مرحبا مجدداً... 
الله عليش يا أم المقدام... والله أحلى مافيش يوم قلتي
(ما أبغي أضغط على زوجي)...
الله يسعدش دنيا وآخره ويهنيش بمن تحبينهم ويزيد من طيبة قلبش...
وفكرتش مرره حلوه سلمت يمناش...
وإختي دكتورة 82 تسلمين عالمرور... وصحيح علب البرنجلز الصغيره تنفع كمان...
والصراحه أعتقد علب الزبادي ما تنفع لإني إكتشفت إن مافيها غطا... !
ولا علب الآيسكريم الصغيره لإنها تكون من ورق مقوى وإلا مادري إيش...
(شكلي قاعده أفتيلكم وانا مايخصني في الموضوع) هههههههه
المهم... هالفكرة سويتها من يومين... وحبيت إني أنزلها لكن...
وهي عن مقسم الأدراج... صحيح إنه يرتب الدرج كثير مره... بس أحياناً تواجهين
صعوبه في مسألة الحلقات بالتحديد...
(الحلقات إللي ما تشترينها مع طقم إكسسوار كامل في علبته)...
يوم بتحطينهم كلهن في علبة وحده... بتضطرين كل مره تبغين تستخدمين فيها
حلق إنش تدورين ساعه في العلبه على نصها الثاني...!!
وهذا مثال مصغر لطريقة ترتيبهن في المقسم...
1- تحضرين المقسم...
وتجهزين صمغ بارد... إضافة إلى الصمغ الشمعي الساخن...
وبتحتاجين لورق كرتون... وأنا الصراحه ماكان متوفر عندي بالحجم المطلوب
فاضطريت إني أستخدم مجموعة من الكروت... ونصيحة مني لا تستخدمون الورق
بداله إذا ما توفر عندكم الكرتون الخفيف... لإن الحلقات ما بتتحمل مع الثقل...
وتلزقينهم ببعض على نفس حجم حجرة المقسم... وتغلفينهم بورق جلاد... وإلا
ورق ملون وإلا ورق برنتر... أي شي متوفر عندش
(بس كنصيحة مني... دايما تخيري الأفضل وراعي تناسق الألوان حتى يكون شكل الدرج دايما حلو ومرتب)
أنا استخدمت ورق البرنتر (صعب الساعه 12 بالليل الوحده تطلع وتشتري جلاد حلو) هههههههه
بعدها اتركي مسافه واحد سنتيمتر واعطفي طرف الكرتون للخارج... كقاعدة له...
خذي قطعة ورق وقصيها بحجم حجرة المقسم... وفرغيها على شكل خطوط
مثل ماهو موضح في الصورة... بس لا تقصينها للآخر... عشان تتثبت معاش قطع الكرتون...
أما المربعات نفسها فقصيها من اتجاه العطفه بحيث يكون عرضها صغير ويسمح
لها بالدخول في ثنايا الورقه إللي قصيتيها...
بعدها كمجرد تزيين إضافي... زيني المربعات الكرتونية بأي شريط عندش وعلى حسب ذوقش... ويفضل يكون بأعلى الكرتون بس وبآآخر الطرف...
وخذي قطعة شمواه بنفس لون الشريط أو قطعة جلدية أو أي شكل تحبينه...
وطبقي فيه نفس خطوات تفريغ الورقه الأخيره...
بعدها قسمي كل مربع إلى أربعة أجزاء... وإرسمي في أعلى كل جزء رمزين متشابهين...
وفرغيهن من الوسط بواسطة إبره سميكة من بعد ما تسخنينها... (( إنتبهي تنحرقين لإني إنحرقت في هالحركه
ههههه))
بعدها حاولي تسويين مخروط ورقي بنفس حجم أي أساور عندش... وحاول تخلينه
بنفس حجم حجرة التقسيم...
وبعدها ثبتي المربعات الكرتونيه عن طريق أطرافها المعطوفه بالصمغ البارد...
وفوقها حطي الورقه وفوقها قطعة القماش وضيفي قطع أخرى كل وحده بنفس
حجم بقية الحجرات في المقسم نفسه وثبتيهن بالصمغ الشمعي الساخن...
بتلاحظين إن مربعات الكرتون شوي مايله لقدام مع ثقلهن بالنسبة للورقه...
في هالحاله حاولي تثبيهن من الجوانب بقطع لزاق صغيره وشفافه... بس عالأطراف...
وبعدها ضيفي بقية إكسسواراتش ورتبي حلقاتش في المربعات...
وبتظهر عندش الصورة النهائية بهالطريقة... كمثال:
ولي عوده...
(( شكلي بنطرد قريب من الموضوع 
)) ههههههههههههههههههه
النجم الفضي
بـــاك...
أعضاء قرؤوا هذا الموضوع: 0
رد مع الاستدلال
الروابط المفضلة