بالهنا و الشفا عليكو كلكو
مرات جوزها......ماهو بيتاكل فى ساعتها قبل ما الايس كريم يسيح
جوجو
مانا ضفت لها عين جمل مجروش.......جمييييييل
للبحث في شبكة لكِ النسائية:
|
بالهنا و الشفا عليكو كلكو
مرات جوزها......ماهو بيتاكل فى ساعتها قبل ما الايس كريم يسيح
جوجو
مانا ضفت لها عين جمل مجروش.......جمييييييل
صحتين يا جوجو....
اليوم انا جايبة لكم وصفة سندويتشات لكن مغذية وخفيفة ولذيذة جدا...
سندويتشات الكفته السريعة:
نجيب اللحمة المفرومة ونحط عليها بهار وفلفل وبصل مبشور وملح ..ونعملها صوابع..
في طاسة بحط معلقة زيت ونسوي الكفتة
في طاسة تانية بحط معلقة زيت وبشوح بصلة كبيرة متقطعة شرايح وبحط فوقها برضو جزر متقطع شرائح رفيعة وبكتر منه واشوحه شويه مع البصل واول ما يدخل في السوا احط فلفل احمر واصفر واسيبه دقيقتين واحط عليه طماطم متقطعة رفيعة بكتر منها كمان عشان يبقى الصوص كتير ونحط فلفل شوية وشطه اللي يحب واكيد ملح ونسيب المزيج شوية لغاية ما يستوي ويبقى مزيج ميته تقيلة..
نحشي عيش الفينو نحط المزيج وفوقة الكفتة وبيبقى طعمه هايل...
تسلم ايديكي ياسادينا ماشاء الله عليكي الف هنا يارب
انا من محبي الكفتة وبالذات في الفينو
تسلمي ياقمر يارب
كان عندي يوم السبت عزومة عملت حاجات ع اقدي كده
برياني بس بطريقة سهلة
جبت لحمة سلقتها ف مية وورق لورا حبهان فلفل بس
و بعد ما تسلقت ف حلة تانية زبدة ع زيت صفرت بصليتن كببيرة و بعدين لحمة و ورق لورا و قرفة خشب و حبهان و فلفل اسمر و ملح و اقلب شوية و ف الوقت ده غسلت كوبيتن رز بسمتي و سبته ع جنب و بعدين نزلت الرز ع اللحمة و قلبتهم شوية و صفيت الشوربة بالمصفاة و حطيت ع كل كوباية رز كوباية و ربع شوربة و ف اخر حطيت ربع معلقة كركم و ع نار هادية جدا غطيت الحلة و تسبيها مع نفسها
رقاق باللحمة المفرومة طبعا كلكم في استادة و ضفيت كوباية لبن و بيضة و ربع معلقة بودر و ده ترشيح " مرات جوزها " فعلا طري طري و ممتاز جداا
و عرق لحمة و كنت واخدة طريقته من ام جوري " بتجيب العرق و تربيطيه و تغرسي ف توم و كرفس و جزر مبشور و فلفل و تحمريه ف زبدة و بعدين زودته شوية ميه ياخد غلوتين ع نار و شوية " تأليفة دي م عندي " دهنته صلصة عليها زعتر و عصير ليمون و معلقة زبدة و دخلته الفرن
عملت تأليفة بس و الله طلعت حلوة
اولا جبت بسلة شوحتها ف بصلة و فلفل و زودتها مية بسيطة" بتاخد سوي اكتر شوية م باقي الخضار
و بطاطس قطعتها بالطول و جزر و كوسة بالطول برضه و ضفت عليهم البسلة سويتهم ع بخار ف مصفاة و تحتهم ميه و شوية و نزلتهم م مصفاة و شوحتهم ف مقلاة تيفال بزبدة بصل و توابل و جوزة الطيب و بعدين رصيتهم ف صينية و حطيت فوقهم صوص ابيض خفيف و رشة جبنة موتزيلا و حطيتهم ف شواية الفرن طلع طعم جديد
السلطات : باب غنوج و فتوش و مخلل
السلام عليكم أخواتى
انا النهاردة جيت متأخر علشان كنت بجهز خزين الشهر
المهم النهاردة وانا بعمل شوبنج لقيت سمك تحفة والجميل اللى فيه انه كان بيلعب ويتنطط فى الماية فقولت لازم أقضى عليها
المهم الاكل النهاردة كان
-سمك مقلى وحشيت باطنه بالليمون والكمون والفلفل الأسود والثوم والملح
-عملت الأرز بطريقة تحفة "رز بالبطاطس والعتس الأصفر"حد جربه قبل كده
طريقة عمله
ببقطع البطاطس مكعبات وبحطها فى زيت الارز أو السمنة لمده دقيقه علشان لونها يادوب ييصفر وبعدبن بحط معيار الماية بعد غليان الماء ووضع الملح بضيف الأرز ومعاه العتس الأصفر والمهم تكون كميته صغيره مش كتيرة "يادوب رشة علشان تعمل شكل للرز مع مكعبات البطاطس"
تسلمى سادينا ومصرية بالكويت أختراعاتك جامده جداااااااااااااااااا
وعجبتنى اوى " جارى التجربة"
الروابط المفضلة