السلام عليكم ورحمة الله وبركاته
كيفكم ياغاليات
متابعة تواصلكم وردودكم عليا
الله يحفظكم ويسعدكم
بس مابعرف صرت بصعوبة أقدر أضغط عحالي إني أتكلم أو أحكي شو عندي
بضل ساكتة وبس
بحس كتير أوقات إني نفسي أداري حالي ورا أي شي وأعيط وبس
وكتير أوقات بحس إنه نفسي آخد أولادي بحضني وأطير معهم عأي كوكب تاني
ساكنة الغيوم
تسلمي حبيبتي عنصايحك بس صدقيني كتير أوقات بنكون عارفين الصح وين بس بنحتاج حد يكون معنا عالأقل يسمعنا
نور العيون
حسيت قديش قلبك عليا الله يخليكي
أم محمد وسوسو ووعود الخير
هلا بأهل بلدي الغالية
تسلمولي عكل شي ما بتقصرو والله
وكل الغاليات اللي ردوا عليا
تسلمولي
مابدي تفهموني غلط
وتاخدو عني نظرة سلبية
وتقولو اني ضعيفة أو يائسة
صدقوني أنا وقت الجد غييييييييير
بس هنا بحاول أكون من غير قيود
وبحكي اللي بحس فيه من غير تزويق
بعرف كتييييييييييييييير ناس وضعهم أسوأ من وضعي
وأنا في نعمة كبييييييييييييرة الحمد لله
بس هادا ما بينفي
إنه الواحد بيتعرض لمواقف صعبة بيتوه فيها
وأغلبها نفسية صدقوني
أنا حفوت كل وقت تسعفني فيه الكلمات
كإني بحكي مع نفسي
اعتبرو إنا في جلسة فضفضة وبس
وإذا ما قدرتوا تفيدوني عالأقل
ادعولي ياغالياااااااااات
الروابط المفضلة