¨¨¨°~*§¦§ورشة عمل مفرش طفل وخدادية §¦§*~°¨¨¨

[simsima2009]

ونبدا نخيط الايطار بتاع الخدادية او المفرش
بس خلي مسافة الخياطة قليلة شوية تقريبا 1سم
عشان حجم الرسمة ميتغيرش ولا يصغر


وبعد ما نخيط نقص زوايد القماش
وخلي بالكوا اوعوا تقصوا الرسمة الكروشيه
القماش بس

وبعدين نقلب الرسمة
ودا شكلها من الضهر

ودا من الامام

[simsima2009]

كدا انا خلصت الورشة والحمدلله
واسفة لو حصل مني اي تقصير في الشرح
او في الرد علي الاخوات

وان شاء الله نتقابل في ورشة جديدة

مستنية تطبيقاتكوا عشان نعمل معرض ان شاء الله

[(أسرار)]

سؤال
هل البطانيه نبطنها مثل الخداديه او لالا

[simsima2009]

سؤال
هل البطانيه نبطنها مثل الخداديه او لالا

ايوة يا اسرار البطانية هتتبطن بنفس الطريقة
بس من غيرالسوستة
وكمان هتقفلي المربع كله وتسيبي مسافة 10 سم من غير خياطة
عشان تقلبي البطانية علي وجهها
وبعد كدا تخيطي الجزء الي سبتيه من غير خياطة بغرزة اللفق او سراجة ضيقة

[* أم الأميرة *]

ما شاء الله سمسومة راااااااااااااائعة

يسلمو الأيادي ومستنية خدادية صغنونة لأميرة

[simsima2009]

ما شاء الله سمسومة راااااااااااااائعة

يسلمو الأيادي ومستنية خدادية صغنونة لأميرة

تسلميلي يا ام الاميرة

عنيا لاميرة بس كدا
انا اوصلها الخدادية لحد عندها
ربنا يحميها ويخليهالك يارب

[توتا2011]

سمسه ياريت بس لو طريقه التطريز والخيط اللي هنظرز بيه نوعه ايه ؟
وبجد ربنا يكرمك والله ما قصرتي في اي حاجه خالص في الشرح

[لبنى ام عديا]

اه يا ريت يا سمسمه توضحي طريقة التطريز اكتر

[ميس فلة]

انا جاية وعارفة انى هطرد من على الباب
وليكى حق يا سمسمتى والله بس معلش غصب عنى والله ظروف

هاكلمك النهاردة ان شاء الله

وبالنسبه لسؤال البنات تسمحولى اجاوب بدل سمسمة علشان هى اكيد مشغولة كتير دلوقتى
ديه يا قمرات غرزة الفرع اللى على الشمال



وديه غرزة الحشو



بالنسبة للخيط يا حلوين
ممكن تستخدمى نفس الخيط اللى انتى بتشتغلى بيه بس بالوان اغمق درجة بسيطة من لون الشغل
يعنى لو شغاله بقطن طرزى بقطن ولو شغاله بصوف يبقى صوف
ويا رب اكون عرفت اوصل المعلومة

[ميس فلة]

تطبيقى بقى


طبعا اول مرة فالدنيا ايس كريم على حاجات غريبه ما تخدوش بالكم هههههههههههه

انا داريت غلطة الفيونكة تطريز على فكرة








ده شكل التطريز قريب



وما شاء الله عليكى سمسمتى كانت ورشة رائعة وانتى استاذة اروع
ان شاء الله نتقابل فى الورشة الجايه وابقى اول واحده طبعا ان شاء الله
تسلمى يا رب من كل شر