استني مش نرد على أسئلتك بالأول؟ صرتي بالرابع؟
أول شيء تحبك العافية يارب... وان شاء الله يكون العض خف شوي هههههههههههههه
وبعدين شايفيتني رايحة جاي على التجارب، ناديلي...ولو؟!!!!!!!!
أول شيء أنا هذه الدجاجة لطبخة واحدة، الفريزر عندي بالطول ودمه غير خفيف، يعني سعته ما بتحتمل أكثر من الكمية اللي ذكرتها
وبسلخ الجلد، لأنه هون ما بعرف شو بيطعموا دجاجهم، فيه دهن كثير. واذا ما سلخناه بيصير زنخ بالطبخ، وبعدين صحياً مش كويس، بحب أكلي صحي دائماً بلا دهون ودسم كثير.
لكن في الشوي على الفحم ما بسلخ الدجاج حتى ما يحترق اللحم، خاصة أنه الدهون بتذوب بالشوي.
نسيت أذكر إني لما أشتري دجاج بشتري الصدور وحدها وبقطعها إلى شرائح وأفرزها حتى أشويها بعدين بالسياخ على الشواية.
البصل في البراد أبداً ما بتطلع ريحته، خاصة لو حاطة فحمة بالبراد أو كربونات الصودا.
أنا عني المعجنات ما بتهدى عندي، أطبخها وبناكلها وإن زاد بناكله ثاني يوم. لكن أمي أعتقد أنها لما بتعمل كمية كبيرة وبتزيد، بتضغطها بعلبة أو كيس وبتفرغ الهواء وبتفرزها بعد ما بتشويها. ولما تحتاجها بتسخنها بالفرن من جديد وبترجع كأنها طازجة.
الكبة المقلية أيضاً مثل الفطائر.
اللي ذكرتيه في الأخير عادة ما بيلحق، بيتاكل على طول
لكن أفضل مكان للكيك والبتي فور البراد خاصة في الحر.
البسكوت عادي بخزانة المطبخ.
البقسماط بكيس أو بعلبة مقفلة بخزانة المطبخ.
شو الكعك بالضبط، في أشياء كثير عندنا اسمها كعك...
خلص أكيد تعبتي مني، خلي دور لغيري!!!!!!!!!!!!
الروابط المفضلة