ركن الجمال المغربي.. للمغربيات و لكل الاخوات.. الجزء 24

[سعاد المراكشية]

salam la la siham ana m3a moti3a lilah fchat
labas 3likom kamlin iwa brto chi haja rana mojoda

[sihamsami]

شكرا ليك سهام على الطريقة
خاصها الووووقت اللي بغاتها

العفو أزين ، راه أي حاجة كنعرف ليها كنكتبها ليكم
والطريقة راها ساهلة بالنسبةلي جالسة في دار ،أما الخدامة عند لحق خاصها الوقت
أنا الحبيبة من كازا بلونكا ، شتي هاد بلونكا شحال زوينة

[سعاد المراكشية]

ana rahn lichara swli alghzala

[alfatina22]

ههههههههههههههه ايوا صافي راه قلت ليكم سميتو ملف والملف كيكون طوييييييييييييييييييييل

هنا جبت ليكم ملف ولكن هاد المره صغير ...خاص للعروس ولكن حتي البنات اللي مزال ماتزوجوش ممكن يستافدو منو ايوا بشيييييييييييييييييييييييييييييييره قولي مادينهاش فيك
ملف شاااااامل لك اختي العروس ولك اختي بالمنتدى فادخلي فلن تندمي ديما مع تجربتي ا

باسم الله الرحمن الرحيم
السلام عليكم ورحمة الله وبركاته
نزولا عند رغبة الكثير من الاخوات المقبلات على الزواج الله يكمل ليهم بخير واللواتي راسلنني على الخاص وكيف ماوعدتكم حبيبت اليوم اكتب ملف شااامل وكامل ينفع كل بنت باذن الله وارجو تثبيت الموضوع لاهميته ولتعم الافادة على الجميع
باسم الله نبدا لكن عزيزتي القارئة لتستفيدي اكثر ادخلي دائما وتصفحي الردود فانا باذن الله ونظرا لان هناك مشكل تقني بالموقع ولئلااا تفوتني اوقات الصلاة وخدمة بيتي وزوجي سوف اكتب كل مرة اضافة ونقط اخرى جديدة
بالاول سنبدا بالعناية بك عزيتي وحبيبتي بالله يعني كل مايخصك قبل العرس الله يكمل بخير ويدوز كل شيء بامان الله وباحسن الظروف وحتى اللي مزوجة الله يسعدها ممكن تستفيد
اختي انا ملي تخطبت وقبل مايجيني خطيبي والحمد لله كان عندي وقت ابتديت كندير الاتي طبعا لان كل وحدة منا ضروري كتجيها واحد الوقت كتنسى راسها وسط الحياة ومشاغلها وبالتالي كيترتب عن ذلك مشكلات عابرة او قد تكون جدية
اطلب منك الصبر لان الموضوع سيكون طويل وسامحوني انا غرضي فقط الافادة وعوض كل مرة كنتب موضوع هنا ولهيه وبالتالي الكثير منكن ممكن ماتشوفش شي حاجة
اختي اولا وقبل كل شيء عليك بالايام القادمة تاكلي مزيان يعني واخا دايرة الريجيم مثلا ماتنسايش التغدية الصحية الكاملة والمتوازنة مابين الفيتامينات السكريات الذهنيات البروتينات وماالى ذلك لانها مفيدة اكثر
ثانيا نجيو للوصفات اللي ممكن تساعدك انك تباني في احلى وابهى حلة ومظهر في يومك اللي مغيتكررش ديما
بالنسبة للوصفة عزيزتي اللي كلكم زربانات وباغين تعرفوها فهي كالاتي
هي وصفة فاسية كنت سمعتها زمااااااااااااااااااان بواحد الربورتاج على التقاليد والعادات قالتها واحد المراة كبيرة بالسن الله يرحمها دنيا واخرة وجربتها ومن وقتها وانا عاقلة عليها وكنديرها ملي كيكون عندي شي حضوربحال خطبتي وعرسي واعراس اخوتي ووو لانها كتطلب على الاقل اسبوع من المداومة يومياااااااااااااااااااااا
3 معالق فول مطحون
معلقة زيت زيتون
2 معالق ماء الزهر ويستحسن يكون اصلي وحررر الى مكانش فالقرعة دزاج الخضراء او البيضاء تكفي
3 معالق حليب عادي يعني سنترا مثلا
عصير نص حامضة واخا تكون كبيرة بزاف والى كانت صغيرة بحال البي ههههههههههه ديري وحدة كلها
راس معلقة عكر فاسي حررررر واصلي والا فبلاش ماتجيبي الصباغة تصبغك والله اعلم اشنو فيها راه الاصلي غالي شوية مابين 800 الى 1200 ريال الغرام بكازا لكن ارخص شوية بفاااس
بيااض بيضة عادية او بلدية لكن يستحسن تكون بلدية والى مكانش ممكن تكتفي بالعادية
خلطيه مزيااااااان وديريه على الاقل 7 ايااام ويستحسن 15 يوم قبل عرسك تديريه يوميااااااااااااا
ومتنسايش اننا داخلين على الصيف ممكن تخسر لك فاحتفظي بيه في الثلاجة احسن
والان الكم حليب خاص صنعيه بنفسك للوجه الدسم والذهني
دانون مسوس + معلقة الحامض
وهاد الحليب متخليهش يتعدى ثلاث ايام ويرمى استفيدي منه عوض حليب المعلبات لازالة المكياج وووو
وممكن لاننا داخلين على الصيف كيف ماقلت والفواكه موجودة تستفيدي من الوصفة اللي سبق لي وكتبت ديال الخوخ انا شخصيا كنديرها كل ماتعرضت بزاف للشمس وبما انك عروس وغتخرجي بزاف توجدي ووو فلا تنسيها وهدا هو الرابط
http://www.beautymaroc.com/vb/showthread.php?t=33249

اما الان فاللي شعرها كيطيح بزاااف وباغا تعتقو شوية فتدير هاد الوصفة
حلبة مطحونة + ثومة مدقوقة من غير قشرة ومنيلة + بصلة محكوكة
خلطي الكل وديريه لشعرك ويستحسن تلبسي بوني بلاستيك وتخليها نص ساعة او ساعة على الاكثر ويستحسن تديريها كل ثلاث ايام الى كان شعرك متضرر بزاااف
انا عارفة انها فيها الريحة لكن متخافيش ديريها راها مفيدة وانا غنكتب لك النفقة اللي كندير وكتخلي الريحة غزالة واخا تغسلي وتدوز الايام مرات اخوي حماقت عليها ملي درناها ليها في العيد الكبير وملي مشات لدارهم اخوتاتها وماها بغاو يتصطاو على الريحة برغم انهم فاسيات يعني المفروض هما مالين الصنعة ههههههههههههههههههههه


اما اللي كتعاني من مشاكل في بشرتها فممكن تستعمل الوصفة ديال نيدو والحامض اللي سبق لي وكتبت وهدا هو الرابط
http://www.beautymaroc.com/vb/showthread.php?t=32914

وراها كتحيد حتى الاثار الكحلة اللي بالمرفقين والركبتين غير هو خاصها تديرها لهادي المناطق هي الاولى وبعدها تتبع طريقتي اللي قلت ومتنسايش اختي انك تقراي حتى الردود معليش طولي بالك ووسعي خاطرك الى باغا تستافدي اكثر لان الردود كيكون فيها اجوبة على بعض التساؤلات
واقيلا طولت عليكم
عرفتو اشنو دابا نخليكم مع دعاء لتيسير الزواج واكيد ليا رجعة قريبة لاشياء ووصفات اخرىة وكما اقول ديما والله العظيم كلها وصفاتي انا وانا اول من كيديرها وماباغا نؤذي حتى وحدة وغرضي المنفعة للكل

منقوووووووووووووووووووووووووووووول للافادة وربي يكمل عليكم بالخيير

[bitiscool]

هههههه بيتي غي متعيليا دوك العينين ، ؤبلا ماتنهدي ران سمعتها من هنا ، لهلا يحوزك الحبيبة غي عزلي لي عجبتك ؤنشريها لختي ، هاه ولكن ماشي دابا تنخدم ههههه
الفاتنة والغطسة لي غطستي جابت الفائدة لينا ، مرة مرة غطسي شي غطيسات ؤجيبي للي ماكيشبعو من الوصفات حنا زعما طماعات خخخخخخ ،
سعاد كل شوية كتبانلي هاديك لوريدة لي حدا سميتك مرة كتكحال مرة كتضوي
تيخليها مضويا ديما ؤكلمينا ، راني باغا نسولك في مجال الرياضة ،شي تمارين يعني

واييييييييييييييييييه كيهبلووووو واحدة تنسيك في لاخرة ايوا الهم نخضرو عويناتنا بيهم ههههه

[sihamsami]

salam la la siham ana m3a moti3a lilah fchat
labas 3likom kamlin iwa brto chi haja rana mojoda

آآه نتي قوليليا مكونيكطيا ، وعطيني مسن ديالك إلى ممكن واخا مكندخل بزاف ولكن باش نسلم عليك مرة مرة ،ونطمنو عليك
والتمارين لي بغيت نسولك فيهم حتا تكوني مساليا مابغيت نبرزطك مع المطيعة لله
حتال من بعد

[روائح الجنة]

واحد السلام عليكم من جديد

سمحو ليا كنت واحد الشوية مشغوله بالفوتوشوب

اختي قالت لي نصايب ليها تصميم باش تشارك في واحد المنتدى

المهم

اختي سهام

إن شاء الله تصدق ليك الوصفة أ روائح الجنة ، و اللون لي باغا تعملي ،أش كيخصو من غير البابونج ؟

هالوصفة كاملة

نبات البابونج مقدار 3 ملاعق كبيرة

10 ملاعق حناء

3 ملاعق خل التفاح

ماء ساخن الكمية تكون بحيت الخليط يكون متجانس

عصير حامضة كبيرة او 2 حامضات صغار

الطريقة

اطبخي البابونج بالماء الساخن حتى يغلي جبدا

ثم اضيفي باقي المكونات ماعدا عصير الليمون

واتركي الخلط لمدة ثلاث ساعات ثم اضيفي الليمون


وياربي ياربي تصدق ليا

راني اتحمست بزااااااااف

ابتسام ههههههههههه

الدنيا هانية

المهم نتعاندو في شي حاجة مزيانة ماشي خايبة

والزين راني غير نشوف النتيجة نجي نقولها ليك نيييييشااان

ياربي ياربي تكون النتيجة زوينة

غادية نبقى ندعي حتى لغدا على هاذ الوصفة

[سعاد المراكشية]

bella-souade@hotmail .comغير سولي هانيا والله نهار كبير ادا ولمسن ديالي هاهو مرحبا بك في اي وق

[bitiscool]

البنات مشي عام راه ولاو عامين
يالاه نخليكم دابا ومن هنا لعامين نتلاقاو بينما قريت هاد 2 ملفات ديال الفاتنة
هههههههههههههههههه

[alfatina22]

سهام شوفي باش ماتقوليش مدايراكشي ففبالي راه سولت ماما علي واحد البوماد عندها قالت ليا ديال الرجلين زوينه شافت واحد نسبتنا فتونس كاديرها
المهم اسم البومادakileine creme regeneratrice pied secsياك المهم هي كادير رجليها فماء سخون ومن بعد كاتحك رجليها ةمن بعد دير البومادا وتلبس تقاشر حتي لغد ليه راه زوينه وكترطبهم مزيان اما الا كان تشقق بزاااف خاصها تمشي عند الطبيب