" عروسات المستقبل تعالوا اقولكم".. جزء ( 4 )

[dodo412]

مساء الخير ياهنودة ماليش اسئلة بس حبيت امسى
ههههههههههههههههههههههههه

[* ام شهد]

بصراحة منطقة حساسة الوصفات اللى جربتها بطئية بس مجبتش نتيجة كويسة بس بجرب بيتادين حاليا لو شوفت منه نتيجة حلوة حاقولك عالطول يا ام شهد وبردو انتى ممكن تستخدمى ليكوسيد للكواع بس تجنبى ان تتعرضى للشمس وعدم الاحتكاك وجربى مرهم على جزء صغير عشان تتاكدى انه مناسب ليكى

انا في انتظارك ياجميل علشان توريني مفعول البيتادين ..اوعي تنسي ها ومرسي خالص علي تعبك معاي

و ياريت تقوليلي تقصدي بايه السكراب اللي مفروض يتعمل قبل السويت علشان نقدر نتخلص من الجزور تحت الجلد ..هل تقصدي اي مقشر عادي ... ياريت توضحيلي بالتفصيل وتديني كم نوع واسم لسكراب معين وطريقة عمله وسؤال صغنن كدا ( هريتك هري معلشبس طيبة قلبك طمعتني فيك ) ...ايه رايك في كريم كاب (المقشر) وعلشان احصل علي نتيجه ممتازه ايه هي الطريقه المناسبه لاستعماله ..؟؟

[slavotta]

بجد بجد بجد يا هنوده ربنا يكرمك انا بجد استفدت منك كتيييير جدا و بدأت افيد زمايلى العروسات كمان و كله بناصيحك انا قبل كده كنت ميح المراجيح بس دلوقتى بقيت بقرا و افهم كلامك و بشيله عندى بجد ربنا يكرمك و يجمعك مع جوزو على خير و يكرمك دنيا و اخرة و يرزقك بذريه صالحه وانا كل ما هقرا موضوع جديد لكى هادعيلك ويارب دعوتى توصل ليكى وخدى دى

[solitair_sam]

نوجا * سماح ..انا فعلا بستعمل البيتادين وبقالى اسبوع وشويه اهو .( بالرغم من انى وقفته كام يوم كدا عشان كان عندى البريود وطبعا مينفعش استعمله ) .. وبجد حاسه بفرق واااضح .. واللون بقا واااااااااااحد وخفيف كمان ماشاء الله

بصى احسن حاجه انك تستعمليه قبل النوم عشان كدا كدا مش هتدخلى الحمام كتير ..ادهنى بيه وبسس كدا .. يوميا .. وان شاء الله تلاقوا نتيجه مبهره ليكوا كلكوا يابنوتات





هنووده ..ازيك ياقمرايه .. وحشتينى بجد خالث مالث .. رحتى فييين مستنيينك ومستنيين الموضوع الجديد .. بس الجزء دا شكلوا هيتقفل اهو ( مش بنلحق نفتح الجزء الجديد عشان يتقفل )

[سماح عزت]

ازيك يانودى عاملة ايه خو صحيح يانودة غلط ان احنا نعمل سويت اووفتلة الايام قبل البريود او وقت البريود يعنى مش نعمل الا لما نصلى وكمان يا نودى انتى استعملتى بيتادين كل يوم للفخدين ولا مرة فى الاسبوع زى ما قولتي قبل كده انا محتارة.. معلش يا نودى استحملينى تفتكرى يا نودى واحدة ليها شقتين هنا بعد الجوازوحلمت فى البداية انها هتعيش فيهم لكن الظروف حكمت انها تروح تسافر وهتعيش مع الزوج والاب والام فى شقة واحدة بسبب ظروف معينة وهى هتكون لسه عروسة بعد شهر العسل وهى محرجة تتكلم معها عريسها لان عرفة ان مش فى ايده حاجة بسبب الظروف ديه والله يانودى انا مش عرفه انا بقول ده هنا ليه لكن بفضفض معاكى شيفاها هتبقى صعبة اوى وخصوصا على وحدة بتتكسف من خيالها ويارب تكونى فهمتى انا قصدى ايه ..نفسى اكلمك على الميل لكن الظروف مش بتجمعنا

[هنودة هنانيدو]

السلام عليكم يا هنودة انا اول مرة اشوف الموضوع دة من سوء حظى
بس هاكمل معكم وسلامى للجميع
ممكن سؤال انا شعرى بيتساقط كتير مش عرفة اعمل اية ؟؟؟؟؟؟؟؟؟؟؟؟؟؟؟؟؟؟؟؟
ممكن تدلنى على شئ ماسك وشامبو مش عرفة اعمل اية؟؟؟؟؟؟؟؟؟؟؟؟؟؟؟؟؟؟؟
اختى بترضع س شعرها بيتساقط جامدتعمل اية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا فى جسم حبوب اعمل فية اية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
معلش طولت عليك كتير

اهلا يا توتى معانا منورة ياقمر ....
لشعر اللى بيتساقط الاول بس انتى عندك انيميا ؟؟؟ اوقات كتير انيميا بتكون السبب لو عندك لاقدر الله الاول تاخدى كبسولات حديد حسب ما تحددلك دكتورة لو لا يبقى عندك كذا ماسك حلو للتساقط

وفيه كبسولات بنتوجار ديه بتقلل التساقط وتعالج الشعر بتاخدى 3 كبسولات فى اليوم

الوصفات عندك الصبار حلو اوى للتساقط وفعلا بيقلل بس اوقات بينشف الشعر معتمد على نوع شعرك اذا كان حيتقبله ولا بس هو فعلا كويس اوى لمنع التساقط
حتلاقى زيت الصبار فى العطار

زصفة تانية جابت نتيجة مع كذا بنت مع الاستمرار استعمال زيت الجرجير

وصفة ثالثة استخدام زيت الخروع

او ممكن تجمعى الزيوت ديه مع بعضها زيت جرجير + زيت صبار + زيت سمسم

اى وصفة من دول مجربة بس لازم الاستمار عليها بتدفى الزيوت وتحطيهم على فروة الراس وتدلكى براحة عشان تتشربه الفروة والشعر بعد كدا تلفى شعرك بفوطة سخنة عشان تفتح مسام الراس وتستفاد بالزيوت وتسبيه لمدة ساعة وتغسلى شعرك بعد كدا اعمليه كل اسبوع

بالنسبة اختك طبيعى الولادة والرضاعة حتنزل الشعر الاول تهتم بالاكل والفاكهة وممكن تجرب اى وصفة من دول

حبوب اللى فى جسمك بسبب السويت ؟؟؟

[هنودة هنانيدو]

السلام عليكم ورحمة الله وبركاته
انا اول مره اشوف الموضوع انهارده بسد بجد عجبنى اوى وسجلته عندى عشان اقراه كله من اوله
وحكمل معاكى ان شاء الله مع انى مش عروسه لانى لسه فى الكلية قدامى كتير بس انا بحب اهتم بنفسى
ربنا يكرمك ويجازيكى عنا كل خير

ازيك يا نورا منورنا ياقمر مبسوطة انك معانا يارب يعجبك الموضوع ويالالا شدى حيلك وخلصى كلية عشان نشوفك عروسة امورة

[عروسة حبيبي]

الف مليون مبروك يا قمر ربنا يتمم ليكى بكل خير
ابتدى اهتمى الاول ببشرة وجهك وبشرة ايدك كبداية لانهم هما الظاهرين وطبعا بعد كدا تكملى كل حاجة تابعى معنا موضوع وشوفى الاجزء اللى فاتت وحتلاقى وصفات كتير بردو حرد عليكى بالتفصيل على سؤالك ده حاقولك على حاجات بسيطة تعمليها لبشرة وجهك وايدك حرجعلك ان شاء الله ديه بس احابة مؤقتة

شكرا على ردك يا جميييييييييييييييلة

هستنى التفصيل ان شاء الله .. وربنا يكرمك

[هنودة هنانيدو]

مساء الخير ياهنودة ماليش اسئلة بس حبيت امسى
ههههههههههههههههههههههههه

مساء النور يا دودو يارب تكونى بالف خير وميرسى على تمسية حلوة

[lonleygirl]

هنوده ياقمر ازيك للاسف خسرنا فعلا زى ماقولت بس بالعكس هما 3 واحنا 0 يلا الحمد لله المهم .
اولا: شكرا على ردودك المفيده اوى
ثانيا : انا كنت عاوزه اقولك انى عندى الصن بلوك بس دايما انسى ادهن قبل مخرج من شغلى ومش بفتكر الا وانا فى الطرق وكدا مش هاينفع احطه صح عشان بيقولو فيه كحول لازم يمتص قبل متعرض للشمس والا يحصل العكس ودا محتاج نص ساعه مش عارفه اعمل ايه
حاجه تانيه هنوده العلبه عندى بقالها 5 شهور تفتكرى ممكن تكون انتهت الصلاحيه