معا نقرأ ونختم القرآن الكريم..مع التدبر والتفسير

[yasmine_ 2006]

ربنا يبارك فيكم يا أخواتى ..و ربنا يعلم أنا أستفدت منكم ومن الصحبة الحلوة دى ازاى

جزاكن الله خيرا كثيرا.. وجعله فى ميزان حسناتكن يارب

[yasmine_ 2006]

معلش يا بنات ...

أعذرونى لدخولى السريع..
أنا الحمد لله وصلت الى سورة الأنعام... هبدأ فيها غدا باذن الله

أستوقفتنى فى سورة النساء.. الآية 176 ..كلمة ..الكلالة؟؟؟

يستفتونك قل الله يفتيكم فى الكلالة.... وبحثت ووجدت باختصار أنه:

لفظ الكلالة يطلق على الميت الذى لا ولد له ولا والد

[yasmine_ 2006]

ولى تكملة عندما يأمر ربى باذن الله

دعواتكن حبيباتى
..............................................

أستودعكم الله

[yasmine_ 2006]

السلام عليكم ورحمة الله وبركاته

...

الحمد لله وبفضل الله يا أخواتى أنتهيت من قراءة سورة الأنعام

وأستوقفتنى هذه الآية..

وَمَا الْحَيَاةُ الدُّنْيَا إِلَّا لَعِبٌ وَلَهْوٌ وَلَلدَّارُ الْآَخِرَةُ خَيْرٌ لِلَّذِينَ يَتَّقُونَ أَفَلَا تَعْقِلُونَ (32)

..

...

فعلا يا أخواتى حياتنا قصيرة جدا مهما طالت ولكننا فى الكثير

من الأوقات ننسى ذلك وتكون الحياة بالنسبة لنا لهو ومضيعة للوقت والجهد بلا فائدة

الحياة مهما طالت فانية لن يبقى لنا منها الا العمل الصالح

الذى ينفعنا وقت لا ينفع أهل ولا جاه ولا مال ولا غيره لن ينفعنا الا

العمل الصالح

هيا بنا معا نعمل عملا صالحا نريد به وجه الله جلا وعلا حتى نرى

النعيم الذى لا يزول باذن الله فى دار الآخرة

.................

أسال الله التوفيق لى ولكم

والسلام عليكم ورحمة الله وبركاته

.................................................. ..

[أم جورى]

ربنا يجازيكم خير يا رب على كل المجهود

وادعولى يا جماعة ان ربنا يثبتنى

قلوبنا بين يد الرحمن يقلبها كيف يشاء

وأسأل الله ان يقلب قلوبنا على دينه

طبعا كل أيات القرأن تخفق لها القلوب

لكن فى أيات معينة بتهز الواحد من جواه

ويقشعر لها البدن

انا الأية اللى كل ما أمر عليها لازم دموعى تسبقنى

هى واذ يرفع ابراهيم القواعد من البيت واسماعيل ربنا تقبل منا انك انت التواب الرحيم
لانها مرتبطة فى ذاكرتى بالكعبة المشرفة

وانا امام مقام سيدنا ابراهيم احسااااااااااااس لا يمكن وصفه أبدااااا

[abeerbebo]

السلام عليكم

معلش يا جماعة انا بعدت يومين كنت مسافرة

بس ليه الكسل يا جماعة فين الواجبات فين تفسير الايات ايه مش بتقراؤو ولااا بتقراؤا ومكسلين تفيدونا معاكم بتفسيرات الايات

والواجبات كسلتم عنها ولا بردو مكسلين تنشطونا معاكم

خدو بالكم يا جماعة موضوع اننا نئول لبعض على الواجبات اليومية مش مجرد اننا بنتكلم

لاااااااااااااااا انتى ممكن تكونى سبب فى انى اصلى او اقرا قران او اسبح او استغفر لما لائكى عملتى كدة او زيدتى عنى فاتنافس واعمل زيك او اكتر
فاتخيلى كمية الحسنات اللى ممكن تجنيها من مجرد انك تدى التمام على علاقتك اليومية بربنا

ماتبخليش على نفسك ولا علينا

وكونى سبب فى انى التزم اكتر واكتر و ثوابى اللى هتخديه عنى هيرجعلك وقت ما تكونى محتجاه اكيد

[الشذى الفواح]

انا هاقول واجباتى كان بئالى يومين كده محبطة ومكسووفة من نفسي لانى مكنتش باصلي الفجر حاضر في معادة بس الحمدلله
الصلوات كانت كلها تمام الا الفجر بس اتزبط وبئالى 3ايام بصليه الحمدلله الحمدلله في معاده
بقيت الصلوات الحمدلله تمام
القران بردو هو يعنى ساعات 4صفح وساعات اكتر حسب عبدالرحمن ماينام كل يطول اشتغل او ساعات وانا برضعه يبئا استغفار مع قران
لو وقت العصر بيرضع اقول ازكار المساء بالمرة
سنن الرواتب شغال الحمدلله
باحفظ بئة حاليا في سورة الاعراف ادعولى اخلصها بسرعة انا ابتديت فيها بس بانسى وارجع تانى

امممممممم ايه تانى بئة؟تفسير القران احاول هادخل بعد كده بس اليومين دول كنت بانشغل شوية بادخل اسلم وامشي بس الجهاز كنت بانساه مفتوح على اى صفحة كنت فاتحاها وامشي ماتخدوش في بالكو توهااااااااااااااان

[abeerbebo]

انا بئى مكسووووووووووووووووفة موت

ومقصرة اليومين اللى فاتو جدا لانى ولظروف عائلية اشغلت وبعدت شوية
وفعلا حسيت بفرق كبير فى نفسيتى رجعت العصبية والقلق والافكار اللى ساعات بتبئى فعلا زى العنكبوت فى الدماغ

بس الحمد لله الدوشة خلصت وهاحاول اكثف علشان اعوض وادعولى

بالنسبة للصلاة مكنتش بصلى لعذر والحمد لله يمكنش لو ماكنش العذر يمكن كنت فرت ماهو زى العقد لما حبة تقع بيجر الباقى فعلا

الاستغفار كان قليل جدا لانى ماكنتش مركزة وكان فيه دوشة حوالية

طبعا مافيش ولا حرف قران

بس معلش ربنا هيقوينى ان شاء الله وارجع تانى واكفر عن اليومين دول وخدو باديا معاكو

[الشذى الفواح]

عبير احنا لازم نشد حيلنا بئة احسن لناس مالقيتناش بندخل كسلو باين عليهم بصي انا حاسة ان احنا نرجع نعمل الجزء الاول متابعة الواجبات لان حتى اودى كانت بتسالنى مابادخلش هناك ولا ايه فقلت يظهر ان الجميع متعود يدخل هناك الجزؤ الاول يقول الواجب فكده متشتتين ونخلى دة بس للورد القرانى ونتمم هنا عليه مع تدبره وتفسير بعض الايات منو
الجزء التانى من في سبيل الله يكون لاضافة الدروس زى الاربعون النووية واسماء الله الحسنى ومتابعة فهمنا للدروس اللى اتحطت اللى مافهمش حاجة يقول كده يعنى

وااخر نعمله للتجويد

انتى ايه رايك دة اقتراحى معرفش يعجبكو ولا ايه ؟؟؟؟؟؟؟؟؟؟؟؟؟؟؟

[abeerbebo]

ماشى يا شوشو انا معاكى منين ماتروحى المهم نشد بعض بجد