"عروسات المستقبل تعالوا اقولكم".. جزء ( 9 )

[هنودة هنانيدو]

السلام عليكم هنوده ميرسي اوي علي مجهودك الرائع ده وجزاكي الله خيرا

انا كان عندي سؤال انا صوابع رجلى تلاقي تحت الضافر كده حته غامقه و ايدي العؤله تلاقيها غامقه فممكن تقوللي حل وبجد جزاكي الله خيرا

ازيك يا يارا ؟؟؟
بصى ياقمر العؤلة حطى عليها كل يوم ليمون يعنى هاتى نص ليمونة وافركى بيها الصوابع وتسبيها تنشف وتحطى كريم مرطب حتجيب ان شاء الله نتيجة تعجبك وانا مجربها بس بتاخد وقت شوية يعنى مش اقل من اسبوعين كمان لما تاخدى شاور بتاعك افركى بالليفة على الصوابع

اما غمقان تحت الظفر هو اصلا بكتريا تحت الظفر ممكن تستخدمى مرهم جلدى ضد بكتريا بيشيل البكتريا ديه بس انا مش عارفة اسم كريم معين لو عرفت اجيبلك اسمه حاقولك حاضر

[هنودة هنانيدو]

حمد الله علي السلامة هنودة نورتي المنتدي تاني انا لسه ما لحقتش اقرا الصفحات كلها ان شاء الله اقراها وقت تاني بس قرات وصفات الدوم والليمون والكيوي ان شاء الله اجربهم وقريت طريقة الحمام المغربي بس كنت عايزة اسال هو احنا اذاي نفتح مياة سخنه ونعد في البخار يعني نفتح المياه الخمس دقائق كلهم وهل ممكن اللمبه تفرقع من البخار معلش استحمليني واستحملي اسالتي والف مبرووك يا سوليتير وربنا يرزقك الذرية الصالحة يارب بس هو اذاي نعود زوجنا علي مشكله الشعر الزائد وما بيكونش عنده فعلا مشكله منها

بصى ياقمر لما تفتحى سخان عادى ماء سخنة بتنزل تسبيها شغالة 5 دقايق وانتى تكونى قاعدة فى الحمام عشان مسام جسمك تتفتح وده مش حياثر على حاجة ولا اللمبة ولا غيره متقلقيش

[هنودة هنانيدو]

واخيرااا وليس اّخرا التوبيك جامد يانوده ومفيد للغايه بس سؤال انا مش بحب الشاى وطبعا انا اعرف ان الشاى بيعمل سمار تحت العين وغير اضراره المعروفه هل الشاى الاخضر بعيد عن كل ده ولا ايه النظام
ميرسى ياقمررر وللامام دائما دومتم بود

الشاى الاخضر يا سومة ملهوش اى اضرار زى الشاى العادى بالعكس هو مفيد جدا وكمان بيستخدم كياس بتاعته كمادات تحت العين

[هنودة هنانيدو]

هنوودة هو الشاى الاخضر بيساعد على الحرق
يعنى ممكن ينزل الوزن .......يا نهار ابيض وانا قاعدة اشرب شاى اخضر بقالى شهرين
ومش عارفة دا أنا مصدقت زدت شويه ..........يا خرابى يا عينى عليا
مليش دعوة انا عايزة تعويض انا عايزة شويه الدهون اللى اتحرقوا تانى
هههههههههههه

هههههههههههههههه انتى تحفة يا ملوكة ضحكتينى
ايوة الشاى الاخضر بيعلى معدلات الحرق فى الجسم بلاش انتى تشربى تانى
عوضى بقى عليكى بالحلاوة عليها قشطة فى سندوتش
او تمر باللبن
او حلبة معمولة بالسمنة زى المغات كدا واشربى
ده بجد وصفات دكتور بهاء ناجى كان قايلها اللى عايز يزود وزنه

[هنودة هنانيدو]

قمراتي العرايس عاملين اية؟؟
يارب تكونو في احسن حال
نودتي حبيبتي ونجدتياية اخبارك حبيبة قلبي وحشاااااااااااااااني فينك؟؟
يارب يكون المانع خير
سموحة حمدا لله ع سلامتك مش تسيبينا كتير ارجعلنا بسرعة يالا
roseمنورانا وان شاء الله لمتنا ترجع تاني عشان بجد وحشتوووووووووووووووووووووووووووووووني
بنات عندي سؤال ياريت تجاوبوني عليه عبال ما نواريتنا تيجي تنوري باجابتها تعالي بقة......... يانودي
انا سمعت ان لبس البرا في البيت غلط اية رأيكو في الكلام دة؟
حد سمعه من دكتور او حد ثقة؟؟
طيب انتو في البيت بتلبسو برا معينة؟؟نوعها اية؟؟
طب في الخروج نوع تاني؟؟اسمه اية؟
عشان بصراحة انا المفروض هشتري براهات جديدة وكدة فافتكرت الكلام دة اني كنت سمعاه قبل كدة فقلت اتاكد من خواتي حبايبي
ويارب نودتي نجدتي مش تغيب علينا كتير عشان اعرف رأيها هيه كمان قبل ما اشتري
سلام يا احلي قمرات في حياتي
ولسة عندي اسئلة كتيييييييير محوشاها
انتظرونا بعد تنظيف البيت
سنعود باذن الله
هههههههه

ميويا الامورة وحشتينى
انا اللى سمعته ان لبس البرا بيبقى مش طول اليوم يعنى فى الخروج حتلبسى برا مناسبة للخروج حسب ما ترتاحى عليها سوا كاب او مبطنة او غيره

فى البيت البسى البرا السوفت اللى بتبقى طرية ومش بتشد الصدر اوى اللى متنفعش تخرجى بيها فاهمنى يا ميويا ووفت النوم يبقى من غير برا لان وقت ده تريحى عضلات الصدر ويبقى انتى كدا عملتى توازن طول اليوم

[هنودة هنانيدو]

ازيكم يا احلى بنات وعرايس كل سنة وانتو طيبين
انا عملت الحمام المغربى الحمد لله واتبسطت من النتيجة بانت على بطنى وجنبى لان لونهم اغمق حسيت انهم احسن ورطبت بعديه بكريم مرطب وحطيت عليه زيت لوز مر وزيت جنين القمح ,,برغم انى عملته بليفة عادية مش مغربى ومشفتش خطوط دقيقة بتنزل فمعرفش ليه كده ؟؟؟؟!!!!مع انى اتبعت الخطوات بالظبط يا نودى تفتكرى كده عملته صح ولا اى كلام ؟؟؟

عاوزة منكم يا بنات تدعولى ربنا يشفشنى من المرض اللى عندى وميرجعش تانى ابداً وربنا يجزيكم خير

ربنا يشفيكى يارب ويحفظك من كل سوء وميرجعش ليكى تانى ابدا ويزيد صحتك يارب

هو منزلش خطوط رفيعة عشان هو ده الفرق بين الالليفة العادية والمغربية انتى عملتى صح بس الليفة مغربية هى اقوى وقماشها بيخلى الخلايا ميتة تظهر على شكل خطوط رفيبعة اما الليفة العادية مش بتعمل ده

[هنودة هنانيدو]

اني نفسي اعمل الحمام المغربي بس مش لاقية المواد تبعهم في السوق اعمل ايييييييه وادور عليهم فين

روز ياقمر شوفيهم عند العطار

[هنودة هنانيدو]

هنوودة شكل الموضوع الجديد كده جميل زى صحبته شوقتينا وسيبتينا
احنا فى انتظارك ..بالحق يا هنودة روحت اشترى زيت المريميه من عند العطار
قالى المريميه هو المرمريه بس انا مقتنعتش هما الاتنين واحد .؟

ايوة ياملوكة الاثنين واحد هو اختلاف نظق للكلمة مش اكتر

[هنودة هنانيدو]

تسلميلى يا ايمان على الترحيب
على فكره انا ماليش اخوات بنات بس والله حاسه انكم اكتر من الاخوات لانها فى الله
ويارب هنوده تدخل وتطمنا عليها

ازيك ياقمراية منورة معانا
احنا كلنا اخواتك هنا
وفعلا برا لاسو تحفة وناعمة جدا على الجسم وفى انواع تانية بتبقى سورى بردو حلوة ومش مهم تكون ماركة المهم تكونى مرتاحة معاها

ووصفاتك حلوة جدا تسلمى

[هنودة هنانيدو]

جزاكن الله خيرا اخواتي الحبيبات
ربنا مايحرمني منكن ابدااااا
يعني كدة الكلام موثوق فيه بلاش برا في البيت
طب بتلبسوا نوع طري سيلفي مثلا ولا مفيش خالص؟؟
طب بره في الخروج نوع اية احسن يكون ماسك وفي نفس الوقت مريح؟؟
حسبي ربي حبيبتي لاسو دي مش ب45ج ولا انا فاهمة غلط؟ولافي منها انواع؟
اصل واحدة قالتلي عليها انهاحلوة بس ب45ج
فقولتلها غاااالية طبعا ,قلبي مش يطوعني اجيبها ممكن يحصلي حاجة هههههه
ياريت تفيديني اكتر وربنا يجزيكي كل خير
نورا اية الاخبار سألتي ماما ولا اية؟
وخدو دي مني ليكو

جوا البيت البسى اى نوع سيلفى او روتانا او اى ماركة تبقى طرية ومش بتشد

برا البيت ماركة لاسو معروفة انها ناعمة وتظبط الشكل وتشد الصدر كويس بس هى ب 45 او 55 حسب موديل بس مش اقل من 45 بس تستاهل فعلا