"عروسات المستقبل تعالوا اقولكم".. جزء ( 11 )

[basbosa.2]

ههههههههه وديا الايد تانية احلى واسرع يا بسوبسة انتى ممكن تجيبى كريم ضد الالتهابت من الصيدلية وحطى على الصبع وبليل البسى دبلة فى الشمال وبلاش تخلى كلور ولا صابون الغسيل يجى على ايدك ديه

كازنوافا اللى جبتيه مظبوط لانه منه كذا نوع وكلهم حلوين ومغذى للشعر وانا بحبه اكتر من بالمرز

هههههههه.....هنودتى حبيبتى وحشتينى

لالالالالالا ياستى انا مبحبش الغش انا عايزة اوديها بجد بقىىىىىىىى.....ههههههه عموما انا ساعات بحطلها فيوسيدين لغايه ما تروح الايد التانيه وخلاص ههههههههه

وكنت عايزة اسالك على البيكينج صودا ده مفيد للجسم ولا ايه؟؟؟انا كنت قريت انه بيفتح الجسم وبيستخدم على فوطه فيها مياه سخنه او حاجه كده بس خفت استخدمه...وقلت طبعاااااا اسالك ههههههه

[7abiba21]

معرفش يا سارة والله هو البيكنج بودر ولا الكربوناتو (كربونات الصوديوم)
ياريت تبقى هنودة تفيدنا فى الموضوع ده

[az-butterfly]

السلام عليكم ...

ازيكم يا احلى بنانيت ....اخباركم ايه؟؟؟

ازيك يا " هنودة " يارب تكونى بخير


"حبيبة " ازيك يا قمرايه ...عاملة ايه ؟؟

تسلمى على الباديكير جمييييييييييل جدا وحلو اوى وسهل كمان ...تسلمى .. جزاكى الله خيرا

بس من فضلك هو المسميات دى بتاعت مبرد الجلد ومقص الالجلد ... وكدة هى دى مسمياتها يعنى اروح اشترى ولقول انا عايزة كذا... ولا هم بكج على بعضه اسمه باديكير ...وشكرا ليكى

[az-butterfly]

السلام عليكم

" هنودة " ازيك عامله ايه ؟؟؟

تسلمى يارب وجزاكى الله كل خير ياقمر على لينك الفساتين ... دول جمال جدا وكلهم رقة ...ميرسى كتييييييير ليك

بس عندى من فضلك سؤالين ..

- ممكن تقولليلى على اتيليهات كويسة فيها فساتين شيك وحلوة كدة هنا فى اليكس.. وهل الاتيليلهات دى بتكون كاملة فيها الحاجات كلها ...اللى هى البديهات او الكارينا المناسبة للفستان ولا انا بجيبه واوديهولها يتطرز او كدة ولا بودى البادى لمكان معين يتطرز او يتجمل فيه على حسب الفستان

- ازاى اشترك فى اوريفليم او ماى واى والشركات دى ...او لو انا مش حابه اشترك اعمل ايه علشان اشوف الكتالوجات واروح فين اشترى الحاجات دى ...يعنى بليز قوليلى التفاصيل والاماكن ....

وتكرمى ياقمر..
وبجد اسفة على الاطاله

[ملوكة 12]

تسلمى على الباديكير الجامد ده يا حبيبه
بس هو انا ممكن اشترى الحاجات دى منين واسمها ايه؟؟
هنودتى ازيك ومعلش عايزة لينك التمارين بتاع البطن لانى اضطريت
اسيبها بعد ما نتظمت فيها وعايزة ارجع لها تانى

[hasby_raby_77]

ازيكم يا بنات وازيك يا هنوده يا ملكة خلية العسل
اسفه على التأخير والله الشغل كان جامد جداااااااااا الاسبوع ده
واسمحولى اكتب لكم الليسته ويارب تفيدكم

[hasby_raby_77]

اولا احتياجات الوجه و الجسم

كريم بشره -شاور جيل-كريم قدم-كريم صنفره للوجه وللقدم
بودر للجسم - تويتى للجسم(ومعرفش مدى حرمانيته)-كريم تفتيح للجسم
لوفه+فرشاه للظهر-منظف للبشره-أظافر تركيب(ومعرفش برضه حلال ولا)
بكر وبنس وتوك وفرش وامشاط للشعر-دبابيس ايشارب
كريم وزيت وبلسم وحمام كريم وشامبو للشعر
معجون اسنان+2فرشاه-ماسك للبشره-جلاتور للجسم والعين
كريم للعين-مانيكير

المكياج
اى لاينر(اسود-ازرق-اخضر)+كحل(اسود-ازرق)
اى شادو(علب صغيره بنى وبمبى)+ماسكرا(اسود-ازرق)
احمر خدود(هافان- موف -روز)
مراه صغيره للمكياج
بودر(مائيه عاديه وبرونزيه)
كريم اساس بونجور-lipstick
ملمع-جلاتيور
روج(روز و احمر وبنى وموف وبيج ونبيتى وبرتقالى)+الوان تحيد الشفاه
ملقاط-برفانات-مزيل للعرق-مبرد للقدم وللاظافر-حجر صنفره للقدم
طلاء اظافر +مزيل للطلاء+قصافه للظافر
قطن +كريم مزيل للشعر او الماكينه او السويت+سيشوار للشعر

[hasby_raby_77]

ملابس للعروس
اكسسوار -شماعات -بديهات هاى كول للشتاء -ايشاربات تتناسق مع 3عبايات استقبال وخلى بالكم من تخصيص عبايه شيك للسبوع
ملابس شتوى للبيت
اسدال للصلاه
شبشب فرو +شبشب للحمام+اح\يه وشنط للخروج
اطقم خروج شتوى لايقل عن 3 اطقم
طقم داخلى ابيض للعروسه قطن ليوم الفرح ان شاء الله تحت الفستان
برنس ليكى ولعريسك للحمام
ملابس صيفيه للخروج (3 اطقم على الاقل)
ملابس صيفيه للبيت+روب قطن او ستان +بيجامات(بنطلون وشورت وبرمودا)
ملابس داخليه قطن وستان +اكسسوار مكمل
شرابات للقدم للخروج وممكن للبيت برضه

[hasby_raby_77]

بياضات ومفروشات
مفرش للسرير(ليلة الزفاف+عند استقبال الضيوف)+مفرش قطيفه
بطانيه - لحاف(على الاقل)+2 كوفرته
فوط (صغيره - متوسطه لتجفيف اليد-كبيره للحمام)
مفارش السفره(2 مفرش قطن او بلاستيك - مفرش مطرز)+فوط للسفره والنيش
مفارش للترابيزات التى فى البيت +للانتريه
مفارش للصوانى الاستانلس ستيل
4 ملاءات سرير على الاقل + 4 اكياس مستطيله للمخدات
6 فوط وجه على الاقل+ 3 فوط قطيفه للضيوف+فوط للمطبخ
مريله للمطبخ +ماسكات للاستعمال
2 بشكير للحمام او برنس
القطن ويكون كافى لعمل شلتتين
سجاجيد - ستائر-نجف

[hasby_raby_77]

خزين البيت
صابون وجه وغسيل وسلك للاطباق او مسحوق لغسالة الاطباق
سمن بلدى - زيت زره وزيت للقليه
5 ك ارز + 10 ك سكر _مكرونه-شعريه-لبن-توابل(بهارات-ملح-فلفل-كمون-كسبره-نعناع-ورق لورا-حبهان-كارى-توابل مشويات وللفراخ والسمك)
شاى -بن- نسكافيه -كاكاو-دقيق-نشا-بقسماط مطحون-بيض-بصل-ثوم
ابره+بكر خياطه+مقص
صابون سائل-برسيل اتوماتيك+عادى+كلوروكس+منظف للزجاج وللارضيات وللخشب
بقوليات(عدس-لوبيا-عدس اصفر-فاصوليا)-خضروات
جلاش-لانشون- جبن رومى ونستو وجبن ابيض-لحوم وسمك وبانيه وبفتيك
مطبقيه للمطبخ بجانب الحوض