السلام عليكم ورحمه الله وبركاته
اخواتي الغاليات عضوات الفريق
فعلا كل يوم بتحسسوني بالفخر اني فكرت اعمل فريق العزيمه
بحس اني قدرت بفضل الله اني اجمع شقيقات يحببن بعضهن في الله رغم مئات او الاف الكيلو مترات التي تفصل بينهن
اخواتي الغاليات
طبعا كلنا مشغولين بترتيبات عيد الاضحى المبارك اعاده الله علينا جميعا باليمن والبركات
واكيد في ناس كتير ملخبطه
وانا هاعترف اني لخبطت النهارده
لاني كنت برا البيت من الساعه 9 الصبح وكنت بلف على رجليا وجيت الساعه 10 بالليل كنت هقع من جوزي ودخلنا اول مطعم قابلنا وجبنا ساندويتشات وطبعا كان كنتاكي وساندويتشاته اللي كلنا عارفينها
فانا هعمل معاكم صفقه ترضي الكل
لان مش كلنا نقدر نعمل دايت في العيد
نا مثلا مش هخرج 4 ايام العيد وجوزي مش بيحب الفته ولا الرقاق فالعيد بالنسبالي هيكون شوي
فانا من النهارده هسامح اي واحده هتلخبط لحد ثالث يوم العيد
لاني هحط في الاعتبار ان اول يوم عند الاهل وتاني يوم عند اهل الزوج وثالث يوم مع الاصحاب والاصدقاء
لكن من يوم الاثنين القادم باذن الله تعالى التزااااااااااااااااام تاااااااااااااااااااااااام من الكل
ولي رجاء للكل
اننا مهما اكلنا نحاول نتحرك ولو نص ساعه علشان جسمنا كلنا ميزيدش
وانا جبت الاوربت تراك والشركه هتجيبه البيت يوم الوقفه بامر الله تعالى
وانا اخترت الاوربت تراك لان سمنتي رغم نزول وزني الواضح متركزه في الذراعين والثدي والدكتور قالي مش هتنزل الا بالاوربت تراك
عجبتني جدا فكره اننا نقرب من بعض ونحكي لبعض عن حياتنا الشخصيه
لاني بعتبر اننا كلنا اخوات في الله لا ينقصنا الا قرب المسافه
ولكن لي ملحوظه مهمه
ممنوووووووع منعا باتا اي منافسه جانبيه
فكلنا ننافس بعضنا وكلنا هدفنا واحد واعتقد ان المنافسه بين 10 افضل من المنافسه بين اثنين
وده عملا بقول رسولنا الكريم عليه افضل الصلاه والسلام
عن ابن عمر رضى الله عنه أن رسول الله صلى الله عليه وسلم قال( إذا كانوا ثلاثة فلا يتناجى اثنان دون الثالث ) متفق عليه ورواه أبو داود
فكلنا نتنافس من اجل هدف واحد
واجمل ما في فريقنا هو روح الاسره التي نتمنى ان تدوم للابد بامرالله
الروابط المفضلة