* دورة كاملة في التربية وطرق التعامل مع الطفل 5 أسابيع *

[البشرى]

فكرة الطباعه على البصل والبطاطا راح اجربها ان شاء الله

اليوم السادس من الاسبوع الخامس
اختارو الرسم والتلوين فرشت لهم بساط في حديقة البيت وخليتهم يرسمون ويلونو
وانا جلست ابري الالوان
خااااارج الموضوع ( ما عندكم حل للألوان الي كل اشوي تنكسر
او ما تعرفون براية نوعيتها ممتازةلاني اعاااني من هالموضوع وشكرا )
لونو ورسمو اشكال جميييلة كل واحد على سنه
شجر وورد وبيوت جميلة
ماشاء الله كان عبدالله هادي وماعصب علينا مثل كثير من المرات
كان بمنتهى الرقة ياااارب يديمها من نعمة
خلصو وطلبو مني اعلق رسوماتهم في خزانتي ههههه
ماكان عندي مانع علقتها لهم ورتبنا الالوان وكل شيء رجعناه مكانه
لعبنا شوي في الهواء الطلق ودخلنا البيت وقصيت لهم كم قصة من احد مواقع الاطفال
والحمد لله باقي اعشيهم بعد اشوي وانومهم باذن الله

[إيمان علي]

ولا يهمك أم عبدالله، بتحصل لنا كلنا وبطريقة مزعجة جداً... بتعرفي هذا الموضوع بدأته من شهر قبل تاريخه، وبعد ساعتين عمل، احتفظت فيه طبعاً عن طريق النسخ، بس ما حفظته لأني عادة ما بحفظ المواضيع، فقط بنسخ حتى ألصق في حالة ضياعه، وما أشوف إلا رسالة وصلتني وأخطأت وضغطت على فتحها ففتحت فوق الموضوع وضاااااااااااااااااااااع... وانحرق قلبي وما أعدته إلا بعد شهر



ضحكتيني يا أم سهيل، هذا رنا رح تطلعلي قرون أنا قبلك ههههههههههههههههههههههههههههههههههههههه



يالله يا أم سمية، شدي الهمة، وينك؟

[صدى الأمل]

اليومين الباقيه بنحفظ الاناشيد لانه عندهم حفل ختامي بالروضه فما في وقت لانهم فرحانين بالحفل
بس مارديتي علي هل استخدم العقاب لو ضربو بعض ولا يكرهو بعض
خلاص كده خمس اسابيع خلصت صح

[um bader]

متابعتكم يا بنات و التايم آوت رهيب.

[سراب الليل]

اليوم الاول من الاسبوع الخامس
لعبت مع اولادي بمكعباتهم وبنينا بيت وعملنا له بوابة علشان حمودي يدخل سياراته وعملنا حديقة للبيت وصار حمودي يتخيل ان الحديقة فيها ارانب ودجاج ( اهله عندهم ارانب ودجاج في حديقتهم) ويقول لي ماما صكي الباب علشان ما يطلعون ويقول ماما الارنب بده اكل وجلس يلعب ويقلد الارانب واخته تعمل مثله بعدين كافاته وجلسنا ناكل شوكولاته ومكسرات
اليوم ما احتجت لكرسي العقاب لانه ولله الحمد ما عمل حاجة غلط

[إيمان علي]

صدى الأمل، عفواً يبدو نسيت سؤالك
أول شيء لازم يعرفوا أنه ممنوع مدّ اليد مهما كان السبب، لازم يتعلموا يكلموا بعض.
أنت طبعاً ما تنصري أحد على أحد، روحي ووقفي أمامهم واسألي عن السبب، ووضحي أنه فلان له الحق في هذا والآخر أيضاً له الحق في ذاك، وبعدين كل واحد لوحده أخبريه عن يشعر إنك محترمة مشاعره.
قوليله: أنا عارفة انك متضايق بسبب كذا.. وأنا مكانك بتضايق.. واشرحيله عن الأخوة وفائدتها، وما أصعب الواحد يكون وحيد، وأنه لازم يتقرب لأخيه أكثر واحكيله قصص عن الوحدة، أو قصص عن الأخوة...
والثاني كذلك..
وأخبريهما أنه لازم يقع العقاب إن تكرر هذا الأمر عليهما.
وإن تكرر، بالأول أخبريهما أنك رح تعدي من واحد إلى 2 وإذا ما توقفوا واعتذروا وصافحوا بعضهم، سيحل العقاب.
وإن ما استمرا، لا تترددي في العقاب

مع الاعتذار للأخت رنا خلف، لأنها بتكره كلمة العقاب، تفضل كلمة النتيجة



تمام يا أم بدر


ما أجمل خيال الأطفال يا سراب..

[إيمان علي]

أرجو التوقيع لكل من أنهت الخمسة أسابيع، رجاء باللون الأحمر وفقط اسمك حتى يسهل علي إيجاد الأسماء
سأنقل الأسماء هنا في هذا الرد

* صدى الأمل *
* أم سهيل *
* وسام *

[a&a]

اليوم لسا مالعبنا بس حبيت اكتب عن مشكله ماكنت اعاني منها من زمان
وهي اليوم زي ماذكرت بدأت الصح والخطأ...وانا من زماااان ماسويتها يعني كنت اسويها بس يوم كانت البنت صغيره فكانت الورقه تخص عبدالله فقط
وكنت استخدم معاهم نظام العد ونظام التايم اوت إذا فيه شي كبير ..والحرمان
في الصباح كلمتهم عن موضوع الصح والخطأ...فشويه سمعت عبدالله يقول لاخته انتي هبله ماتفهمين..
.قلت ليه تقول لاختك كذا؟
قال لانها سألت سؤال وهي تعرف الإجابه
طيب انت بعض المرات تسألني سؤال وانت تعرف إجابته(متى بنروح؟واكون قلت الإجابه عشر مرات)
المهم قلت اوكيه الحين راح تاخذ خطأ
الولد عصب وتنرفز وقام شق طرف الورقه...قلتله هذا خطأ ثاني...
قال لا يعني انا عندي اغلاط وعهد لا...وليش وكيف...
المهم قلتله ممكن تنتبه لكلامك وتصرفاتك وبعد كذا ما يتسجل عليك
راح الولد المدرسه...ورجع شاف الاخطاء(يعني انا ماكتبتها في وقتها بس يوم راحو سجلتها)وجلس يبكييييييييي ويصرخ ودمووووووع طيب انا قلت اسف...طيب انا مابعيدها...وانا شلت اغراضي في الدولاب...وصليت يوم رجعت ...ولا تمسحين الغلط؟؟؟
قلتله طيب بما انك سويت هالاشياء بدون ما اقلك ...راح نطلع نتمشى برا انا واياكم...بس الغلط ماراح ينشال..فالحمدلله سكت
لكن المشكله...معقوله راح اجلس في الموال هذا كل ماسوا غلط...هو مشكلته حساس بالمره...والكلمه تأثر فيه فهل من الافضل ما أستعمل معه الأسلوب هذا؟

[ام سهيل]

اليوم الاخير في الاسبوع الخامس وبذلك تنتهي الدورة .

اليوم ابونا راجع من السفر فجهزنا انفسنا وعملنا حلى للضيافة , وعملنا كانه جايين لعندنا ضيوف , المهم فطلبت من سهيل ورنا انهم يغيروا ملابسهم , لكن سهيل صار يأذي اخته وهي تصرخ يا ابني خلاص مافي فايدة فاضطريت اخذه على كرسي العقاب , لكن هذه المرة قفلت باب الغرفة , حتى اخته ماتكلمه وتضحك عليه , المهم بعد مانتهت المشكلة ووقت العقاب , وخلاص كل شيء انتهى وقتها اجى لعندي سهيل وقال راح اقول لك شيء بس لاتزعلي ، قلت له قول , فقال : انا اليوم اخذت كل حسناتك مسكينة فقلت له كيف ؟ قال لما خليتيني اجلس على كرسي العقاب , انا قلت لك شكرا , وقتها سكتت , هو اصلا قبل يومين شرحت له كيف لما احد يغلط معك ايش تعمل وايش تقول فصار الافندي يطبق فيني , وماكان عندي رد له بصراحة .

هذا بصراحة تقرير اليوم ولانه ابونا وصل تعبان فدخل نام من بدري وكمان صغاري فانتهى يومي الاخير على خير .


وانا انتهيت من دورتي



ام سهيل انتهت .

[إيمان علي]

أم عبدالله، كل طفل له طريقة للتعامل معه تؤثر فيه، إن كان ابنك يتأثر بالكلمة وينفذ ما تريدين، فهذه طريقة جيدة، فالطرق لا تعمم كلها على كل الأطفال.
وعندما أخبرك بأنه قام بأعمال جيدة، جميل أنك كافئته، كما أنه كان عليك أن تضعي علامة صح على لوحته بما أنك وضعتِ الخطأ أيضاً
على العموم، نفذي ما تجدينه مناسباً للوصول إلى طفلك.



ههههههههههههههههههههه أم سهيل ضحكني سهيل.. والله بقولك، الدورة هذه شكلهم أولادك عم يقرأوها معك ويطبقوها عليك

مبروك انتهاء الدورة..
ولكن تذكرن أخواتي، هذه الخمسة أسابيع ستكون نظام حياتكن من الآن فصاعداً، انتهاء الدورة لا تعني العودة إلى السابق!! بل الاستمرار في الحاضر... أرجو لمن انتهت من مشوار الخمسة أسابيع أن تستمر في إخبارنا عن تصرفات أطفالها، والمواقف التي مرت بها من تأثير هذه الدورة.