تعالي نسمع ردود فعلك( وافحصي اعصابك)

[ورقة ليمونة]

يعطيك العافية غاليتي على الاختبار الممتع

مثلا لو اشتريتي فستان جديد أو دشداشه جديده وانت تكويها انحرق جزء مرأي منها .شششششششو رد فعلك

اذا كنت انا حرقتها بعصب بس لا ابين تعصيبي .. اما إذا كانت إبنتي حرقتها أغضب وتكون ردة فعلي قوية





وانت تسيرين على حافة الطريق بيوم ماطر اد بسياره مسرعه ترشقك بالمياه المتسخه على الشارع .شووووووو رد فعلك؟


لا بالعكس اضحك لانني اعرف ان اليوم الماطرلا نخرج فيه

بعد ما مسحتي وخلصتي شغل الغساله كبت المي على الأرض والدار والسجاد ملان مياه شششو رد فعلك؟؟؟؟

اشتغل وانا ابربر فهمتي علي يعني وانا اغلي



اتفقتي على موعد انت واقاربك وانت بتسكر ي الباب فأد بجارتك جاي وبدها تقعد وما اهتمت انك خارجه ششششششو رد فعلك ؟

اقول لها بأدب موعودة عند فلانه شو رايك تروحي معي بنتظرك لتلبسي

جهزتي نفسك وغيرتي لطفلك ووقت خروجك من الباب الرائحه شنيعه فالطفل عاملها ييييييييييييييييييي شو بتعملي؟

صايرة معي كتير وبقوله هلق وقتها حبيبي

بعد ما خلصتي شغلل ومرالحه تاتي طفلتك وتكسر 10 بيضات على الأرض عند الثلاجه ششوو رد فعلك
قولولي هل هنالك من تقول ما صار شي بنظفه وخلص؟؟؟؟؟؟


والله بيطلع جناني وخاصة ريحة البيض كريههكمان بنظف وانا عم خانق واعطي محاضرات للبيت


ابن الجاره وهم عندك كسر تحفه رائعه غاليه عليكي وتحبينه شو رد فعلك (معلش انكسر الشر وبدك كسر ايديك)

لا استحي واخجل واهدي من فزع الام المرتبكة من فعل ابنها واهدئ من الطفل لان بالفعل خلص عمرها

شو رايك لقيتيني عصبية يمكن ما نجحت بالفحص العصبي

تحياتي لك يالفتاة الطويلة الغالية

[الفتاةالطويله]

منيح اللي في حدا زييييي مسكينه بنتك يعني انتي بهمش وهي اه

[إيمان علي]

من وين طابخة هالمواقف اللي بتقهر هاي؟

شوفي، صراحة مريت بأكثر هذه المواقف.
1- حرق الملابس الجديدة، حصل معي.. لكن في عندي طبع تعلمته من أنا وصغيرة، اي شيء جديد أكويه بمكان غير ملحوظ، يعني من الداخل على داير أسفل الفستان، حتى لو صار شيء ما يخرب.. وفعلاً اشترت لي حماتي جلباب جميل، وأنا بدي أكويه، حطيته على الحرارة المفترضة لنوع القماش، وكويت الداير وأول ما وضعت المكوى احترق جزء بسيط منه، انقهرت كثير، بس قهري ما رح يرجع شيء، وعلى العموم قلت في نفسي أنه ما هو باين، ولبست الجلباب حتى هريته

لكن لو صارت في مكان واضح، مكان الحرق رح أحط بروش

وفي فستان لبنتي انسكب عليه كلوركس وهو أزرق كحلي، صار مبقع بالبني، قمت غمسته كله بالكلوركس وخلصت المأساة


2. طرشتني سيارة بالماء من قبل، ما كان بهذه الكمية المهولة ولكني انقهرت وبما أني كنت قريبة، رجعت على البيت وغيرت.
لكن لو حصل أني بعيدة عن البيت، حسب المكان اللي رايحة عليه، إن كنت في زيارة، بدخل عند الناس وبطلب من المرأة ملابس أغير، ولو على مكان رسمي، رح أتصل وأأجل موعدي وأرجع البيت وأغير.

3. أما الماء اللي انسكب على الأرض، فإن كان ماء نظيف، خليه ينشف لحاله.. يعني أول ما يحصل، الصدمة رح تسكتني شوي، وبعدين افكر بالمأساة ورح أنقهر، بس عرفت من زمان أنه القهر ما بيرجع شي، فخليني آخذ المواضيع ببساطة.
حصل أن غسالة الصحون مرة فتحتها وإلا هي على راحتها بتعبي ماء وما عم يصفي، فتحتها ونزل كله بالصابون على أرض المطبخ وصار مسبح! قعدت أمسح ساعتين!

والمزعج لما يطفح الحمام.. كنت حامل بالتاسع وعندي ضيوف، بنت الضيفة دخلت الحمام وملأته بالمناديل الورقية لما خلصت مهمتها، نزلت الماء وتسكر الحمام وطلع كل شيء على الأرض، أعني "كللللللللللللللل شيء".. شو أعمل؟؟! اتصلت على شركة تنظيف وقلتلهم يلحقوني.. حامل بالتاسع وما قادرة أتحرك!!!

4. بالنسبة للجارة على غفلة، أنا عني صراحة ما بحب أضغط على نفسي بشيء، ودائماً صريحة، لو جاءت وأنا خارجة وهاي بتصير معنا كلنا.. ببساطة بقلها أني خارجة وبتصل فيها وبنتفق اي ساعة تيجي.. أصلاً المفروض أنها تتصل قبل ما تيجي.

5. احتمال 10 مرات صايرة معي أن أغير لطفلي وعند الخروج من المنزل يعمل تحته.. عادي.. ياما صايرة وياما راجعة عن الباب لأغير من جديد هذا عادة ما بيزعجني..

6. أما البيض، فعشر بيضات واسعة كثير.. خليها 4 مش أحسن؟
بيني وبينك بالبيض بالذات ما فيني أروق أعصابي، لأنه رائحته زنخة ولازمه تنظيف كثير حتى تروح الرائحة..
مبارح بنتي بتجيب بيض وكسرت بيضة على الأرض، ما عصبت عليها لأنه ما هي قاصدة وما لها بالعادة، فقط قلت مرة ثانية انتبهي..
لكن عشر بيضات مرة واحدة، كيف؟ إلا لو مسكت علبة ورمتها عن قصد بالأرض!
وساعتها المسألة فيها عقاب.
أما لو أنا وضعت البيت في مكان خطأ وهي أسقطته، فهذه غلطتي.. ومع هذا رح أصرخ عليها ههههههههههههههههههه

7. أما لو كسر ابن الزائرة شيء، طبعاً من عوايدنا نحن ما نصرخ على ابن الضيوف، فله أم تصرخ عليه.. لكن صراحة التحف ما بتوضع أمام الأطفال غير أولاد البيت، يعني لازم توضع في مكان بعيد عن متناول يد الطفل، وإذا كسرها فالخطأ على صاحبة البيت، وشوي الأم الي ما مسكت ابنها، ومع هذا كله، رح أقول: الله يكسر إيدك هههههههههههههههههههههههه
لا حرام، أنا عمري ما بدعي على طفل صغير بأي شيء مهما عمل... هذه فقط للدعابة

[الفتاةالطويله]

شو ايمان بتقوليلي من وين طابخاه ما هده امور بتسير معنا وفي اكثر منها اكيد اما حلولك منيحه بس البيض انا بنتي طالت من التلاجه علبه فيها البيض ورمتها على ارض يمكن كان عمرها 2 سنه فقط (هي اللان 15 سنه)ولنل شفت المنظر وما ضل فييي عقل انا اكره البيض جدا
وقبل سنه في اولاد ما بدنا ابني يلعب معهم بجيل المراهقه مش كويسن وعلشان ما رد عليهم رموا على بيتنا بيض والله لا يوريكي هالمنظلار وخاصة احنا شفناه بعدها بيوم من الخارج

[هنلي]

والله البطيخ قرب يستوي يا ام يوسف ههههههههه حلوه هذه في شهر 4 انشاء الله
بس اعملي زيي طولي بالك وخليكي كوووووول على طووووووول احنا شو ميخدين من الدنيا يعني هدي اعصابك