... بالله كليتوه تحت المكيف و الا شغلتو مكيفات تاورغاء خخخخخخخخخخ
ميلا ... ما شاء الله على الفطور السمح ما شاء الله
كل شيء من ايدياتك روعة روعة يا عطيك الصحة
ربنا يعطيك ما في بالك يا رب
ام ساره .... ربنا يعطيك الصحة على الفطور السمح و يجعله في ميزان حسناتك يا رب
و ان شاء الله تاكلو الدبلة على خير
النجم الذهبي
فطوري اليوم :
للة الصفرة الشربة + بوريك الملصوقة بالبطاطا المسلوقة + عجينة السمبوسة درتها صوابع و حشيتها خضرا و دجاج + جزيراتي الصغينونات
و هذه جزيراتي
النجم البرونزي
السلام عليكم كيف حالكم كلكم فردا فردا الله يتقبل صيامكم وقيامكم وان شاء الله كل عام وانتم الى الله اقرب كيتى يا عسل كيف حالك ان شاء الله ينولك الا فى بالك
النجم الفضي
الله ياكيتي كل سفرة احلى من التانية حبيبتي ربي يرزقك الذرية الصالحة انتي والغالية على قلبي حبيبة زوجها
"مُبدعة صيف 1430هـ ""صاحبة الحضور المتميز بمطبخ لك" صانعة الأطايب
السلام عليكم ورحمة الله وبركاته
صباح الخير صباح النور صباح القزة والشرشور
صباح الانوار والخيرات والليرات على احلى الحلوات
مساؤكم سعيد بهيج على كل الموجودين والغايبين والمشاهدين
والله استاحشتكم
واخيرا تفعل النت في الحوش
ما صدقت ولت العين خضراء جيت جري قلت خلي نمسي تمساية على السريع
طبعا من غير ما نشوف ردود ولا سفرات
وعارفة كل وحدة حاطة خير الخير ويا رب ديما سفركم عامرة وفي خيار الخير
.. { إِنَّ رَبَّكَ لَبِالْمِرْصَادِ }..
النجم الفضي
السلام عليكم ,,,
كيف حالكم وخياتي ,,,
نسرق في شوفتكم مره مره ,,,تبارك الرحمن ربي يعطيكم الصحه
امس درت غريبه زمنيه باللوز ,,,,,اتهبل غدوه ان شاء الله انصورهالكم ونكتبلكم طريقتها ,,,,
ربي يتقبل منا ومنكم ,,,
النجم الفضي
ماشااااااااءالله عليكم
ربى يعطيكم الصحه كلكم
أعضاء قرؤوا هذا الموضوع: 0
الروابط المفضلة