بعد ذلك احبائى وأخواتى وخير أصدقائى الذين لم تلقاهم عينى
والله نفسى أشوفكم
بعد ذلك كانت هناك مواقف كثيرة صغيرة وأنا لا أعرف سببها
يعنى مره بكلم خطيبى وكان عنده أمتحان
بالمناسبة زوجى معاه شهادات عليا عدة وهذا الأمتحان كانت كورسات لغات
المهم بكلمة وعمالة أتحايل علية عايزة اقفل عشان ينتبه لمذاكرتة
كنا نتكلم كثيراً بالساعات يحكى له طفولته وتربيته وكم تعب فى حياتة فكان يعمل فى الأجازة الصيفية من صغرة ليصرف على نفسة فى الأجازة لأن أبوة كان شحيح علية جداً
كان بيفضفض وأنا كما كنت بحكى حياتى
كان يحكى لى ماذا فعل فى عملة وما يحب فى زوجتة وحياتنا المقبلة إلخ إلخ
كان كلة كلام محترم يعنى
المهم وأحنا بنتكلم ومن الحين والأخر أقول له عايزة أقفل لازم تذاكر وهو يرفض ويقولى يابنتى هو أنا عيل وبعدين إيه المذاكرة ليلة الأمتحان دى للخيبين بس أنا عارف مصلحتى
سكت
وأحنا بنتكلم تدخل أمه علية بدون مراعاه لرجولة أبنها بدون مراعاة لمنظرة أمامى بدون مراعاة لبنت الناس اللى على التليفون بدون مراعاه لأى شىء
قالت له بصوت عالى هيه دى المساعدة اللى بتساعدهالك ( تقصدنى معطلاه)
كتم خطيبى أو زوجى السماعة بيدة لكن هيهات صوت أمه وأصل للشارع التانى
أضيقت جداً وأغلقت الخط عشان اوفر علية التبرير
وجاء ثانى يوم يبرر بكلام عبيط كدة لم أرد
هذا موقف
وكنت كل ما اتصل بيه يكون مثلاً مريح على السرير مش نام وينتظر منى تليفون أنا اللى أتصل عشان هو لو اتصل تحصل حريقة فى البيت من الفاتورة
كلما اتصلت تقول لى أخته بعد سلاماتى لها نايم كل شوية نايم طب أزى وهو منتظر منى تليفون
خجلى كان يمنعنى أقول لها ذلك
وهو يسألنى ما تصلتيش ليه مش عايزة تكلمينى وانا اقوله حصل كذا
مواقف كثير كثيرة لو ذكرتها هيوقفو عضويتى من كتر الزهق والملل
بالمناسبة عايزة أعرف إذا كنتو عايزنى أسرع أكثر فى الأحداث أم أمشى على نفس المنوال
أنا بصراحة بفضفض
المهم أستعد للخطوبة أشتريت فستانى
ذهب أبى لمكان مناسب لحفل الخطوبة جاء بتواريخ الأيام الخالية اللى ممكن نحجزها فالحجز مسبق قبل شهران لأزدحام الحفلات فى الصيف أخذت التواريخ جلست أشوف متى تأتى ليى الدورة الشهرية حتى أتجنبها لأكون برحتى فى الحركة وقلت لخطيبى هذا اليوم مناسب لى قال ولى أيضاً مفيش فرق عندى فأى يوم
قال أبى على بركة الله وذهب حجزوفى مصر جرى العرف أن حفل الخطوبة على أهل العروسة وحفل الزفاف على أهل العريس وكلة حسب الأتفاق
كل هذه المواقف أذكرها لأنها ستتفجر فى يوم موعود
أقترب موعد الحفلة اقل من شهر وأنا أرى ان هناك توتر فى علاقة أهلة بنا ولا نعرف السبب وخطيبى لا يفصح عن شىء برغم ذلك كنا نسأله دائماً أنا وأهلى على أهلة ونتطمن عليهم
قلت له فى يوم أزاى دخلين على فرح والعلاقات بايظة كده هو فيه أيه قالى والله ما أنا عارف
أقترح علية أن يخلى والدة يتصل بوالدى يعزمة نروح لهم ونقعد قاعدة حلو تصفى النفوس لو فية شىء
قلت له ماشى وفعلاً اتصل أبوة وكان يحلف عايز يعزمنا على الغداء أو العشاء قال له ابى نترك هذا الأمر فى يوم أخر ونيجى يا سيدى نتغدا ونتعشا ونفطر كمان
ذهبنا وأه أه على هذا اليوم المشئوم الموعود
إتبهدلنا أخواتى أخر بهدلة أنا وأهلى
وللحديث بقية أنا لا أجد ردود كثيرة
يالله على عقول بتحرم اطفال من امهم وابوهم علشان بيت ومتاع دنيا
كتبت بواسطة عبيرالربيع
التكملة الجزء الرابع ..... بعد ذلك هعمل فهرس للتسهيل وعدم اللخبطة
الروابط المفضلة