بتستعملى ايه مسحوق غسيل أوتوماتيك؟؟؟؟

[منة من الله]

السلام عليكم
انا ولا بستعمل اريل ولا برسيل ولا تايد عشان المقاطعة انتوا نستوها ولا ايه كله فداك يا رسول الله
بس بونكس حلو انا بستخدمه

[bent masr]

يا جماعة الكلور مش بيبوظ الغسالة؟؟؟

[مى مودى ميزو]

السلام عليكم
انا ولا بستعمل اريل ولا برسيل ولا تايد عشان المقاطعة انتوا نستوها ولا ايه كله فداك يا رسول الله
بس بونكس حلو انا بستخدمه

على فكرة بونكس بردو انتاج بروكتر و جامبل يعنى تبع المقاطعة يا اختى و انا كنت بستخدمة ووقفته لما عرفت كدا

و بستخدم دلوقتى اوكسى كويس مش وحش و اذا فى حالات اتساخ شديدة للملابس بستخدم كلوركس للملابس الملونة او للبيضاء حسب نوع الملابس و بيدي نتيجة مرضية

[مى مودى ميزو]

يا جماعة الكلور مش بيبوظ الغسالة؟؟؟

لا يا اختى طالما للغسالات الاتوماتيك مش هيبوظها ان شاء الله

[DODY1778]

السلام عليكم و رحمه الله و بركاته ..... انا شخصيا بحس ان اريال بيبهت الألوان و بيبوظ الملون لكن كنت بستعمله جربت برسيل لكن معجبنيش و تايد معقول و فعلا حاسه ان مفيش فرق قوى ...... و بالنسبه للبقع انا بحط عليها شوت قبل الغسيل و ممكن على الأماكن الشديده الأتساخ ايضا و يوضع عليها و تدخل الغساله بعد كده و هو كويس جدا و نصيحه لو فى بقع اغسيليها على طول و لا تتركيها مده .... و ايضا استخدم الكلور للأبيض خاصه و ممكن للألوان احيانا و النتيجه مرضيه ....و لكنى قلقانه من حكايه انه يبوظ الغساله لكن مش عارفه ناس كتير بيستعملوة؟؟؟؟ انتو رائيكوا ايه؟؟؟؟

[bent masr]

مادام كلكوا بتستعملوا الكلوركس عادى فى الغسالة,يبقى على بركة الله....أجربه!!!

[حبيبه أمها]

بصراحه انا مجربتش غير بونكس مرة واحده بس دايما اريال
وبصراحه انا مش بيعجبنى غسيل الاوتوماتيك بس حعمل ايه الوقت ضيق وبتريح من مجهود الغسيل
بس عموما انا كل كام غسله لازم انقع الابيض فى ماء سخن وكلور عشان يبيض ويزهزه
لانى سمعت ان كتر الكلور فى الاوتوماتيك بيآثر عليها
اما غسيل الالوان فلو حاجه فيها بقعه بحاول اطلعها قبل الغسيل

انا عندى غساله عاديه بس المروحه عايزة تتغير وبتحايل على زوجى يغيرها
موضوع حلو وفيه فايده
جزاكم الله خيرا

[ام البنين5]

انا باستخدم بونكس وبحط كلوركس للابيض والالوان وكمان معطر دوانى فى الشطفه الاخيرة والحمد لله الهدوم زى الفل والريحه جنان

[سوسن يونس]

انا اتجهت او اكتشفت حديثا انه في تايد للاوتوماتيك

وانبسطت كثير من النتيجه بعد تجربتي للايريال والبرسيل

والحمد لله

[قمراية]

انا بستعمل برسيل

ومش بستغنى عن الكلور ابدا