بصراحة مش عارفة شن انقول ماشاء الله سفر تفتح العين المغمضة ربي يحفظكم ياعويلة
ام ياسمين الف صحة حبيبة علي القزلامة الحمد لله اللي عجباتك صحيحة
ام جنى واخيرا بنزغرط جاتك الملصوقة كويسة الحمد لله الف صحة العقبال لكيتي و السنفورة ههههه
ام سومة الله علي المنظر بحيرة مش عادية يفتح النفس للماكلة و بالنسبة لطمكينة الملصوقة بالله صوريهالي خلي بنشوفها قالولي عليها ماعرفتهاش متشفرة هالمدة شكلي
بريكة بنسميك بريكة عصبان خخخخخخخخخخخخخخ
شانيا و فيك بارك الله تسلميلي ياغالية و الله فرحت انك طبقتيها الحمد لله و هدا واجبنا اننا نكونوا عيلو وحدة نساعدوا بعض
التائبة لله بارك الله فيك هدي شهادة نعتز بيها و الف صحة عليك القزلامة ياحبيبة و الحمد لله انها عجباتك
و معليشي لو علي التصوير مش مشكلة حتى الكتيبة كويسة و المشاركة بحد ذاتها فخر للجميع هني
غيدونا صحة الاضرف ياغالية الحمد لله اللي عجبوك
و ان شاء الله ربي يفرج عليك جبيبتي قلبي معك و لو تبي اي شيء ممكن نقدر نساعدك بيه اتفضلي و لا يهمك كلنا اخوات هني
و ماشاء الله الكب كيك عقلي صحتين
نوسة صار عجباتك الفليفلة بالدجاج متاع كيتي
ان شاء الله حنجربها حتى اني
عنود الصحراء الارز البسمتي موجود بكثرة في ليبيا و اجود الانواع اللي في الشكارة الخيش تلقيه في المهاري و في سوق المرجان
ام جنى ماشاء الله قزلامة مش عادي طالعة معك احلى من قزلامتي و الا لونها يهبل
ام سارة صار طبقتي الفزلامة الف صحة حبيبة غير خيرك ماصورتيهاش ههههه
و الحمد لله اللي نجح معاك الكريم كراميل الف صحة
الجالمة و الله بوريك الملصوقة عييت و اني نتكلم عليه ارجعي للروابط و الصفحات السابقة حبيبة
كيتي يعطيك السلامة صار حتى تفتليكة السلاطة طبقتيها
و بالنسبة للسويسرول ايه بالكانيلوني خخخخخخ تراود خواطر شكلها الحكاية
و بالنسبة لخبيزات ام السنفور هدوم متاع الكوشة االلي تحدت بيهم جميع العجائن علي فولة ام السنفور
ايور تسالي علاش خبزة الكسكاس ما انتفختش يمكن ماخليتهاش تختمر بعد ما درتيها دوائر
ماما الاء ماشاء الله كل حويجة احلى من الثانية و بالنسبة للسويسرول كنت منزلاته من قبل توة نشوفلك الرابط
و شن هالشواء يعطيك الصحة بهالنوووو انحرقتي و الا مازال خخخخخخ
ام سومة ماشاء الله شن جوك مع العصبان في رمضان ههههه الف صحة
ام السنفور ههههههههههههه ام نور و انام تسلم عليك غير ماعندها نت و لا جهاز هالفترة بس هي متابعه معاكم باحاديثي عنكم
ماشاء الله كيكة طبقات القرفة شكلها مش عادي تسلم الايادي اعطيني الرابط
و باقي البنات كلكم ماشاء الله عليكم بصراحة ابدعتم في السفرة الرمضانية
الروابط المفضلة