|
للبحث في شبكة لكِ النسائية:
|
النجم الذهبي
زنوبة بارك الله فيك على وصفة العصير الطبقات
حبيبة زوجها .... الحمد لله العزومة مشت على خير و لما نلقى فضوة بعون الله راح نعطيكم كل شيء درته
و بارك الله فيك و سلمك نشادة يا حبيبة
أم ياسمين ليبيا : ربنا يتمملكم على خير يا رب
بالنسبة للحاجة الثانية تقدري اديري كيف ما قالتلك الفجر المسفر و ابريكة و تقدري اتحطي معاه العبمبر لو الصندوق يكفي لدورة العبمبر
و ان شاء الله يفيدوك البنات معانا
النجم الفضي
ام ياسمين ليبيا
تعرفى بالنسبة لااستفسارك انى المدة الجاية بادن الله بيان خوى ونفكرله فى حاجات مش عادية كان ربى اعطانى عمر وانى من انصار التغيير بمعنى مش لازم نتقيدو بالعبمبر او الحاجات التقليدية ديما ديما لازم انغيرو لازم
خوى متلا حانديرله بشكتى قلوب عجينته سابليه مخلوط بفستق حلبى والقلب محفور من فوق وفيه شوكولاتة جامدة وفى وسطها لوزة دهبية امتع الاعراس عرفتيها هدى حاجة تعرفى قنيينة بالمرة وشكلها حلو وجديد العجينة بيكون فيها حبات الفستق اخضر واضح والفوق شوكولاتة وفيها حبة اللوز الملبس دهبية وعليها رش دهبى على الشوكولاتة
وفيه القوقعة محشية بكاجو او اى لوز انى حانديرها لبيان خوى بالفستق تجى مش عادية وفخمة وحانزلها بادن الله اليومين هادو
يعنى هلبا حاجات فيها تغير خلونا انجددو حلويات الاعراس لاانه فيه مجموعة كبيرررررة هلبه من الحلويات جديدة لازم اندخلوها فى مطبخنا ومناسباتنا
وربى ايتمملكم بالخير
"نبض حروف المُلتقى"
حبيبة زوجها
ماشاء الله عليك
فالحه والله
ربي يكمل لاخوك علي خير
وبعد اديريهن نزليهن
ياريت والله
[/CENTER]
عضو نشيط
كيف حالكم يابنات دخلت نسلم عليكم ان شاالله الجميع بخير
النجم الذهبي
السلام عليكم يا حبيبات
ان شاء الله تكونو بصحة و سلام
بعد المعانا الشديدة و الأسئلة المزعجة اللي سئلتهالكم و التخميم و التخطيط
درت العزومة و تمت العزومة و كل شيء جي كيف ما نبي و افضل
و هذا طبعا فضل من رب العالمين عليا و من بعد فضله انتو يا حبيبات ... اللي نورني ربي على منتدى و صحبة زي هذه توقف للناس وقفة صقر
ربنا يبارك فيكم على كل حاجة قدمتوها ليا
بس بنقول حاجة أكيد راح تزعلو مني .... إني الحق ما لحقتش نصور و لا حاجة من العزومة
لأني راح نحكيلكم شن صار معاي بالظبط و شن درت
و انتو أحكمو
لكن الحق كانت تستاهل انها تتصور .... لكن ما باليد حيلة ما كانش فيه حد فاضيلي لحكاية التصوير
لكن كيف ما نقولو خيرها في غيرها
النجم الذهبي
أول شيء قدمت العصير : و كان العصير هو عصير هافانا
أخدت الطريقة من الرابط التالي :
عصير الطبقات
طبقت الطريقة بحذافيرها و اخترت يكون المانجا هو اللي في الأسفل و بعده الكيوي و بعده الموز و حطيتله لون أحمر و زينته من فوق بكريم ويب و حطيت عليها ربع حبة عنب حمراء و قصيت الليمون إلى شرائح و رشقته على حافة الكوب و حطيت مع الكوب مصاص
و قدمته لوحده
الحق طلع اكثر من رائع و الكل تفاجئو بيه .... و الحمد لله يا رب
و بعدها قدمت الشاهي مع 4 أنواع حلاوات دارتهملي حماتي
غريبة - غريبة قرفة - عشيشة بالفستق - مقروض
و بعدها قدمت العشاء
و كان متكون من : أرز بالخلوط + قوارب الدجاج بعجينة البف باستري + مخدة الباشا + أسياخ الدجاج للحبيبة العجولة + امبطن فخاد من ايدين عزوزتي + بوريك لحم بعجينة البف + قطائف السبانخ
و السلطة : عملت سلاطة مشوية + بابا غنوج
و لما جو حماواتي وحدة جابت معاها كفتة دجاج و الثانية جابت معاها طاجين اجبن
ما شاء الله الصونية عمرت
و تعشينا و الحمد لله كان كل شيء مستور و قدمت مع العشاء البكلاوة و العصير
و طبعا الرجالة المشروب الغازي هو الأول
و بعدها هدرزنا هدرزة مليحة و تفرجنا على فيديوات العرس و خلالها قدمت الفروتة المزينة بالكريم ويب
و هذه عزومتي .... و في النهاية قدمت للعروسة هديتها و للعريس هديته
ان شاء الله عجبتكم
كبار الشخصيات
ماشاء الله عليك ياكيتي والحاجات اللي درتيها مدامهم من ايدياتك اكيد طلعو روووووووووووووعة ,
(وين كنتي مغطسة حتى للهدرزة معادش خشيتي انشغلنا عليك)
شكرا من القلب ياأحلى عبق
النجم الفضي
ماشاء الله عليك ياكيتي
عزومة مقومة ربي يعطيك الصحة
والله من وصفك تمنيت شفنا الصور
لكن معليش فيها خيرة
واكيد تعوضي هالنا في مناسبة تانية
وتورينا صور لمة نفاسك باذن الله
النجم الفضي
بارك الله فيكم ياحبيبات عالافكار اللي اعطيتوهالي
ربي يبارك فيكم ويسعدكم ويعطيكم ما تتمنوا
حبيبة زوجها شكلهم حاجات قوية اللي قلتي عليهم
نستنوا تنزلي الطرق بالتفصيل
وعلى ذكر الفستق معرفتش كيف ناخده
اللي في السوق فستق نيء
قوليلي منين تشري فيه ولو نيء كيف اتطيبيه
ربي يرزقك الذرية الصالحة
النجم الذهبي
كتبت بواسطة ناني2007
بارك الله فيك يا ناني و سلمك نشادة يا حبيبة
ربنا يبارك فيك يا حبيبة على الدعيوة الحلوة .... ربنا يكرمنا بالذرية الصالحة و لا يحرمنا منها
أعضاء قرؤوا هذا الموضوع: 0
الروابط المفضلة