للبحث في شبكة لكِ النسائية:
|
بصى يا روز الماسكات بتكمل جمال البشرة يعنى مش لازم يبقى عندك مشكلة فى بشرتك
هى بترطب وتنعم وتغذى
كل ماسك معتمد على نوع بشرتك يعنى الاول لازم تحددى بشرتك نوعها ايه
يعنى دهنية بيبقى فى دهون كتير فى البشرة وحبوب وملمسها كانه فيها زيوت
بشرة جافة بتبقى ناشفة وساعات تعمل قشور وتحسى ان وشك مشدود اوى
بشرة عادية مفهاش اى مشاكل بتبقى مفهاش حبوب ولا بقع ولا دهون ولا جافة
بشرة مختلطة او مركبة بيبقى الانف والجبين دهنى والخدود عادية
انتى الاول قوليلى نوع بشرتك ايه من دول وعلى اساسها بتعرفى منتجات مناسبة ليكى وماسكات
ميويا ياقمر العرق عند كل الناس بس فى بشرة بيبقى زايد اكتر
انتى الاول شيلى عالطول شعر الابط لان سبب اريحة العرق البكتريا
وبلاش مزيلات عرق بتعمل سواد ولاقدر الله بتصيب بامراض سرطانية لانها تقفل المسام وطبعا العرق بيتحبس جوا الجلد وده غلط
فى وصفات طبيعية حلوة
زى شبة مع بودرة تلك مع ماء ورد ومسك مطحون وليمون يتخلطوا مع بعض ويتحط تحت الابط بيبيض وكمان بيشيل رائحة العرق
بس الاول جربى الشبة لان فى بشرات مش بتنفع معها انا جربتها ومنفعتش معايا جلدى كان حساس لها
كمان كل يوم اغسلى تحت الابط بصابونة ديتول بتقتل بكتريا ونشفى وحطى بودرة تلك انا مجربها وحلوة فعلا
واشربى ماء كتير بتخلى سموم الجسم تطلع وتخلى ريحة العرق احسن
وبردو وصفة بودرة تلك وماء الورد تحطيها تحت الابط بتخلى ريحة حلوة بردو مجربها
كمان فى كريم لازالة رائحة العرق بيستخدم مرة واحدة فى الاسبوع بيفضل مفيش رائحة عرق لمدة اسبوع ودع الفرق بينه وبين مزيلات العرق ان كريم ده بيخلى عادى فى عرق بس من غير ريحة
انا جربته كام مرة لقيته كويس بس مش عالطول تستخدميه يعنى خليه لو انتى فى مناسبة او طالعة رحلة يعنى كل مدة كدا تحطى منه تحت الابط
كريم اسمه فيبيكس موجود فى صيدليات
زكية ده موضوع عن سليوليت اقريه
تعاني كثير من السيدات من مشاكل السيلوليت التي هي عبارة تجمعات مائية أو دهنية تتسبب فى تشوه مظهر الجسم أو مناطق معينة كالأرداف ، مما يسبب كثير من القلق ، ولكن يؤكد الأطباء أنه ليس مرضا فعليا أو تشويها خلقياً إنما هو التهاب الأنسجة الخلوية في الجسم وهو يصيب النساء بشكل خاص ونادراً ما يصيب الرجال لاختلاف طبيعتهم الجسدية.
كما يوصف الأطباء السيلوليت بالسمنة المائية التى هي كناية عن تجمع كميات زائدة من السوائل (الماء) في أماكن محددة ومعينة من جسم الفتاة فيسبب فيها تنفخاً وبدانة مفرطة مما يشوه تناسق قوامها الخارجي ويجعلها غير راضية وربما محبطة من هذه التغيرات.
فرق كبير
---------
من أكثر الأماكن تواجداً وتمركزاً للسيلوليت هي المؤخرة ومنطقة الفخذين والوركين وصفحة البطن الأمامية واعلي الظهر أي المنطقة الخلفية العليا من الرقبة ، وتجمع الماء في هذه الأمكنة يسبب انتفاخاً في الجلد فتظهر مسامة بشكل واضح بحيث يصبح شبيها بجلد البرتقالة وعندما تقفز الفتاة أو تسير أو تتحرك بسرعة تشعر بان شيئاً ما يترجرج تحت جلدها وكأنه منفصل عن جسمها وما هذا الشيء سوى اهتزازات التراكمات المائية تحت جلد المؤخرة أو الأوراك مما يولد شعوراً بان هناك كميات من الهلاميات أو الجلي متجمعة في تلك الأماكن ، كما ذكرت جريدة "الرياض".
ويؤكد الأطباء كما ذكرت جريدة "الرياض" أن هناك فارق كبير بين السيلوليت التي كناية عن تجمع الماء في الأنسجة الخلوية وبين السمنة أو البدانة والتي هي كناية عن تجمع وتكدس الدهون والشحوم في أنسجة الجسم كله وشرايينه وخلاياه.
أوجه الاختلاف بين الرجل والمرأة
---------------------------------
أما عن أسباب ظهور السيلوليت عند النساء دون الرجال فيرجع إلى الأسباب الآتية :
_ تكوين جسم المرأة الفيزيولوجي يختلف عن جسم الرجل وخاصة على صعيد الإفرازات الهرمونية في الدم.
_ دم الرجل لا يحتوي على هرمونات أنثوية من نوع الاستروجين والبروجسترون التي تتأثر بها الشرايين والخلايا إلى حد بعيد.
_ سرعة الدورة الدموية والدورة الليمفاوية عند الأنثى مختلفة عنها عند الرجل، وظهور البواسير والدوالي أي تنفخ أوردة الشرج والساقين والأرجل عند المرأة بنسبة عالية مقارنة بالرجل دليل على ذلك.
_ هناك تبدلات هامة جداً فيزولوجية وعصبية وهرمونية تحدث في جسم المرأة فقط خلال دورتها الشهرية.
_ المرأة اقل حركة من الرجل بكثير كما ان كميات الأكل التي تتناولها في الغالب أكثر من الرجل.
أما عن العلاج فيتعدد طرقه و التى تكون بعيدة تماماً عن ما ينشر فى الإعلانات ومراكز التجميل من جلسات ودهانات والتى يؤكد الأطباء عدم تطابقها مع العلم الحديث حول مصدر هذه التكدسات المائية في الجسم .
التدليك
------
يعتبر التدليك والماساج من الطرق الجيدة للتخلص من السيليوليت حيث يتسبب التدليك في بعض الأحيان فى رضات حقيقية للأنسجة الجلدية ، وخاصة إذا كان عنيفاً قوياً بقصد تحريك وتسريع الدورة الدموية، ولذلك يفضل استخدامه تحت إشراف طبيب.
الرياضة
----------
أفضل علاج للسمنة المائية وكذلك للسمنة الدهنية هي الرياضة البدنية المتزنة والحركة الدائمة التي من شأنها تنشيط الدورة الليمفاوية وإحراق السعرات الحرارية الذهنية مما يساعد الجسم على التخلص من السمنة الزائدة واستعادة رشاقته وجمالة. وتعتبر رياضة الإيروبيك والسباحة من أفضل الرياضات المفيدة جداً لحالات السمنة، حيث تحرك عضلات الجسم كلها وتنشط الدورتين الدموية والليمفاوية وتزيل الشحوم الزائدة كما تقوي عضلات البطن والظهر والردفين
السلام عليكم
ازيك ياهنوده وحشانى كتير انا لسه للاسف مش عارفه اتابع معاكم اوى لسه بقرأه القديم بس عندى كام سؤال هدوشك معلش استحملينى هو احنا لما نيجى نعمل وصفه للمنطقه الحساسه لازم نشيل الشعر الاول طب لازم سويت ولا ممكن شفره وبعدين انا سمعت اسمه Eldoquin Forte 4% cream
تخلطيه مع كريم ثاني اسمه Diprosalic
لتفتيح المنطقه انتى رايك ايه ممكن يكون فيه ضرر وهو فعال فعلا
وكمان سمعت عن كريم كلينيك للعين انه حلو للهالات والخطوط فياريت تقوليلى هو فعلا كويس وياريت تقوليلى سعره كام
معلش بتعبك
اهلا حبيبتي هنودة اشكرك جدا وحاسة اني اتعبك معايا
بالنسبة لبشرتي فهي عادية
وعندي استفسار ثاني بشان كيفية استخدام الشب لازالة رائحة العرق تحت الابط
وتسلميلي ياوردة
السلام عليكم يا احلى بنانيت
سلامى لكل البنات ... وكل سنه وانتم طيبين
ازيك هنودة عامله ايه ؟؟؟ وحشتينى جدا ولله وحمدلله على السلامة بعد الغيبه دى
قريت موضوع الخصوبه ... جميل جدا وجزاكى الله كل خير .. والله تصدقى الواحد خايف من دلوقتى مع انه لفى ارتباط ولا حاجة وكنت بفكر فى الموضوع دة كتير جدا ... الحمد لله
وقريت موضوع السليوليت كمان جميل جدا .. جزاكى الله خيرا
بس ليه سؤال لو تسمحى ...
انا بحب المشى جدا .. المشى الرياضى ووزنى اللى حد ما كويس بس مشكلتى فى منطقه البطن.... ودلوقتى بقيت انزل امشى لمدة ساعتين ولمسافة الى حد ما كويسه "" يعنى مثلا من 45 الى سان استيفانو"" كدة يبقى كويسه المسافة ولا ايه ؟؟؟؟ وهل المشى بيساعد على نزول البطن دى ؟؟؟.. نفسى تبقى مستويه . .. وان شاء الله حعمل التمارين اللى قولتى عليها ...
ازيك " saroow " عامله ايه ؟؟
بصى هو انا مرة روحت لدكتور كتبلى على الكريم دة ELDOQUIN FORTE 4%
لمنطقة الابط وجربته شهرين مجابش معايا نتيجة ممكن علشان مجاش عليا وفى منه كمان بالصن بلوك وتمنه 50 جنيه بس لو جيتى قريتى الروشته او الاستخدام حتلاقيه مخصص لزيادة الميلانين واسمرار الجلد نتيجة الاحتكاك وكدة بس الروشته مش بالعربى .. والدكتور كان عطيهولى استخدمه لوحده من غير اى اضافات اخرى .. فانا مش عارفة عن الكريم التانى حاجة ..
الروابط المفضلة