ركن الجمال المغربي.. للمغربيات و لكل الاخوات.. الجزء 27

[sihamsami]

وعليكم أفضل السلام أزين
كيف لحال أسماء لاباس ؟ كينشي منقضيو ؟ شي وصفة شي سؤال هههههه

[همسات شجن]

لاباس الحمد الله و انت لاباس عليك
انت هنا ومخبية
عجبوني هاد الوصفات ديال الغاظ حتي انا باغة نزيد شوية مكتعرفيش شي وصفة دقة بطلة نترقعو شوية

[bitiscool]

السلام عليكم البنات كيف دايرين؟؟ نتمنى تكونو كلكم بخير
ايوا تبارك الله عليكم معندي ميتسالكم رجعت الركن نشيط بحال الاول ههههه
ايوا شفتكم كتهدرو على الغلظ باغين تكملو الفيلم ديال البقرات السبع ؟؟هههههههههههههههه
ايوا فيدونا معاكم اشنو هي هاد الوصفة الل كتهدرو عليها

[همسات شجن]

اختي ام توتةحتي انا عندي بنت وولد وكنعاني من نفس المشكلمع الولد وواحد النهار وانا وانا خارجا معاهم تلاقاتني واحد المرا وحسابها البنت هي لي كبيرا وقالتلي اعطيهم الحلبة والعسل مع الحليب في الصبح واتي غدي تشوفي الفرق تقول بانها كانت كديرها لولدبنتها وانا شفت ولد بنها لانو كان معاها وقالتلي بانه عندو اربع سنوات يعني من نفس عمر ولدي وتبارك الله تقولي عندو 6 سنوات ودرتها لولادي وجابت نتيجة واللحمد لله ولكن الراجل مبغاليش منين شم ريحت الحلبة مع اني كنت كندوش ليهم كل انهار ايوا وانتي عارفا الولاد كيتحركو بزاف ومنين امشيت للمغرب قالولي علي حاجة اسمها ليلي كتفتح الشهية وتقوي العظام واشريتها وحمرتها في الفرانواحنتها وكنت اما كطيبها ليهم بحال اليشا ديال الشعير او كنخلطها مع العسل في امعيلقا وكنوكلهالهم ودابا الحمد لله وكنتمنى تجيب معاك نتيجة نسيت نقوليك كتباع عند العشاب اواجربيها وردي علييا لخبار

كيدايرة bitscoolلاباس عليك شفت الاخوات قبيلة كيهدرو عللا هاد الوصفات او بغيت حتى انا نجربها

[sihamsami]

أهلا ببتي لاباس أزين كيراكي مع شي زمت ليوم مكينا شمش ولكن الزمت ياربي السلامة
أسماء عندي ليك واحد الوصفة كتبان نتيجة من السيمنة الثانية ، حنيكات وكلشي لكتمناي ولكن منظن غتبغيها حيت فيها لحلبة وللي بغا العسل يصبر لقريس النحل
أش قلتي نكتبها ، راها لي دارتها كتشكر فيها بزااااف أنا كون معندي لمصارن ؤخايفة منهم كنت عملتها وخا الريحة في هاد الصيف راه التدواش يومي

[همسات شجن]

غير كتبيا اختي الله يجازيك بخير انا الحمد الله واخة كنكل الحلبة مكتخرجش في ريحة بزاف

[sihamsami]

البنات اللي باغين يغلاضو ويبانو ، هادي وصفة دايرا ببببببوم ، في واحد المنتدى مغربي 100 ف100 ، ؤكل لي جرباتها كتشكر فلي كتباتها ، ؤ فعلا بزاف لي لاحظو الفرق كيسميوها بوصفة الملكة ،
خودي كيلو حلبة ، نقيها ؤغسليها ؤشمشيها حتى تكرم ؤطحنيها في مولينكس ، وغربليها وحتافظي بيها في قرعة زاج
شري سيرو من فرماسيان اسمو برفيتال (ثمن 30 د)
طريقة الإستعمال (البرنامج)
في الصباح مع 9 ، ديري 3 معالق صغيرة من الحلبة في كاس فيه نصف ماء ساخن ، نخليه جانبا 3 ساعات غيولي مافيهش حس الما ؤغيضاعف حيت غتشربو الحلبة ،
ؤملي تجي 11 صباح ، سخني كاس الحليب ؤ حطي 2 معالق ديال الحلبة لي شربات هاداك الما (الليحضرتي سابقا ) ، ؤزيدي شوية سكر ؤشربي بالصحة والهنا ، ؤنفس العملية ديريها مع 8 ديال الليل
أما السيرو برفيتال غتشربيه عادي 3 مرات في اليوم ، أي ملعقة كبيرة قبل الفطور وقبل الغداء وقبل العشاء
ملاحظة : ملي يسالي ليك السيرو ممكن تكملي الوصفة بلا بيه ، ونتوما عارفين الحلبة راها مزيانة للذات أما ريحتها تقدرو دوشو كل يوم ودابا راه الصيف تندوشو بلا حلبة ولا والو ، ؤ عطرو طوابك مزيان ؤصافي (ولي بغا الزين يصبر لقريس الوذنين)

وأي استفسار أنا هنا

[bitiscool]

كيدايرة bitscoolلاباس عليك شفت الاخوات قبيلة كيهدرو عللا هاد الوصفات او بغيت حتى انا نجربها

شكرا الزين على الجواب

أهلا ببتي لاباس أزين كيراكي مع شي زمت ليوم مكينا شمش ولكن الزمت ياربي السلامة

ربي يخليك حبيبة وغير سكتي راه حتى هنا الجو مزموت

[bitiscool]

بصح ا سهام انا هاد الوصفة فايتة قريتها هنا في الركن
وفعلا الحلبة كلشي كيعرف انها كتغلض
انا في الصراحة باغة نجربها ولكن خايفة من الريحة خصوصا انني كنقرا في هاد الصيف ولكن واقيلة بان لي غادي نجربها وامري لله

[همسات شجن]

شكرا على الوصفة بزاف و لكن واش ضروري نديروها فداك الوقت انا خدامة نهار كامل معنديش الوقت وقتاش نشربها