" عروسات المستقبل تعالوا اقولكم".. جزء ( 4 )

[سماح عزت]

ايه ده هنودى ... برافو عليكى يا نودى طلعتى استاذة شاطرة وبتخافى على الطلبة بتوعك .هههههه

[lonleygirl]

تسلمى يا قمر بس ربنا يخليكى ردى على اسئلتى

[^سما^]

يعطيكم العافيه موضوع جدا مفيد

[عروسة حبيبي]

سلام عليكم

ما شاء الله التجمع جميل جزاك ِ الله خيرا يا هنوده

أنا بقى يا قمر على وش قراية فاتحة إن شاء الله بعد حوالي 3 أسابيع كده إن شاء الله

إيه اللي ممكن أبدأ أهتم بيه ولا أعمل إيه أنا مش عارفة

[هنودة هنانيدو]

جزاكي الله خير والف مبروك على جزء الجديد بتوفيق

الله يبارك فيكى ياقمر منورنا يا جميل

هنودة مببروك حبيبتي على الجزء الرابع قريت الاجزاء السابقة تقبلي مروري كتير حلوين ربي يحفضك انا عضوة جديدة وراح اتابعك دايما مبروك حبيبتي

منورة معانا يا حنونة وميرسى يا جميل على مرورك وخليكى عالطول معانا

ايه يا نووووووووودى .. فيييينك ومستنيين معلومات جديده بئا ..

لانك بقيتى اسااااااااااااااااااااااااااااااااااااااااااااااس دخولى هنا و اول ما بدخل ع المنتدى بشوف التوبيك بتاعك وان كنتى حطيتى معلومات جديده ولا تؤتؤتؤ

مستنياكى ياعروسة المنتدى كلوووو

ربنا يخليكى يا سوليتير معلش كان عندى ضيوف الايام اللى فاتت بس عملت توبيك يارب يكون مفيد لنا

[هنودة هنانيدو]

شكرا هنوده تسلمى يا قمر بس الليمون اخلطه مع الجليسوليد ولا ايه علما بانى بشرتى دهنيه
فيه حاجه تانيه بالنسبه للخطوط البيضاء انا قريت فى المنتدى وصفه بتقول انها بتسخدم البلاستيك الى بنحفظ فيه الاطعمه الشفاف ده ونلفه على الرجل ونكون قبلها دهن المنطقه بزيت زيتزن او جليسوليد ونعمل تمارين وبعد كدا نشيله بتقول مع المداومه هايتشال خالص والرجل كمان هاتخس خالص انت ايه رايك اجرب ولا لا انا خلاص بثق فى كلامك انصحينى اعمل ايه ودا عشانك

ايوة ياقمر تحطى الليمون مع جليوسليد ومش لازم ليمون كتير وتحطى كل يوم حول الاسمرار واهتمى انك تنشفى الفم كويس عشان بردو اثار الماء بتنشف وبالتالى تقلب سواد

انا قربتها بردو وفيه ناس عجبتها وطلعت النتيجة حلوة جربيها ياقمر هى مش وحشة وفعلا بتخسس بس المدوامة لمدة شهر ده عن كلام البنات اللى جربوها

هنوده اخبارك ايه انا كنت عاوزه لو تفيدينى فى موضوع الصن بلوك والحمايه من الشمس انا بستخدم بيودرما حمايه 100% دا كويس

اه طبعا بيودرما من صن بلوك الكويسة لانه كمان اويل فرى يعنى مناسب للبشرة الدهنية و 100 اعلى حماية بس يتجدد كل ساعتين عشان تستفيدى منه

[هنودة هنانيدو]

ازيك يانودى ياسكره الحمد لله كدا نطمن هيكون لينا اخوات فى السعودية وزى ما ربنا جمعنا على ارض واحدة وسماء واحدة فى مصر يجمعنا على خير فى السعودية ويجمعنا فى الجنة ان شاء الله ولو متقابلناش فى مصر نتقابل فى السعودية ان شاء الله لانى والله بجد بجد نفسى اشوفك عشان اكمل صورتك الى جوايا وانا متاكدة انى هى اجمل بكتير من الى بتخيله ..ويارب يارب يارب يكملك ورقك على خير عشان تروحى عند جوزو باه وتفرحى وتتهنى ان شاء الله..وتكونى اجمل زوجة فى عيون جوزو ويرزقك بالذرية الصالحة شهادة حب وتقدير.. وبوووسة كمان

ربنا يخليكى يا سموحة تسلمى حبيبتى على الكلام الجميل ده ويارب نتقابل فى اى مكان مع انى نفسى مسافرش عايزة اعيش هنا فى مصر نفسى والله مسافرش ابدا اى مكان اعيش واموت هنا بجد مفيش اجمل ولا احلى من مصر ربنا يكرمنا يارب ويسهل الامور ومسافرش واعيش هنا ادعولى مع انى دلوقتى زعلانة اوى على نتيجة ماتش 3 / 0 امريكا

[هنودة هنانيدو]

أزيك يا هنووودة وحشتينى ....عايزة اسئلك فى حاجة هو زيت اللوز لو
جه عليه مياه ممكن يسود الجسم زى زيت الزيتون ولا لأ
انا عارفة انى بطمع فى كرم اخلاقك كتيررررر

لا ياقمر بس عامة بلاش تحطى اى زيت وبعده ماء لان اوقات الزيوت تتفاعل مع ماء وتقلب سواد الاضمن بلاش بس هو مش زى زيت الزيتون وبردو بلاش اى زيت وتتطلعى بيه فى الشمس لانه حيقلب سمار واطمعى ياقمر زى ما انتى عايزة

[هنودة هنانيدو]

السلام عليكم ورحمه الله وبركاته
ازيك يا هنودة انا مروة اول مرة اكتب بس بصراحه استفدت كتير منك بارك الله فيكى
وفرحى قريب ان شاء الله وجربت الليكوسيد وحلو اوى انا يمكن مش بدخل نت كتير من فترة بجد انا حبيتك جدااااااااااااااا وربنا يكرمك مع جوزك يا رب وادعيلى ربنا يتمملى على خير ويتمم لكل بنت على الف خير وبجد رتبتيلى افكارى وخصوصا ان وقتى مزنوق بجد شكرا اوى

اهلا اهلا مروة منورنا ياقمر مبسوطة كتير بوجودك معانا وميرسى بجد على كلامك الرقيق واى خدمة ياقمر لو محتاجة اى حاجة احنا كلنا معاكى فى اى وقت وربنا يتمم ليكى بكل الخير يارب

[هنودة هنانيدو]

انتى عندك حق يا هنوده انهارده يوم مهم جدا منتخبنا فى مرحله حاسمه ومهمه انا كمان على اعصابى ربنا يكرمنا ونكسب 3/0ومرسيى على المعلومات الحلوه دى ونشوفك بعد الماتش سلام

الاسف خسرنا الحمد لله على كل شىء يارب نعوضها فى تصفيات كاس العالم مع روندا الماتش اللى جاى

حنكمل ان شاء الله مع بعض بس معلش مبارة مصر وايطاليا بتتعاد حاروح اشوفها بسرعة وارجعلكم مع انى 5 مرة اشوفها ..5 مرة يانودى يا سلام على اولاد البلد الاصيلين دى انتى على كده المفروض يدوكى من الجوايز بتاعتهم على المتابعة دى كلها هههههه... يارب يفرح كل المصرين وكل العرب والمسلمين بالفوز النهارده يااااااااااااارب ... احلى حاجة فى الفوز هى فرحة الناس وخصوصا الغلابة الى محوطاهم كتير من المشاكل بس بتدخل قلوبهم الفرحة مع الفوز يااارب اكرمنا... موضوعك يانودى بداية موشوقة للغاية وبيوضح الحقائيق الى بنتجاهلها ونقو ده حصل ازاى ؟؟ ربنا يستر لانى اصلا عندى قابلية جمدة للزيادة ليه لانها وراثة ....مستنينك بعض الفاصل بس مش تتاخرى علينا عشان احنا بنستناكى زى ما طلبة الثانوية العامة بيستنوا الدرس بتاعهم ههههههه ...

الحقى نفسك يا سموحة وخليكى منظمة طريقة الاكل مع رياضة عشان ميحصلش اى زيادة