**جهد ملموس**لكل من تبحث عن أكلة ...تسأل واحنا نجاوب ..باذن الله

[حبيبة زوجها2009]

السلام عليكم اخوتى ممكن طلب

اللوز الشرائح وين ينباع ارجوكم والشكولا الشيبس زى الا قالت عليها

الاخت العاشورى يبيع فيها مش معلبه معجبتنيش انى نيها مغلفه بالك تعرفو وين

اختى التائبة
يعطيك السلامة وخلاص خليتينى فى موقف ايضحك
انى سالت امتع الشاب الى يبيع فى الشوكولاتة فى العاشورى على الشوكلاتةىالتشيس بالكيلو مش امعلبة
قالى ياابلة مافيش مرة جبناها مفتوحة نش نعلبة انبيعو فيها ديما فى باكوات
وتلقيها ياختى ب 4 دينار معلبة باكوها ايهبل نازك

[هندابوبكر]

السلام عليكم لوسمحتو طلب في حلو يدرو فيه الانجليز اسمي SHORTBREADS وموجود حتي في امريكا هو زي الغربية لو اي وحدة تعرف ارجوكم تعطيني الطريقة وشكرا

[حبيبة زوجها2009]

السلام عليكم يابنات رجعت مرة تانية نسال علي الشكولاتة تشيبس ارجوكم وين نلقاها في طرابلس زمان كانو يجيبو فيها بالعماري بحي الاندلس وتوا ماعادش جابوها ارجوكم حتا الفانيليا السائلة لو تعرفو حتي هي وين وشكرا

هند
انا مرة تانية خشيت على خاطرك نبى اناكدلك ان الشوكولاتة التشيبس تلقها فى العاشورى ومعلبة فى باكو
وتمنها ب4 دينار ونص
وطعمتها اتهبلللللللللللللللل
اول ماتخشى للعاشورى فجنب الباب على يدك اليمين فى كشك الشوكلاتة موجودة اليوم امشيت وشريت منها وقلت نبى نتاكد على خاطر سالتينى والاخت التائبة لله لخبطتنى
لكن تاكدت وراح تلقيها

[هندابوبكر]

حبيبة زوجها صحيتي بارك الله فيك ان شاء ربي يعطيك ما تتمني ويجعل في ميزان حسناتك يا ربي

[حبيبة زوجها2009]

حبيبة زوجها صحيتي بارك الله فيك ان شاء ربي يعطيك ما تتمني ويجعل في ميزان حسناتك يا ربي

عادى حبيبتى اتفضلى اى خدمة

[حواااء]

بارك الله فيكم
والله فرحت بالملف
انا نبى نسال على المقروض
قد ما حاولت ما باش يطلعلى باهى
ايجينى اما يابس او هش
نبى طريقة طويجين فى الحوش
وكيف نشرى السمادينا
انى متغربة وفيه محلات لبنانيى تبيع دقيق الفرخة ويقولوا هو السميد الناعم
شن رايكم انجربه؟؟
او فيه السامولينا جربته ولكن تقعد الحبة يابسة ما تذوبش فى الفم
منتظرة نصائحكم بارك الله فيكم

[التا ئبه لله]

اختى التائبة
يعطيك السلامة وخلاص خليتينى فى موقف ايضحك
انى سالت امتع الشاب الى يبيع فى الشوكولاتة فى العاشورى على الشوكلاتةىالتشيس بالكيلو مش امعلبة
قالى ياابلة مافيش مرة جبناها مفتوحة نش نعلبة انبيعو فيها ديما فى باكوات
وتلقيها ياختى ب 4 دينار معلبة باكوها ايهبل نازك

السلام عليكم الله ايبارك فيك حبيبتى بس انى اليومين الا فاتو مشيت لسوق التلاتاء لقيتهم مديرين فيها تخفيض بس الكميه داخل الباكو شويه هلبه لكن يا حبيبه كميتها الا رتيها فى العاشورى هلبه ولا شويه

عندى سوال حبيبة مدامك موجوده خديت منك طريقه حلى القبعه لقيتك كتبتيه بطريقتين اما هيا الا فضل الا بها الزيت ولا الزبده لا نها عجبتنى هلبه وانى رايتك فى رمضان منزلتيها للبنات والطريقه التا نيه لقيتها فى منتدى رجيم اما هيا الا حسن بالله عليك خاطرى فيها او ما نبيش نجزف والله يجعله كله فى ميزان حسناتك ويرزقك ما تتمنى

[التا ئبه لله]

وقلت نبى نتاكد على خاطر سالتينى والاخت التائبة لله لخبطتنى

لكن تاكدت وراح حبيبة زوجها ههههههههههههه قصدك لخبطك والله طحكتينى والله مره مشيت الا لقيتهم ايبيعو فيها بحد الجبنه والشاميه الا با لكيلو منطرها مش حلو

[التا ئبه لله]

اختي التائبة يا ريت لواتقوليلي وين يوجد محل ماركت اند سبنسر وياريت لوتعرفي حتي نكست وبارك الله فيك

السلام عليكم اختى والله شن بنقولك والله ما نعرف ننعت زوجى الله يحفطه هو الا يرفع فيا لكن هو معروف فى قارفارش بينها وبين السيا حيه ونفس الشارع فيه الماركات كلها والله واصح الشارع كله محلات

[حبيبة زوجها2009]

السلام عليكم الله ايبارك فيك حبيبتى بس انى اليومين الا فاتو مشيت لسوق التلاتاء لقيتهم مديرين فيها تخفيض بس الكميه داخل الباكو شويه هلبه لكن يا حبيبه كميتها الا رتيها فى العاشورى هلبه ولا شويه

عندى سوال حبيبة مدامك موجوده خديت منك طريقه حلى القبعه لقيتك كتبتيه بطريقتين اما هيا الا فضل الا بها الزيت ولا الزبده لا نها عجبتنى هلبه وانى رايتك فى رمضان منزلتيها للبنات والطريقه التا نيه لقيتها فى منتدى رجيم اما هيا الا حسن بالله عليك خاطرى فيها او ما نبيش نجزف والله يجعله كله فى ميزان حسناتك ويرزقك ما تتمنى

حبوبة
بالنسبة للقبعة اندير فيها مرة بالزيت ومرة بالزدبة
بالزبدة احلاء
وبالنسبة لشوكولاتة حتى الى فى العاشورى امتع الباكو كميتها شوية مش هلبا
سلام