ام ريوضى موضوع رائع
وانت مميزه فى اختياراتك للموضوعات وطريقه تناولها
انا مريت بتجربه شخصيه وسوف احكيها لكم
ابنى عبد الله منذ سنتين كان بيتكلم كويس جدا
وطريقه كلامه كانت مميزه جدا وراقيه جدا
وفجأه جاء اخى لزياتى وعلق فعلا على طريقه كلامه واسلوبه المميز
وخرجت مع اخى وزوجته وفى اليوم التالى سافر اخى وفجأه وجدت ابنى
بيتلعثم فى الكلام انا اتخضيت جدا وقلتله براحه يا حبيبى واخدته فى حضنى
وانا مش عارفه فى ايه واتصل زوجى من الخارج ورد عليه ابنى فسالنى ماله الولد قلتله مش عارفه وبصراحه
اعتقدت فى البدايه انه حسد لان عين مرات اخى ؟؟؟ لتكرار الاحداث
المهم ان زوجى رجع من السفر وشاف الولد وخرجنا ورحنا البحر فوجدت الولد مرعوب من البحر وبيقول انا حنزل معاك بس مش عاوز البحر الى فيه موجه
وتعمل زى خالو ادركت ساعتها المشكله ؟؟؟؟؟؟
-- عندما خرجت مع اخى ذهبنا الى البحر وكنا قاعدين على الشط وكان قاعد بيلعب على الرمل وفجاه اخى قاله يالا يا بودى علشان ننزل البحر قاله لا انا بنزل مع بابا بس فاخده وحدفه فى الميه وكان بيحاول يلعب معاه لكن ابنى اترعب ساعتها لان الموج كان عالى وانا ابنى مدلل شويه وحساس جدا
وكان هذا هو السبب الرئيسى وراء ما حدث لابنى وزوجى لا يكلم اخى بسبب هذا الموضوع
طريقه تعاملى مع ابنى كانت كالاتى لم احاول ان اشعره بالمشكله
واصبحت اشعره بالحنان اكثر واخذه فى حضنى حتى يشعر بالامان المفتقده وخوفه
المسيطر عليه
-- بداتت اتكلم معاه بالراحه واسمعه بهدوء
-- ساعات كان بيعيط وبيقولى لسانى فيه حاجه انا مش عارف اتكلم
قلتله متخفش انت بتتكلم كويس انا حقرا لك قران وحتبقى كويس
- هو الحمد لله بقى كويس بس كنت حتجن لانه بين يوم وليله اتغير
الحمد لله على كل شىء وربنا يبارك فيهم
الروابط المفضلة