ركن الجمال المصرى ..(نرحب بالضيوف)

[alx_m2005]

حنان بارك الله فيكى وعليكى والله العظيم وصفات جميلة جدا وفعلا بسيطة ومن السهل وجودها انا عضوة جديدة لانج فى المنتدى وبجد فرحت جدا جدا لما لقيت مصريات ووصفات زى دى هنا عندى سؤال
بالنسبة لوصفة نبات السعد لازالة الشعر ممكن نخلطها مع زيت الزيتون لانى سمعتها من د\ عبد الباسط ان نسخن نبات السعد فى زيت الزيتون على نار هادية ونستخدمة اية رايك ؟ انتى جربتيها كدة قبل كدة؟معلش عندى سؤال تانى ياريت لنا تكتبى الوصفات تقولى دى للبشرة الدهنية ولا لغيرها لان الوصفات كتيرة قوى ومش عارفة اية الى يناسبنى وشكرا كتير كترت عليكى احبك فى الله امضى على بركة الله ارجوا الرد بسرعة اختك فى الله نونة

[nooonaaa]

الاخت الجميله العزيزه حنان
اولا ماشاء الله والله اكبر على معلوماتك وربنا يزيدك يارب
انا كنت عايزه اقولك ان اسمي زي اسمك حنان
بصي يا سيتي انا هاتجوز في العيد الصغير يعني على شهر 10 الجاي ان شاءالله
وكنت عايزاكي تقوليلي على كورس مكثف جدا جدا جدا لشعري لان كلمه مجهد وتعبان ومقصف وباااااايظ هاتبقى قليله جدا عليه بما ان انا كنت بستعمله كريمات الفرد لحد ما شعري اشتكى وحسيت انه هانطق ويقوللي ارحميني
فاكنت عايزه اريحه خالص استعمل حاجات كلها طبيعيه بما ان لسه ادامي فتره كويسه يعني
فا ايه رايك في المايونيز وزيت الذره عافيه والزبده والحاجات دي؟
وايه رايك كمان في اعشاب فرد الشعر انا جايباها من منتجات اصاله بس لسه ما استعملتهاش في ناس قالولي ان مفعولها زي كريمات الفرد بالظبط يا ترى الكلام دا صح والا غلط؟
على فكره انا استعملت زيت شعر املا بقالي مرتين كده حسيت انه بيطري شعري وبيلمعه بس ريحته لا تطاق ينفع اعمله حمام
وزيت هيماتاج لو تعرفيه ايه رايك في كويس والا لا ؟
انا عارفه اني طمعت وسالت على حاجات كتييير ورغيت كتير بس انا والله ماصدقت لقيت حد فاهم زيك كده ماشاءالله عليكي وهاستفاد منه
بس عشان خاطري بلاش تتاخري عليا
دا احنا حنان زي بعض

[monaleza33a]

السلام عليكم شكرا كثيرا لك ياحنان فانت فعلا جميلة جدا لمجهوداتك العظيمة وهذه هي أول مشاركة لي معكم واريد ان اسألك هل يوجد أعشاب فرد للشعر آمنه عند حراز لكن لا تغير لون الشعر وزيت الحشيشة ممكن الاقية عنده وهل سمعتي عن زيت الحية الأصلي مش دهن الثعبان لقد قرأت عنه في منتدي آخر لكن كانت الي كاتبة الموضوع مش مصرية ومعرفتش تفيدني فممكن لو سمحتي تفيديني لو الأشياء دي موجودة عند حراز وأسعارها كام معلش تقلت عليكي بس ده من عشمي فيكي
شكرا كثيرا.

[ميمومانو]

السلام عليكم ورحمه الله وبركاته
حبيبتى حنان بجد حبيبتى بحبك فالله
أنا لسه مشتركه فى المنتدى من كام يوم لكنى لسه أنهرده مكتشفه الركن المصرى الرائع ده
وقريت من أول صفحه فيه ووصلت فيه للصفحه 21 وحبه أكمل قرايه فيه صفحه صفحه
حتى لا يفتنى منه شئ بجد حاجه جميله أوى
كل اللى فيه جميل وأجمل ما فيه حنونه بنصايحها ووصفتهاوصدرهاالرحب لكل سؤال أوستفسار وردودها المفيده بجد الله يباركلها ويحقق ليها كل اللى تتمناه
بس ليا ملحوظه متوضعه لو تسمحيلى أقولها وما تزعليش منى
وصفاتك تحفا جدا بس للأسف اللى بيقراء بيتوه بين الوصفات والأسأله وكمان الكلام المرح والدردشات اللطيفه بين الأخوات المشتركات
فمثلا اللى بتكون عايزه بس الوصفات تفضل تدور تدور وبتوه فلو تسمحيلى أقترح أقتراح وللأمانه أن سبق طرحه قبل كده من أخت فاضله ولكن لم يؤخذ بعين الأعتبار وهو
من الأفضل أن يكون لون كتابه الوصفات والرد على الأسأله مختلف ومميز عن باقى ألوان الكتابه وليكون مثلا الأحمر
وده إن شاء الرحمن أكيد هيسهل على القارءه أن تحصل على ما تريد بسهوله
وسامحونى على الأطاله
بس حبيت أرد وأحيى كل من فى هذا الركن المصرى الجميل ووردته الحنونه حنان
وعلى فكره أنا كنت مصره أنى أكمل القراءه لحدال103 صفحه بس للأسف بنتى صحيت من النوم
عند الصفحه ال21 فطريت أنى أقوملها
وسامحونى مره أخرى على الأطاله
وألقاكم على خير
والسلام عليكم ورحمه الله وبركاته

[وردة النيل]

شكرا اختى حنان انا كمان من مصر وانا سعيدة بلقاءك بس اسالك عن شيى صابونة النابولسى تباع فى الصيدلية ولاعند العطار وهل هى جيدة وبالنسبة لكريم العروسة اريد اسم العطار الذى اشتريتية منة ومعذرة اطلت عليكى

[وردة النيل]

شكرا اختى حنان انا كمان من مصر وانا سعيدة بلقاءك بس اسالك عن شيى صابونة النابولسى تباع فى الصيدلية ولاعند العطار وهل هى جيدة وبالنسبة لكريم العروسة اريد اسم العطار الذى اشتريتية منة ومعذرة اطلت عليكى

[مصرية كيوت]

أهلا بكل المصريات انا من طنطا و عندي سؤال في حكابة الشعر الزائد و هو ما رأيكم في ماكينة براون؟ و كمان انا عندي شعر خفيف في ضهري و مش عارفه أعمل ايه؟ و سؤال تاني عام شوية هو مش صحيح ان ازالة الشعر البين الحواجب حلال؟
و اسفة على الاطالة.

[سائلة على باب الله]

ما شاء الله موسوعة اختى فى الله حنان بارك الله لك فيما عندك و احتسبى اجرك عند الله و لا حرمك الله الاجر و الثواب و نفع بك دائما

[ميمومانو]

السلام عليك ورحمه الله وبركاته
أنصحك لو شعر ظهرك خفيف أنك ما تشيليه وكمان الشعر اللى بيكون فى أعلى الفخدين ما لازم يتشال لو كان خفيف علشان لو شلتيه بيطلع أتقل مما كان الأول وهتطرى بعد كده أنك تداومى على إزالته لأنه هيكون تقيل وغزير عن الأول
وعن الراون هى بجد حلوه أوى وأسرع من الحلاوه بس ما أنصحك تستخدميها فى الاماكن الحساسه
وعلى فكره شعر الظهر والفخدين والبطن والصدر لو خفيف وما شلتيه أبدا بأى طريقه
بعد فتره يعنى لما يوصل سنك أن شاء الله للثلاثينات أو بعد كده
هيطير لوحده وما يطلع تانى أبدا ويختفى نهائيا
علشان كده بنصح بعدم أزالته (ما دام خفيف)
والسلام عليكم ورحمه الله وبركاته

[زهرةالصحراء]

السلام عليكم ورحمة اللة وبركاتة

بصراحةأختي حنان انا كتبت طلب انة اذا فية واحدة عارفة مكواة شعر كهربائية اصلية وكويسة ومتحتاجش اني استعمل قبليها الاستشوار تقولي لاني محتاجها ضروووووووووووووووووووووووووري وتقولي علي اسمها وجبتها من فين وبكام
بس للاسف محدش ردت عليا

ارجووووووووووووووووووووووووووو اني الاقي رد منك او من باقي الاخوات الفاظلات

بس ارجوووووووووووووكي باسرع وقت ٍ