ال menuانهاردة ايييييييييييييييييييييييييه

[sadina]

فراخ بالكاري مع رز بسمتي...

المقادير:
فرخة متقطعة 8 منزوعة من الجلد..
3 بطاطس مكعبات كبيرة
5 طماطم كبار مسلوقين ومنزوع القشرة ومضروبين بالخلاط
2 بصل
5 فصوص توم كبار مهروسين
2 معلقة ص زنجبيل
2معلقة ص كزبرة ناشفة
1معلقة ص كمون
1معلقة ص كاري
نص معلقة ص فلفل
نص معلقة قرفة
4 حبات حبهان
4 حبات قرنفل
شطة حمرا حسب الرغبة
زيت

الطريقة:
نشوح البصل بالزيت ومعه القرنفل والحبهان ونضيف الدجاج ومعه القرفة والفلفل ونقلبه 3 دقايق من كل الجهات ثم نضيف البطاطس ونقلبها من كل الجهات ونضيف عليها الطماطم ومعها كل التوابل والتوم والملح ونترك المزيج كله على نار هادئة جدا جدا لمدة ساعة ونصف في حلة مقفولة كويس..عشان الميه ما تتبخر بسرعة قبل ما تستوي الطبخة..
عندما يستوي نرش عليه كزبرة خضرا مفرومة ناعم جدا..

يقدم مع الرز البسمتي المسلوق..
نسلق البسمتي بمي وملح ومعه كمون حب (يعني مش مطحون) لكل كوب ربع ملعقة كمون ..وننتبه لانه بيستوي بسرعة مش اكتر من 10 دقايق على حسب نوع الرز

ويقدم مع الدجاج والف صحة وهنا..


ملاحظة لما نسلق الرز البسمتي لازم تكون المية كتيرة يعني كل كوب محتاج 4 كبايات مية عشان لما يستوي حنرمي المية وبيكون صحي من غير زيوت..

[mehad]

[دينا أم ملك]

فى ناس بتقول انه بيتسلق فى ماية كتيره زى المكرونة وبيتصفى
ومتهيألى الكوباية ونصف كفايه لو حيتعمل زى الارز العادى أفيدونى بالله عليكم وعن تجربه

[دينا أم ملك]

فراخ بالكاري مع رز بسمتي...

المقادير:
فرخة متقطعة 8 منزوعة من الجلد..
3 بطاطس مكعبات كبيرة
5 طماطم كبار مسلوقين ومنزوع القشرة ومضروبين بالخلاط
2 بصل
5 فصوص توم كبار مهروسين
2 معلقة ص زنجبيل
2معلقة ص كزبرة ناشفة
1معلقة ص كمون
1معلقة ص كاري
نص معلقة ص فلفل
نص معلقة قرفة
4 حبات حبهان
4 حبات قرنفل
شطة حمرا حسب الرغبة
زيت

الطريقة:
نشوح البصل بالزيت ومعه القرنفل والحبهان ونضيف الدجاج ومعه القرفة والفلفل ونقلبه 3 دقايق من كل الجهات ثم نضيف البطاطس ونقلبها من كل الجهات ونضيف عليها الطماطم ومعها كل التوابل والتوم والملح ونترك المزيج كله على نار هادئة جدا جدا لمدة ساعة ونصف في حلة مقفولة كويس..عشان الميه ما تتبخر بسرعة قبل ما تستوي الطبخة..
عندما يستوي نرش عليه كزبرة خضرا مفرومة ناعم جدا..

يقدم مع الرز البسمتي المسلوق..
نسلق البسمتي بمي وملح ومعه كمون حب (يعني مش مطحون) لكل كوب ربع ملعقة كمون ..وننتبه لانه بيستوي بسرعة مش اكتر من 10 دقايق على حسب نوع الرز

ويقدم مع الدجاج والف صحة وهنا..


ملاحظة لما نسلق الرز البسمتي لازم تكون المية كتيرة يعني كل كوب محتاج 4 كبايات مية عشان لما يستوي حنرمي المية وبيكون صحي من غير زيوت..

تمام اوى ياسادينا
الطريقة حلوة اوى اوى
جزاك الله خير الجزاء

[monaahmedsaad]

بفكر اعمل النهردة الاكلة ديه قدمتها سابقا
وهي فراخ كنتاكي
*طبق متميز*فراخ كنتاكي وسلطة كول سولو وبطاطس مقلية وعايشتهم جو كنتاكي بالبيت (

[sadina]

دينا لو حتسلقيه يبقى بتصفيه زي المكرونى بمية كتيرة لكن لو حتطبخيه عادي فكباية ونص مية..
والف هنا وشفا يا بنات..


منمن حلوة فراخ الكنتاكي اوي...بعملها دايما وهي رائعة وانضف طبعا من الاكل برا..
صحتين وهنا..

[مرات جوزها]

ايه انتو كلكو طابخين ..........وعامين البدع كمان ....الواحد احتار يعمل اكله مين فيكو .....انا فى ده كله حعمل بسبوسه....لانى عامله سندوتشات سوسيس بطاطس محمره

[مرات جوزها]

يا جماعه ارحموا الناس الغلابه اللى بتشتغل ومش عارفه تعمل حاجه
انا يوم السبت عملت مكرونه مسلوقه وبشوحها فى زبده وملح وفلفل وفى الاخر احط عليها الجبنه من غير اى صوص كانت تحفه
وبطاطس بيوريه
سلقت البطاطس وهرستها وزودتها لبن والتوابل طبعا
وفى البيركس معلقة زيت وحطيت نص البطاطس
وكنت مقطعه صدور فراخ صغيره اوى وحمرت بصله وحطيتها عليها وفلفل اخضر وتوابل وسويتها
اخدت منها وحطيت طبقه على البطاطس وطبقه بطاطس تانى وجبت الجبنه الشيدر من غير تقطيع وغطيت بيها البيركس ودخلت الفرن
وطلعت حلوه حلوه حلوه

اكيد يا بنتى حلوه حلوه

[مرات جوزها]

انا النهاردة عملت بسبوسة

كوب ونص سميد خشن
3\4 كوب جوز هند
نص كوب زبد (انا بخلطه بالسمن)
نص معلقة صغيرة بيكربونات
نص معلقة بيكنج بودر
كوب سكر
ذرة ملح
كوب زبادي

ملحوظة الكوب المستعمل يكون كوب واحد
هو هو المستعمل للزبادي وللكل المقادير
يعني ان استخدمتي علبة الزبادي فيكون
هو ده الكوب المستعمل لباقي المقادير

الطريقة تخلط المقادير كلها مع بعض وبحطها بصينيه
مقاسها حوالي 26 سم
طبعا مدهونة سواء بالطحينة او بالزبد ومرشوش بالدقيق

ودخلها الفرن الحار وبعدها بوطي عليها واسببها بالفرن
واول مااحمرت طلعتها وبعد 3 دقايق سقيت الشربات

اما بالنسبة للشربات كان عبارة عن
كوب ماء وكوب سكر ونص ليمونة وملعقة زبدة
وربع معلقة فانيليا

انا لازم اعمل البسبوسه دى مره عملتها حلوه بس الشربات كان تقيل فخلاها زى الحجر وبوظهالى....ترميها تردلك تانى

[monaahmedsaad]

تسلمي ياسادي يارب
فعلا انظف واحلي بكتير


مرات جوزها حاولي تخففي الشيرة لانها كل ماكانت حلوة كانت احسن ان شاء الله هتعجبك
ماشاء الله جميلة بتعجب جوزي اوي وكل اللي دقوها
ان شاء الله تعجبك والف هنا حببتي