يسلمو كتير كتير يا ام محمود على طرح هاد الموضوع اللي بالنسبة الي اكتر من حساس
الزوج للاسف ازا حط بباله يتزوج ممكن يعمل اي اشي ويحكي اي اشي عشان يبرر فعلته
بنسى اهم طرف بالمعادلة الا وهم الاطفال
بنسسى انهم بشر وانه نفسيتهم ممكن تتأثر من فعلته
بصير يحكي حكي ما بنحكى على امهم
من انها مريضة ما بتعطيني حقوقي
ما بتحترمني ما بتعملي اكل
فالولاد بصيرو يسمعمو من الناس عن امهم
يعني ازا كانو بعمر المراهقة صدقيني مستحيل رايحين ينسو
وازا كانو متجوزين برضه بتحز بنفسهم
مني وعلي مستحيل مستحيل اغفر لاي رجل مهما كانت احتياجاته هاي العملة
لانه الوحدة لما تاخد واخد بتاخده عالحلوة والمرة وهو كمان هيك المفروض
يعني هي لما تمرض هو طوالي بصير يفكر يتجوز عليها
وصارت كتير صدقيني بصير يحكي بدل ما ادفع عليها مصاريف واعالجها
ليش ما اروح اتجوز واريح راسي
بس هو ازا مرض زوجته بتصير اله ممرضه وبتفني عمرها وهي تاخد بالها منه
ليش هالظلم اصلا
وبس يتجوز بتصير مرته الجديدة هي كل اهتمامه وبنسى اصلا انه كان عنده اولاد وزوجة
بصير الاشي اللي ماكان يرضى ياكله او يجيبه لزوجته الاولانية ياكله مجبر وخايف من الجديدة
بمعنى اخر بتربيه وبتخليه يمشي عالعجين ما يلخبطو
الرجل اناني اناني بكل معنى الكلمة وما تحكيلي مو كلهم
اناني لانه ما بفكر الا بنفسه وبشهوته
ان شاء الله لي عودة عالموضوع ام محمود
الروابط المفضلة