المفروض بعد بشهر من شيل الحفاظ بالنهار تقريبا تشيلو الحفاظ بالليل وما بحكي انه خلص ما رح يفنو على حالهم
انه هذا شر لابد منه
بس ماهو الطفل ما رح يتعلم لحاله.........لازم يغلط عشان يتعلم
انا بناتي من عمر السنتين شلتلهم الحفاظة ليل مع نهار
والاهم انه الطفل ينام على تخته لحاله مش جنب امه وابوه عشان اذا عملها يعملها عحاله مش عليكو
قعدو فترة يفنو بالليل ويغلبوني بس عملت طريقة انه قال انا بشربهم دوا عشان ما يفنو
وفعلا اجيب ماء الورد ولا ماء الزهر ولاحتى مية من الحنفية وبمعلقة الدوا اسقيهم منه قبل ما ينامو
واحكيلهم هذا دوا عشان ما تفنو وفعلا عقلهم الباطني اشتغل وصارو طول الليل فايقين يروحو على الحمام
وكمان مرات بحطلهم ساعة منبه ترن كل 3 ساعات والشاطرة تقوم وتسبق اختها عشان تطفيها ويروحو بعدها على الحمام وبرضه لحالهممممممم
ما بوديهم لازم يعتمدو على حالهم
واذا فنو بخليها تروح تغير اواعيها لحالها وما بحكي معها ولا بعزرها لانه هاي شغلة بتأثر كتير بنفسية الولد
كمان شغلة قبل النوم ب 3 ساعات مافي سوائل
اخر وجبة بياكلوها الساعة 4 بنامو على الساعة 7 تقريبا
وبعدين بفيقهم على ال9 يروحو الحمام
ومن ثم بضحك عليهم بحكاية الدوا وبحط الساعة المنبه على الساعة 12 او 1 عشان ترن وهم يفيقو لحالهم ويروحو الحمام
وبهيك ما رح يضل في سوائل بجسم الطفل لحتى ينزلها باقي الست ساعات اللي فاضلين من الليل
وديرو بالكو السقعة بتخلي الولد يعملها يعني هلاء الشتا بعرف حرامات وورشة بس اعملو متلو جيبو حرامات مفرد لكل وحدة عشان اذا فنت يكون سهل علي اني احطه بالغسالة
وفي كمان ملفات للتخوت بتكون من جهة قماش وجهة ثانية زي النايلون او المشمع عشان اذا عملها عحاله ما ينفد شي على فرشة التخت
وبالاخير ......................كله بثوابه
الروابط المفضلة